உடல் எடையை குறைக்கும் டயட்: உடல் எடையை அதிகரிப்பது எவ்வளவு எளிதாக இருக்கிறதோ, அதை குறைப்பது மிகவும் கடினம், ஏனென்றால் உணவு விஷயத்தில் பல கட்டுப்பாடுகள் உள்ளன, இதன் காரணமாக ஒருவர் தனக்குப் பிடித்த விஷயங்களிலிருந்து விலகி இருக்க வேண்டும். இன்றைய கொரோனா நெருக்கடி காலத்தில் வீட்டிலேயே பணிபுரிபவர்கள் உடலுக்கு எந்த ஒரு வேலையையும் கொடுக்காமல் உட்கார்ந்த நிலையிலேயே பல மணி நேரங்கள் இருப்பதால் அதிகரித்த உடல் எடை மற்றும் உடல் பருமன், தொப்பை கொழுப்பு போன்ற எடை சார்ந்த பிரச்சனையை சந்தித்து வருகின்றனர். பொதுவாக உடல் எடையை குறைக்கும் போது, பல விஷயங்களைத் தவிர்க்க வேண்டும் மற்றும் கடுமையான டயட்டை பின்பற்ற வேண்டும். ஆனால் இந்த 8 இந்திய உணவுகளை உங்கள் உணவில் சேர்ப்பதன் மூலம் உடல் எடையை விரைவாகக் குறைக்கலாம், ஏனெனில் இந்த உணவுகள் அனைத்தும் கலோரிகளில் மிகக் குறைவு மற்றும் நார்ச்சத்து அதிகம் மற்றும் புரதத்தின் அளவும் மிக அதிகமாக உள்ளது. எனவே அந்த உணவுகள் எவை என்பதை இந்த கட்டுரையில் காணபோம்.
எடை குறைக்க குறைந்த கலோரி கொண்ட சுவையான உணவுகள்
இட்லி சாம்பார்
தென்னிந்திய உணவான இட்லி சாம்பார் ஒரு இலகுவான உணவாகும், இதில் கலோரிகள் மிகக் குறைவு மற்றும் அதில் பயன்படுத்தப்படும் பருப்பில் புரதம் உள்ளது. இதனுடன், நார்ச்சத்து நிறைந்த பருப்பில் காய்கறிகள் சேர்க்கப்படுகின்றன. எனவே இந்த உணவு டயட் செய்பவர்களுக்கு சிறந்த உணவாகும்.
மேலும் படிக்க | எடையை குறைக்க சூப்பர் வழி: இந்த பழங்களுக்கு கண்டிப்பா நோ சொல்லிடுங்க!
ஸ்பிரவுட்ஸ் சாலட்
ஸ்பிரவுட்ஸில் வெள்ளரி, தக்காளி மற்றும் வெங்காயம் ஆகியவற்றால் செய்யப்பட்ட சாலட் ஒரு சத்தான விருப்பமாகும், இது புரதம் மற்றும் நார்ச்சத்து மற்றும் மிகக் குறைந்த கலோரிகளைக் கொண்டுள்ளது.
பருப்பு
கிட்டத்தட்ட அனைத்து வகையான பருப்பு வகைகளும் புரதம் மற்றும் நார்ச்சத்துக்கான சிறந்த மூலமாகும். ராஜ்மா, தால் கிச்சடி போன்றவற்றை உணவில் சேர்த்துக்கொள்ளலாம். பருப்பு, வெங்காயம், பூண்டு மற்றும் மசாலாப் பொருட்களால் செய்யப்பட்ட உணவௌ உங்களை முழுமையாக உணரவைக்கும் மற்றும் எடையைக் குறைக்கவும் உதவும்.
தந்தூரி சிக்கன்
தந்தூரி சிக்கன் ஒரு பிரபலமான உணவாகும், இது தயிர் மற்றும் மசாலாப் பொருட்களில் மாரினேட் செய்யப்பட்டு பின்னர் சமைக்கப்படுகிறது. இதில் கலோரிகள் குறைவு, அத்துடன் புரதம் நிறைந்தது.
பாலக் பனீர்
பாலக் பனீர் என்பது கீரை மற்றும் பனீர் போட்டு செய்யப்படும் உணவாகும், இதில் வைட்டமின்கள், தாதுக்கள் மற்றும் புரதங்கள் நிறைந்துள்ளன. ஆனால் அதில் குறைந்த கொழுப்புள்ள பனீரைப் பயன்படுத்துங்கள் மற்றும் எண்ணெயின் அளவைக் குறைத்து ஆரோக்கியமானதாக மாற்றவும்.
காய்கறி போட்ட குழம்பு
காலிஃபிளவர், கேரட் மற்றும் பட்டாணி போன்ற காய்கறிகளிலிருந்து தயாரிக்கப்படும் குழம்பு ஒரு சுவையான மற்றும் ஊட்டச்சத்து நிறைந்த உணவாகும், இது எடை இழப்புக்கு ஏற்ற உணவாகும்.
ரய்தா
ரய்தா தயிரில் இருந்து தயாரிக்கப்படுகிறது, இதை சைட் டிஷ் ஆக பயன்படுத்தலாம். இதில் கலோரிகள் குறைவாகவும், புரதச்சத்து அதிகமாகவும் உள்ளது மற்றும் வெள்ளரி, தக்காளி, வெங்காயம் போன்ற காய்கறிகளை போட்டு ரய்தா தயாரித்து சாப்பிடலாம்.
மசாலா ஆம்லெட்
முட்டை, வெங்காயம், தக்காளி மற்றும் மசாலாப் பொருட்களால் செய்யப்பட்ட ஆம்லெட் ஒரு சத்தான மற்றும் நிறைவான காலை உணவாகும், இது அதிக புரதம் மற்றும் குறைந்த கலோரிகளைக் கொண்டுள்ளதால் இது உடல் எடையை குறைக்க உதவும்.
(பொறுப்பு துறப்பு: இங்கே கொடுக்கப்பட்ட தகவல்கள் அனைத்தும் பொதுவானவை. உங்களுக்கு சந்தேகம் ஏற்பட்டால் உடனடியாக மருத்துவரை அணுகுங்கள்)
மேலும் படிக்க | கலோரிகளை எரித்து உடல் பருமனை குறைக்கும் ‘ஆயுர்வேத பொடியை’ தயாரிக்கும் முறை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
