இபிஎஃப்ஓ பாஸ்புக் சரிபார்ப்பது எப்படி: ஊழியர்களின் வருங்கால வைப்பு நிதி அமைப்பு (EPFO) ஊழியர்களின் இபிஎஃப் கணக்கில் வட்டித் தொகையை டெபாசிட் செய்யத் தொடங்கியுள்ளது. சந்தாதாரர்களின் முழு வட்டியும் கணக்கில் டெபாசிட் செய்யப்படும் என்று இபிஎஃப்ஓ தெரிவித்துள்ளது. இபிஎஃப் கணக்கு வைத்திருப்பவர்கள் விரைவில் தங்கள் கணக்கில் இந்த தொகைக்கான வரவை பார்க்க முடியும்.
இபிஎஃப்ஓ பாஸ்புக் சரிபார்ப்பு
பிஎஃப் வட்டிப் பணம் ஊழியரின் கணக்கில் டெபாசிட் செய்யப்பட்டுள்ளதா இல்லையா என்பது குறித்த தகவல்களை பாஸ்புக் மூலம் சந்தாதாரர்கள் தெரிந்துகொள்ளலாம். இபிஎஃப்ஓ இணையதளம் மூலம் பாஸ்புக்கை ஆன்லைனில் பார்க்கலாம். அரசு வட்டித் தொகையை அனுப்பத் தொடங்கியுள்ளது. சில சந்தாதாரர்கள் கணக்கில் இந்த தொகை வரவு வைக்கப்பட்டுள்ளது. மீதமுள்ளவர்கள் வரும் நாட்களில் இந்த தொகையை பெறுவார்கள்.
EPFO பாஸ்புக்கை ஆன்லைனில் எவ்வாறு செக் செய்வது?
- இபிஎஃப்ஓ -இன் பாஸ்புக்கைச் சரிபார்க்க, உறுப்பினர் இபிஎஃப்ஓ -இன் அதிகாரப்பூர்வ வலைத்தளமான epfindia.gov.in -க்கு முதலில் செல்ல வேண்டும்.
- இங்கே முகப்புப் பக்கத்தில், 'For Employees' என்ற விருப்பத்தைக் கிளிக் செய்யவும்.
- அதன் பிறகு, உறுப்பினர் பாஸ்புக் (மெம்பர் பாஸ்புக்) என்ற விருப்பத்தை கிளிக் செய்யவும்.
- பாஸ்புக் விருப்பத்தை கிளிக் செய்த பிறகு, UAN விவரங்களை உள்ளிட்டு லாக் இன் செய்யவும்.
- அதன் பிறகு நீங்கள் EPF கணக்கின் பாஸ்புக்கை காண்பீர்கள். நீங்கள் விரும்பினால், பாஸ்புக்கை பிரிண்ட் எடுத்துக்கொள்ளலாம்.
மேலும் படிக்க | EPFO Alert: இதை செய்யாவிட்டால் உங்கள் இபிஎஃப் கணக்கு தானாக மூடப்படலாம்!
பணியாளர் வருங்கால வைப்பு நிதி (இபிஎஃப்ஓ) தொகையில் கிடைக்கும் வட்டி விகிதம்
ஒவ்வொரு நிதியாண்டிலும் இபிஎஃப்ஓ கணக்குகளுக்கான வட்டி விகிதத்தை சிபிடி நிர்ணயிக்கிறது. இபிஎஃப்ஓ கணக்கில் உள்ள தொகையின் வட்டி மாதாந்திர அடிப்படையில் கணக்கிடப்படுகிறது. இருப்பினும், நிதியாண்டின் இறுதியில் வட்டி வரவு வைக்கப்படும். அடுத்த மாதத் தொகையுடன் வட்டியும் சேர்த்து, அடுத்த மாத வட்டியும் கூட்டு அடிப்படையில் கணக்கிடப்படும்.
உமங் ஆப் மூலம் பணத்தை பெறும் செயல்முறை:
உமங் செயலி மூலம் உங்கள் EPFO கணக்கிலிருந்து பணத்தை எடுக்க, உங்கள் யுனிவர்சல் கணக்கு எண்ணை (UAN) ஆதாருடன் இணைக்கவும்.
1. உங்கள் மொபைல் எண்ணைப் பயன்படுத்தி உமாங் செயலியில் பதிவிறக்கம் செய்து பதிவு செய்யவும்.
2. பயன்பாட்டில் கிடைக்கும் பல விருப்பங்களிலிருந்து EPFO விருப்பத்தைத் தேர்வு செய்யவும்.
3. ரைஸ் க்ளைம் ஆப்ஷனைத் தேர்ந்தெடுப்பதன் மூலம் உங்கள் UAN எண்ணை நிரப்பவும்.
4. உங்கள் பதிவு செய்யப்பட்ட மொபைல் எண்ணில் பெறப்பட்ட OTP ஐ EPFO இல் உள்ளிடவும்.
5. உங்கள் PF கணக்கிலிருந்து திரும்பப் பெறும் வகையைத் தேர்ந்தெடுத்து, படிவத்தை நிரப்பவும்.
6. படிவத்தைச் சமர்ப்பித்து, திரும்பப் பெறும் கோரிக்கைக்கான ஆதார் எண்ணைப் பெறவும்.
7. வழங்கப்பட்ட குறிப்பு எண்ணைப் பயன்படுத்தி திரும்பப் பெறும் கோரிக்கையைக் கண்காணிக்கவும்.
8. EPFO உங்கள் கணக்கிற்கு 3 முதல் 5 நாட்களுக்குள் பணத்தை மாற்றிவிடும்.
மேலும் படிக்க | ஜாக்கிரதை! உங்கள் PF கணக்கிலிருந்து இந்த வழிகளில் பணம் திருடு போகலாம்!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
