80 வயது மதிக்கத்தக்க இரண்டு வயதான கொரோனா வைரஸ் நோயாளிகளின் இதயத்தை உடைக்கும் வீடியோ, தற்போது இணையத்தில் வைரலாகி வருகிறது.
இவர்கள் இருவரும் மருத்துவமனையில் ஒருவருக்கொருவர் பிரியாவிடை கொடுத்துக்கொள்ளும் இந்த தருணம் தற்போது இணையத்தில் பார்ப்பவர்கள் மனை வருத்தத்தில் ஆழ்த்தியுள்ளது. வயதான தம்பதியினரின் வீடியோ ஒரு ட்விட்டர் பயனரால், "ஒரு ஜோடி என்றால் என்ன அர்த்தம்?" என்று தலைப்பிட்டு பகிர்ந்துள்ளார்.
வயதான தம்பதியரின் இந்த வீடியோ வைரலாகி வரும் நிலையில், சமூக ஊடகங்கள் எதிர்வினைகளால் குழப்பமடைந்தன.
What does a couple mean? Two elderly patients of #coronavirus in their 80s said goodbye in ICU, this could be the last time to meet and greet pic.twitter.com/mUMETgGZOc
— Kaashin (@Kaashin1) February 3, 2020
இந்த வீடியோவை பார்த்த பயனர் ஒருவர் "இந்த வயதானவர்கள் கஷ்டப்படுவதைப் பார்த்து மிகவும் பயங்கரமாக இருக்கிறது. சூழ்நிலை முற்றிலும் கட்டுப்பாட்டில் இல்லை. பகிர்வுக்கு நன்றி." என குறிப்பிட்டுள்ளார்.
இன்னொருவர் எழுதினார், "காதலிக்கு விசுவாசம் ... என்ன ஒரு சோகமான வீடியோ ... ஆனால் அது வாழ்க்கையின் இறுதி வரை முடிவடையாத அந்த அன்பின் சிறப்பைப் பற்றி நிறைய கூறுகிறது ..." என குறிப்பிட்டுள்ளார்.
ஒரு பயனர் குறிப்பிடுகையில்., "நான் மனம் உடைந்தேன், ஆனால் யார் படப்பிடிப்பில் இருக்கிறார்கள், அந்தப் பெண் வெளிப்படையான துயரத்தில் இருப்பதைப் போலவும், ஆண் உதவி தேடுகிறான் போலவும் அவர்கள் எப்படி இருக்க முடியும்?" என குறிப்பிட்டுள்ளார்.
மற்றொரு ட்விட்டர் பயனர் "மனித துன்பத்தின் படங்கள் கற்பனை செய்ய முடியாதவை" என்று குறிப்பிட்டுள்ளார்.
சீனாவின் ஹூபே மாகாணம், வுஹான் நகரில் உயிரைக் குடிக்கும் கொரோனா வைரஸ் உருவானது. அந்த வைரஸ் சீனா மட்டுமின்றி 27 நாடுகளுக்கு வேகமாகப் பரவியுள்ளது. இதுவரை இந்த வைரஸ் தாக்குதலுக்கு உயிரிழந்தோர் எண்ணிக்கை, 361 ஆக உயர்ந்துள்ளது. இதுதவிர 17 ஆயிரத்துக்கும் மேற்பட்டோர் கொரோனா வைரசால் தாக்கப்பட்டுள்ளனர்.
கொரோனா வைரஸ், இந்தியாவில் பரவாமல் தடுக்க, மத்திய மாநில அரசுகள் முன்னெச்சரிக்கை நடவடிக்கைகளை மேற்கொண்டுள்ளன. சீனாவில் இருந்து கேரள மாநிலம் வந்த 2 பேருக்கு கொரோனோ வைரஸ் பாதிப்பு இருப்பது உறுதி செய்யப்பட்டிருப்பது இந்தியாவிலும் பரபரப்பை ஏற்படுத்தியது. இந்த வைரஸ் காற்றில் கலந்து அதிகமாகப் பரவுவதால், தங்களைப் பாதுகாக்க பலரும் முகக்கவசம் அணிந்துள்ளனர். எனினும் கோரோனா-வின் கோரத்தாண்டவம் இந்தியாவையும் விட்டு வைக்கவில்லை.
