உடல் பருமன் குறைய... குறைவான கலோரி கொண்ட சுவையான காலை உணவு ரெஸிபிகள்

உடல் பருமனை குறைப்பதில் டயட் முக்கிய பங்கு வகிக்கிறது. குறைந்த கலோரி கொண்ட உணவுகளை தேர்ந்தெடுத்து உண்பதால், விரைவாக உடல் எடையை குறைக்கலாம். அதிகப்படியான கொழுப்பு உடலில் சேராமல் இருக்கவும், விரைவாக கொழுப்பை கரைக்கவும் விரும்பினால், முக்கியமாக காலை உணவில் அதிக கவனம் செலுத்த வேண்டும். 

நாள் முழுவதும் நாம் புத்துணர்ச்சியுடன் இருக்க காலை உணவு மிகவும் சிறந்த உணவாக இருக்க வேண்டும். காலை உணவில் மிகவும் ஆரோக்கியமான உணவுகளை உண்ண வேண்டும், இதனால் உங்கள் வயிறு நீண்ட நேரம் நிரம்பியிருக்கும். இதனால், அதிகம் சாப்பிடுவதை தவிர்க்கப்பட்டு, நீங்கள் எடுத்துக் கொள்ளும் கலோரிகளும் குறைவாக இருக்கும். 

இந்நிலையில், உடல் எடையை குறைக்க  (Weight Loss Tips) காலை உணவில் சேர்க்கக் கூடிய சிறந்த உணவுகளை அறிந்து கொள்ளலாம். 

காய்கறிகள் பருப்பு சேர்த்த அவல் உப்புமா

அவல் உப்புமா இந்தியாவில் காலை உணவாக அதிகம் பயன்படுத்தப்படுகிறது. அவல் அதிலும் சிவப்பு அவல் சிறந்த ஆரோக்கியம் தரும் உணவாகும். உடல் எடையைக் குறைப்பதில் இது பெரிய அளவில் உதவியாக இருக்கும். இதில் நிறைய காய்கறிகள் சேர்த்து தயாரிப்பதால், ஊட்டச்சத்துக்கள் நிறைந்த சத்தான உணவாக இருக்கும். இதில் வேக வைத்த கடலை பருப்பையும் சேர்ப்பதால் அனைத்து சத்துக்களும் கொண்ட முழுமையான உணவாக இருக்கும். மேலும், நீண்ட நேரம் வயிறு நிறைந்த உணர்வைக் கொடுக்கும்.

தேவையான பொருட்கள்

அவல் - 1 முதல் 2 கப்

வேகை வைத்த கடலை பருப்பு - 1/4 கப் 

தக்காளி - 1 முதல் 2 நறுக்கியது

வெங்காயம் - 1/4 கப் பொடியாக நறுக்கியது

பீன்ஸ் - 1 கப் பொடியாக நறுக்கியது

பச்சை பட்டாணி - அரை கப்

கேரட் - அரை கப் பொடியாக நறுக்கியது

குடை மிளகாய் - 1/4 கப் பொடியாக நறுக்கியது

ப்ரோக்கோலி - 1/4 கப் பொடியாக நறுக்கியது.

மேலும் படிக்க | LDL என்னும் கெட்ட கொலஸ்ட்ராலை எரித்து... இதயத்தை காக்கும் சூப்பர் பானங்கள்

தயாரிக்கும் முறை

முதலில், வாணலியில் சிறிது எண்ணெய் ஊற்றி சூடாக்கவும். இதன் பிறகு அதில் கடுகு, கறிவேப்பிலை போட்டு தாளித்து பின் நறுக்கிய காய்கறிகள் அனைத்தையும் சேர்த்து வதக்கவும். காய்கறிகள் பாதி வெந்ததும் ஊற வைத்த அவலையும், வேக வைத்த கடலை பருப்பையும் சேர்க்கவும். இப்போது சிறிது மஞ்சள் மற்றும் உப்பு சேர்த்து கலக்கவும். இப்போது சுவையான ஆரோக்கியமான அவல் உப்புமா தயார். அதன் மீது கொத்தமல்லி தழை தூவி பரிமாறவும்.

தயிருடன் பரிமாறும் காய்கறிகள் ஸ்டவ் செய்த சப்பாத்தி

கேரட், முள்ளங்கி, காலிஃபிளவர் அல்லது ப்ரோக்கோலி போன்ற காய்கறிகளை கொண்டு தயாரிக்கப்படும் சப்பாத்தி மிகவும் ஆரோக்கியமானது. இதில் புரதம் நிறைந்துள்ளது, இது மிகவும் ஆரோக்கியமானது. இது தவிர, இதில் நல்ல அளவு நார்ச்சத்து உள்ளது. இதற்கு உங்களுக்குப் பிடித்தமான காய்கறிகளை நன்றாக துருவி லேசாக வேக வைக்கவும். இதற்குப் பிறகு, உப்பு, சீரகம், செலரி மற்றும் பிடித்த மசாலா சேர்த்து கலக்கவும். இதற்குப் பிறகு, இதனை மாவில் கலந்து பிசைந்து சப்பாத்தியாக தயாரித்து தயிருடன் பரிமாறவும்.

மேலும் படிக்க | இனிப்பு சாப்பிடுவது மட்டுமல்ல... இந்த பழக்கங்களும் சுகரை எகிற வைக்கும்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ