இந்தியாவின் Anti-tank guided ஏவுகணை ‘துருவாஸ்திரா’-வின் விமான சோதனைகள் சமீபத்தில் ஒடிசாவில் (Odisha) உள்ள இடைக்கால சோதனை வரம்பில் (ITR) வெற்றிகரமாக நடத்தப்பட்டன.
தகவல்களின்படி, தற்போது ‘துருவாஸ்திரா’ ஆண்டி டேங்க் கைடட் ஏவுகணை என்று பெயரிடப்பட்டுள்ள ஹெலிகாப்டரில் ஏவப்பட்ட நாக் ஏவுகணையின் (HELINA) சோதனைகள், ஜூலை 15 மற்றும் 16 ஆகிய தேதிகளில் நேரடி மற்றும் மேல் முனை தாக்குதல் முறையில் நடத்தப்பட்டன. இந்த சோதனை ஹெலிகாப்டர் இல்லாமல் நடத்தப்பட்டது.
#WATCH Trials of Helicopter-launched Nag Missile (HELINA), now named Dhruvastra anti-tank guided missile in direct and top attack mode. The flight trials were conducted on 15&16 July at ITR Balasore (Odisha). This is done without helicopter. pic.twitter.com/Jvj6geAGLY
— ANI (@ANI) July 22, 2020
ஹெலினா என்பது மூன்றாம் தலைமுறை ’fire and forget class' ஆண்டி டேங்க் கைடட் ஏவுகணை (ATGM) செயல்முறையாகும். இது மேம்பட்ட லைட் ஹெலிகாப்டரில் (ALH) பொருத்தப்பட்டுள்ளது. இந்த அமைப்பு, பகல் மற்றும் இரவிலும் அனைத்து வானிலைகளிலும் செயல்படும் திறனைக் கொண்டுள்ளது. இது, வழக்கமான கவசங்கள் கொண்டும் வெடிக்கும் எதிர்வினை கவசங்கள் கொண்டும் போர் டேங்குகளை தோற்கடிக்கும்.
ஹெலினா ஏவுகணை நேரடி முறையிலும் மேலிருந்து தாக்கும் முறையிலும் இலக்குகளை அழிக்க முடியும்.
பாதுகாப்பு ஆராய்ச்சி மற்றும் மேம்பாட்டு அமைப்பு (DRDO) கடந்த ஆண்டு போக்ரானில் NAG ஏவுகணைகளின் மூன்று வெற்றிகரமான சோதனை நடவடிக்கைகளை மேற்கொண்டது. 524 கோடி ரூபாய் செலவில் DRDO வடிவமைத்து உருவாக்கிய NAG ஏவுகணை அமைப்பை (NAMIS) வாங்குவதற்கு பாதுகாப்பு கையகப்படுத்தல் கவுன்சில் ஒப்புதல் அளித்த பின்னர் இது செய்யப்பட்டது.
இந்த அமைப்பில் மூன்றாம் தலைமுறை ஆண்டி-டேங்க் வழிகாட்டும் ஏவுகணை, NAG, மற்றும் ஏவுகணை கேரியர் வாகனம் (NAMICA) ஆகியவை உள்ளன.
ALSO READ: சீனாவுடனான பதற்றத்திற்கு மத்தியில் நடக்கும் IAF கமாண்டர்கள் நிலையிலான மாநாடு
இந்திய இராணுவத்தில் NAG ஏவுகணை வெற்றிகரமாக சேர்க்கப்பட்டுள்ளது. எதிரி தாக்குதலுக்கு எதிரான இராணுவத்தின் திறனுக்கு ஒரு மிகப்பெரிய ஊக்கத்தை அளிக்கும் என்று எதிர்பார்க்கப்படுகிறது
