கொரோனா வைரஸை கண்டு பீதி அடையத் தேவையில்லை என்று யோகா குரு பாபா ராம்தேவ் தெரிவித்துள்ளார்.
கொரோனா வைரஸ் பரவாமல் தடுக்கவும், மக்கள் தங்களை காப்பாற்றவும் தேவையான முன்னெச்சரிக்கை நடவடிக்கைகளை எடுக்குமாறு யோகா குரு ராம்தேவ் சனிக்கிழமை வேண்டுகோள் விடுத்தார். மேலும் கொரோனா வைரஸை கண்டு பீதி அடையத் தேவையில்லை என்றும் அவர் வலியுறுத்தியுள்ளார்.
செய்தி நிறுவனமான ANI உடன் பேசிய ராம்தேவ், "கொரோனா வைரஸை கண்டு பயப்படத் தேவையில்லை, ஆனால் அதன் பரவல் மற்றும் தொற்றுநோயைத் தடுக்க கண்டிப்பாக முன்னெச்சரிக்கைகள் எடுக்க வேண்டும்" என்றார்.
“நீங்கள் பொது இடங்களில் இருக்கும்போது அல்லது பஸ், ரயில் மற்றும் விமானத்தில் பயணிக்கும்போது உங்கள் கைகளுக்கு சானிட்டீசரைப் பயன்படுத்த வேண்டும். மேலும் நீங்கள் பொது இடங்களில் மற்றவர்களிடமிருந்து 4 முதல் 5 அடி தூரத்தை கடைபிடிக்க வேண்டும். முடிந்தவரை நீங்களும் முகமூடி அணிதல் நல்லது” என தெரிவித்துள்ளார்.
“நான் யோகா பயிற்சி மற்றும் நோய் எதிர்ப்பு சக்தியை அதிகரிக்க மற்றும் ஆஸ்துமா, இதய நோய்கள் மற்றும் நீரிழிவு நோய்க்கு சிகிச்சையளிக்க இயற்கையான வாழ்க்கை முறையை பின்பற்றுமாறு மக்களை கேட்டுக்கொள்கிறேன். இந்த வாழ்க்கை முறை நோய்கள் உள்ளவர்கள் COVID-19 நோயால் பாதிக்கப்படுவதற்கான ஆபத்து குறைவு" என்றும் அவர் மேலும் குறிப்பிட்டுள்ளார்.
நாட்டை உலுக்கியுள்ள கொரோனா வைரஸ் காரணமாக இந்தியா இரண்டு இறப்புகளைப் பதிவு செய்துள்ளது, இதுவரை 80-க்கும் மேற்பட்டோர் வைரஸுக்கு சாதகமாக சோதனை முடிவை பெற்றுள்ளனர்.
கொரோனா வைரஸ் பரவுவதைத் தடுப்பதற்கான முன்னெச்சரிக்கை நடவடிக்கைகளாக பல மாநிலங்களில் கல்வி நிறுவனங்கள், மால்கள் மற்றும் திரைப்பட அரங்குகள் அடைக்கப்பட்டுள்ளன.
கடந்த ஒரு வாரமாக இந்தியாவில் நேர்மறையான நிகழ்வுகளில் ஒரு பரபரப்பு ஏற்பட்டாலும், தொற்று இதுவரை லேசான பாதிப்பையே ஏற்படுத்தியுள்ளது. என்றபோதிலும் நாட்டு மக்களுக்கு தொற்று வைரஸின் மீதான பயன் இந்நாள் வரையிலும் குறைந்தபாடு இல்லை. இந்நிலையில் தற்போது கொரோனா வைரஸை கண்டு பீதி அடையத் தேவையில்லை என்று யோகா குரு பாபா ராம்தேவ் தெரிவித்துள்ளார்.
