டெல்லியில் புதிதாக 50 மெட்ரோ ரயில் நிலையங்களில் இலவச வைஃபை வசதி வெள்ளிக்கிழமை முதல் தொடங்கிவைக்கப்பட்டது.
டெல்லியில் ஏர்போர்ட் எக்ஸ்பிரஸ் லைன், புளூ லைன், எல்லோ லைன் ஆகிய சிறப்பு வழித்தடங்களின் வழியாக மெட்ரோ ரயில்கள் இயக்கப்படுகின்றன.
இந்நிலையில், டெல்லி வைஷாலி பகுதியுடன் நொய்டா நகரை இணைக்கும் ‘புளூ லைன்’ மெட்ரோ ரயில் சேவைக்குட்பட்ட 50 ரயில் நிலையங்களில் இலவச வைஃபை சேவை தொடங்கியது.
இதன்மூலம், இந்த வழித்தடத்தில் உள்ள 50 நிலையங்களின் வழியாக பயணம் செய்பவர்கள் இலவசமாக சமூக வலைத்தளங்களை பார்க்க முடியும்.
