எடை குறைந்து சுறுசுறுப்பா இருக்கணுமா? அதுக்கு காலையில் இதை குடிச்சா போதும்

எடை இழப்புக்கான உணவுகள்: உடல் எடை அதிகரிப்பது நம்மில் பலருக்கு உள்ள மாபெரும் பிரச்சனையாக உள்ளது. இதை எப்படி கட்டுப்படுத்துவது? உணவில் எந்த விதமான மாற்றங்களை செய்வது? இப்படி பல கேள்விகள் நம் மனதில் இருந்துகொண்டே இருக்கின்றன. ஆரோக்கியமான உணவுமுறை உடல் எடையைக் கட்டுப்படுத்த பெரிதும் உதவுகிறது. ஆனால் ஆரோக்கியமான டயட்டை பின்பற்றுவது பலருக்கு மிக கடினமாக இருக்கிறது. ஏனெனில் பலரால் உணவை கட்டுப்படுத்த முடிவதில்லை. அப்படிப்பட்டவர்களுக்கு உடல் எடையை குறைப்பது ஒரு சவாலாகவே தெரிகிறது. 

எடை இழப்பு பானங்கள்

காலை வேளையை சரியான உணவு மற்றும் பானத்துடன் தொடங்கினால், அது உடலில் நேர்மறையான விளைவை ஏற்படுத்துகிறது. காலையில் வயிறு காலியாக இருக்கும். இந்த நேரத்தில் செரிமானத்தை மேம்படுத்தும் ஆரோக்கியமான பானங்களை குடிப்பதும் எடை இழப்புக்கு உதவியாக இருக்கும். இந்த பானங்கள் உடலின் செரிமான அமைப்பை பலப்படுத்துவதால் உணவு நன்றாக ஜீரணமாகும். இந்த பானங்கள் குறைவான கலோரிகளைக் கொண்டிருக்கின்றன, இது எடையைக் குறைக்க உதவுகிறது. எடையைக் கட்டுப்படுத்த காலையில் எந்தெந்த பானங்களை குடிக்கலாம் என்று பார்ப்போம்.

இஞ்சி தேநீர்

பெரும்பாலும் மக்கள் காலையில் பால் டீ குடிக்கும் பழக்கம் கொண்டிருக்கிறார்க்கள். ஆனால் பால் டீயை விட இஞ்சி டீ உடலுக்கு நல்லது. இஞ்சி டீ தயாரிக்க, ஒரு கப் தண்ணீரில் ஒரு சிறிய துண்டு இஞ்சியை போட்டு நன்கு வேகவைத்து, வடிகட்டி, அதில் தேன் மற்றும் எலுமிச்சை சேர்க்கவும். இந்த டீயை குடிப்பதால் வயிறு தொடர்பான பிரச்சனைகள் வராமல் இருப்பதுடன், கொழுப்பை எரிக்கவும் இது பயனுள்ளதாக இருக்கும்.

தேன் மற்றும் எலுமிச்சை

உடல் எடையை குறைக்க எலுமிச்சை மற்றும் தேன் டீயை தயாரித்து குடிக்கலாம். இது உடல் எடையை குறைக்க உதவும். இந்த டீயை குடிக்க ஒரு கப் தண்ணீரில் எலுமிச்சையை பிழிந்து நன்றாக கொதிக்க வைத்து வடிகட்டி குடிக்க வேண்டும். இந்த பானத்தை குடிப்பதன் மூலம் உடலில் இருந்து நச்சுகள் வெளியேற்றப்படுகின்றன.

மேலும் படிக்க | உடல் இளைச்சு தொந்தி இல்லாம சிக்குன்னு இருக்க வெண் பூசணியை இப்படி சாப்பிடுங்க! சூப்பர் எஃபக்ட்

எலுமிச்சை மற்றும் சூடான நீர்

காலையில் எழுந்தவுடன் ஒரு டம்ளர் வெதுவெதுப்பான நீரில் எலுமிச்சை சாறு கலந்து குடித்தால் செரிமானம் மேம்படும் மற்றும் எடை குறையும்.

கிரீன் டீ 

கிரீன் டீயில் கேடசின்கள் காணப்படுகின்றன. இது எடையை குறைக்கும் வேலையை செய்கிறது. இந்த தனிமம் epigallocatechin gallate என்று அழைக்கப்படுகிறது. அதன் நன்மை என்னவென்றால், இதனால் வளர்சிதை மாற்றம் சிறப்பாகும். இது உடல் பருமனை குறைக்க உதவுகிறது. கூடுதல் கலோரிகளை எரிக்கிறது. கிரீன் டீ அருந்துவதால் முகத்தில் பொலிவு வரும்.

புதினா நீர் 

புதினா இலைகளை வெதுவெதுப்பான நீரில் கலந்து தினமும் காலையில் வெறும் வயிற்றில் குடித்து வந்தால் உடல் எடை குறைவதுடன் மலச்சிக்கல் பிரச்சனையில் இருந்தும் நிவாரணம் கிடைக்கும்.

ஆரஞ்சு

ஆரஞ்சு சாறு நச்சு நீக்கும் பானமாக கருதப்படுகின்றது. கோடையில் ஆரஞ்சு பழங்கள் சந்தைகளில் கிடைக்கும். ஆரங்கு ஜூஸ் வளர்சிதை மாற்றத்தை அதிகரிக்கும் பணியை செய்கிறது. ஆரஞ்சு பழச்சாறு குடிப்பதால் கொழுப்பு வேகமாக குறையும். ஆரஞ்சு பழத்தை உணவில் சேர்த்துக்கொள்வது நோய் எதிர்ப்பு சக்தியை மேம்படுத்துகிறது.

மோர்

மோரில் லாக்டிக் அமிலம் பேசிலஸ் உள்ளது. ஆரோக்கியமான பாக்டீரியா செரிமானத்தை மேம்படுத்த உதவுகிறது. இது குடலுக்கு மிகவும் நன்மை பயக்கும். வெயில் காலத்தில் தினமும் மோர் உட்கொண்டு வந்தால் உடல் எடை குறையும்.

(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு முன்னர் கண்டிப்பாக நிபுணர்களின் ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | சிறுநீரக புற்றுநோயின் அறிகுறிகள் இவை தான்! அலட்சியப்படுத்த வேண்டாம்!

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ