சின்னத்திரை நிகழ்ச்சிகள் மூலம் மக்கள் மத்தியில் பிரபலமானவர் சுனிதா, விஜய் தொலைக்காட்சியில் 2010-ம் ஆண்டு ஒளிபரப்பான 'ஜோடி நம்பர் ஒன் சீசன்-5' மூலம் தனது திரைப்பயணத்தை தொடங்கினார். அதன் பிறகு சில நிகழ்ச்சிகளில் பங்கேற்ற அவர் 3 படத்தில் ஸ்ருதிஹாசனின் தோழியாக நடித்தார், பின்னர் ஒருசில படங்களிலும் நடித்துள்ளார். இதுபோன்ற நிகழ்ச்சிகளில் அவர் பங்கேற்றாலும் அவருக்கு பெரிய அங்கீகாரத்தை கிடைக்க செய்தது குக் வித் கோமாளி நிகழ்ச்சி தான், இந்த நிகழ்ச்சியில் கோமாளியாக பங்கேற்ற இவரின் தமிழ் உச்சரிப்பை பலரும் கேலி செய்வார்கள். அந்நிகழ்ச்சியில் பங்கேற்ற கோமாளிகளில் புகழ், ஷிவாங்கி மற்றும் பாலா இவர்களுக்கு இருப்பதை போன்றே சுனிதாவிற்கும் அதிகமான ரசிகர்கள் உள்ளனர்.
இவர் தற்போது 'சுனிதா எக்ஸ்பிரஸ்' என்கிற பெயரில் யூடியூப் சேனல் ஒன்றையும் நடத்தி வருகிறார், இவர் இந்த சேனலை தொடங்கிய ஒரு வருடத்தில் கிட்டத்தட்ட 600K சப்ஸ்க்ரைபர்கள் வந்துவிட்டனர். இவர் சமூக வலைத்தளங்களில் படு ஆக்டிவாக இருப்பார், இன்ஸ்டாகிராமில் இவரை 1.5 மில்லியன் பேர் பின்பற்றுகின்றனர். சமூக வலைத்தளங்களில் அடிக்கடி இவர் ரசிகர்களுடன் கலந்துரையாடுவார். அப்படி சமீபத்தில் இவர் ரசிகர்களுடன் பேசிக்கொண்டிருக்கும் போது ஒருவர் செய்த மோசமான கமென்டிற்கு சுனிதா கடுமையாக பதிலடி கொடுத்தது ரசிகர்களின் கவனத்தை பெற்று வருகிறது.
மேலும் படிக்க | எப்படி இருக்கிறது அமீர்கானின் லால் சிங் சத்தா? திரைவிமர்சனம்!
சுனிதா அவரது இன்ஸ்டாகிராம் பக்கத்தில் ரசிகர்களுடன் பேசிக்கொண்டிருக்கையில், ஒருவர் அவரது பிகினியை கழற்ற சொல்லி கமெண்ட் செய்தார். அந்த நபரின் ப்ரோபைலை சுனிதா ஸ்க்ரீன்ஷாட் எடுத்து அவரது இன்ஸ்டாகிராம் ஸ்டோரி பக்கத்தில் 'நீ ஒரு கோழை' என்று அந்த ப்ரோபைலை பதிவிட்டுள்ளார். சுனிதாவின் இந்த பதிலடியை பலரும் பாராட்டி வருகின்றனர்.
மேலும் படிக்க | எப்படி இருக்கிறது எஸ்ஜே சூர்யாவின் 'கடமையை செய்' படம்? திரைவிமர்சனம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
