காலை எழுந்தவுடன் டீ, காபி குடிப்பவரா நீங்கள்? ஜாக்கிரதை, இந்த பிரச்சனைகள் வரலாம்

நல்ல ஆரோக்கியத்திற்கான குறிப்புகள்: நம்மில் சுமார் 95 சதவீதம் பேர் ஒரு கப் டீ அல்லது காபியுடன் நமது  நாளை துவக்குகிறோம். காலையில் தேநீர் அல்லது காபி குடிக்கும் வரை மற்ற வேலைகளை செய்ய நம்மில் பலருக்கு மனம் வராது. டீ அல்லது காபி குடித்த பிறகுதான் உடலுக்கு புத்துணர்ச்சி கிடைப்பது போல உணர்கிறோம். ஆனால், வெறும் வயிற்றில் டீ அல்லது காபி குடிப்பது நமக்கு ஆபத்தாகலாம். இது உங்கள் உடல் ஆரோக்கியத்திற்கு மிகவும் தீங்கு விளைவிக்கும் என்பது உங்களுக்குத் தெரியுமா? இந்தப் பழக்கம் ஆரோக்கியத்தைப் பொறுத்தவரை நல்லதல்ல. 

காலையில் எழுந்தவுடன் வெறும் வயிற்றில் டீ அல்லது காபி குடிக்கும் பழக்கம் உங்கள் இரத்த அழுத்தம், இதயத் துடிப்பு மற்றும் சுவாசத் துடிப்பு போன்றவற்றை பாதிக்கும். நிபுணர்களின் கூற்றுப்படி, காலையில் எழுந்தவுடன் டீ-காபி அல்லது சிகரெட் போன்றவற்றைப் பயன்படுத்துவது ஒரு கெட்ட பழக்கமாகும். தேநீர் அல்லது காபியுடன் (காஃபின் அடங்கியது) உங்கள் நாளை ஏன் தொடங்கக்கூடாது? அது உங்கள் ஆரோக்கியத்தை எவ்வாறு பாதிக்கும்? இந்த கேள்விகளுக்கான பதில்களை இந்த பதிவில் தெரிந்துகொள்ளலாம். 
 
மேலும் படிக்க | முகத்தில் இந்த மாற்றங்களாம் இருக்கா? ஜாக்கிரதை வயிற்று புற்றுநோயாக இருக்கலாம்! 

தேநீர் மற்றும் காபியுடன் நாளைத் தொடங்கினால் இந்த பிரச்சனைகளை எதிர்கொள்ள நேரலாம்:

காலையில் குடிக்கும் டீ-காபி இரத்த சர்க்கரை அளவை அதிகரிக்கிறது

தேநீர் அல்லது காபியுடன் உங்கள் நாளைத் தொடங்குவது இரத்த சர்க்கரையில் நேரடி விளைவைக் கொண்டிருக்கிறது. அதன் தூண்டுதல் இரத்த சர்க்கரையை உயர்த்துகிறது மற்றும் உயிரணுக்களுக்கு பூஜ்ஜிய ஊட்டச்சத்தை வழங்குகிறது. இது தவிர, காலை டீ அல்லது காபி உடலின் அமில-கார சமநிலையை சீர்குலைத்து மூலம் குமட்டல் போன்ற பிரச்சனைகளை அதிகரிக்கிறது. எனவே காலை டீ அல்லது காபி ஆரோக்கியத்திற்கு மிகவும் தீங்கு விளைவிக்கும்.
 
டீ-காபி பசியை குறைக்கிறது

காலையில் எழுந்தவுடன் டீ அல்லது காபி குடித்தால் பசி குறைகிறது. இதை உட்கொள்வதால், ஒருவருக்கு நீண்ட நேரம் பசி ஏற்படாது. நீண்ட நேரம் பசியுடன் இருப்பதால், உடலில் கலோரி பற்றாக்குறை ஏற்படுகிறது. மேலும் இந்த குறைபாட்டால், மக்கள் சாப்பிடும் போது அதிகமாக சாப்பிடுகிறார்கள். இதனால் பல பிரச்சினைகள் ஏற்படலாம். மேலும் அது ஆரோக்கியத்தில் மோசமான விளைவை ஏற்படுத்தும்.
 
டீ-காபி வளர்சிதை மாற்றத்தை குறைக்கிறது

தேநீர் அல்லது காபியுடன் நாளை தொடங்குவது உங்கள் பசியைக் குறைக்கிறது அல்லது நீக்குகிறது. அத்தகைய சூழ்நிலையில் நீங்கள் எதையும் சாப்பிட விரும்புவதில்லை. இந்த பழக்கம் வளர்சிதை மாற்றத்தை மெதுவாக்குகிறது. மற்றும் செரிமான அமைப்பிலும் நேரடி விளைவை ஏற்படுத்துகிறது. மறுபுறம், காலையில் ஆரோக்கியமான காலை உணவை உட்கொள்வது உங்கள் வளர்சிதை மாற்ற விகிதத்தை அதிகரிக்கும்.
 
இரைப்பை பிரச்சனைகள் அதிகரிக்கலாம்

வெறும் வயிற்றில் தேநீர் அல்லது காப்பி குடிப்பது இரைப்பை பிரச்சனைகளை அதிகரிக்கும். ஏனெனில் டீ மற்றும் காபியில் காஃபின் உள்ளது. வெறும் வயிற்றில் காஃபின் உட்கொள்வது இரைப்பை செல்களைத் தூண்டுகிறது. இது நெஞ்செரிச்சல் மற்றும் அமில வீக்கத்திற்கு வழிவகுக்கும். அத்தகைய சூழ்நிலையில், அது உடலில் மிகவும் மோசமான விளைவை ஏற்படுத்தும்.

(பொறுப்புத் துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டவை. இவற்றை பின்பற்றுவதற்கு  முன், கண்டிப்பாக மருத்துவ ஆலோசனையைப் பெறவும். ஜீ மீடியா இந்த தகவல்களை உறுதிப்படுத்தவில்லை.)

மேலும் படிக்க | Red Chilli: மாரடைப்பில் உயிர் காக்கும் சிவப்பு மிளகாய்! எடை இழக்கவும் உதவும் 

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ