திரும்பி பார்க்க வைத்த அக்டோபர் மாத சில்லறை பணவீக்கம்: ரிசர்வ் வங்கியின் இலக்கை எட்டுமா?

RBI On Inflation: இந்தியாவின் சில்லறை பணவீக்கம் அக்டோபரில் சரிவைச் சந்தித்தது. நான்கு மாதங்களில் இல்லாத குறைந்த அளவை எட்டிய இந்த தரவு, மத்திய வங்கியின் இலக்கான 4 சதவீதத்திற்கு அருகில் சென்றது. இந்திய ரிசர்வ வங்கி வட்டி விகிதக் குறைப்புகளைக் கருத்தில் கொண்டு பார்த்தால், இந்த தரவு மிக முக்கியமானதாக இருக்கும் என ராய்ட்டர்ஸ் தெரிவித்துள்ளது. பணவீக்க தரவின் முக்கியத்துவம் என்ன? இதை பற்றி இந்த பதிவில் விரிவாக காணலாம்.

வருடாந்த சில்லறை பணவீக்க விகிதம் அக்டோபர் மாதத்தில் 4.87 சதவீதமாகக் குறைந்துள்ளது. இது முந்தைய மாதத்தில் 5.02 சதவீதமாக இருந்தது. இது 53 பொருளாதார வல்லுனர்களின் ராய்ட்டர்ஸ் கருத்துக்கணிப்பில் இருந்து 4.80 சதவீதமாக இருக்கும் என்று கணிக்கப்பட்டுள்ளது. குறைந்த முக்கிய பணவீக்கம், ஸ்திரமற்ற உணவு மற்றும் எரிசக்தி விலைகள் தவிர, ஆதரவான அடிப்படை விளைவு போன்ற காரணிகளும் சரிவுக்கு பங்களித்துள்ளன.

முக்கிய பணவீக்க புள்ளிவிவரங்கள் (Core Inflation Statistics) இந்திய அரசாங்கத்தால் பகிரங்கமாக வெளியிடப்படவில்லை என்றாலும், முக்கிய பணவீக்கம் 4.20 முதல் 4.28 சதவீதம் வரை இருக்கும் என்று கணிக்கப்பட்டுள்ளது. இது செப்டம்பரில் 4.5 சதவீதமாக இருந்தது.

உணவுப் பணவீக்கக் கூறு, ஒட்டுமொத்த நுகர்வோர் விலையில் ஏறக்குறைய பாதியைக் கொண்டுள்ளது. இது அக்டோபரில் ஒப்பீட்டளவில் 6.61 சதவீதமாக இருந்தது. செப்டம்பர் மாதத்தில் இருந்த 6.62 சதவீதத்தில் இருந்து இது சிறிய மாற்றமாகும். அக்டோபர் மாத பணவீக்க விகிதம், இந்திய ரிசர்வ் வங்கி (RBI) நிர்ணயித்த 2-6 சதவீத மேல் வரம்பை விட தொடர்ந்து இரண்டாவது மாதமாக குறைந்துள்ளது.

பணவீக்கத்தில் வெளிப்படையான ஸ்திரத்தன்மை இருந்தபோதிலும், ஆய்வாளர்கள் எச்சரிக்கையான அணுகுமுறையை பரிந்துரைக்கின்றனர். ரிசர்வ் வங்கியின் கவர்னர் சக்திகாந்த தாஸ் (Shaktikanta Das) சமீபத்திய அறிக்கையில், உணவு விலைகளில் ஏற்படக்கூடிய அதிகரிப்புடன் தொடர்புடைய அபாயங்களை எடுத்துக்காட்டி, இந்தியாவின் தொடர்ச்சியான மற்றும் ஒன்றுடன் ஒன்று இணைந்த உணவு விலை அதிர்ச்சிகளுக்கு உள்ளாகும் தன்மையை பற்றி கூறியிருந்தார். 

சமீபத்திய தரவு வெளியீடு சீரான பணவீக்க அளவைக் குறிக்கும் அதே வேளையில், பாங்க் ஆஃப் பரோடாவைச் சேர்ந்த மதன் சப்னாவிஸ் போன்ற பொருளாதார வல்லுநர்கள், உணவு தானியங்களின் விலையில் வரலாற்று ஏற்ற இறக்கம், குறிப்பாக சீரற்ற பருவமழை போன்ற காரணிகளால் உந்தப்பட்ட ஒரு எச்சரிக்கையான அணுகுமுறையைப் பரிந்துரைக்கின்றனர்.

மேலும் படிக்க | NPS விதிகளில் பெரிய மாற்றம்: இனி உங்கள் பணத்தை எடுக்க இந்த புதிய செயல்முறை அவசியம்!!

காய்கறிகள், பால் மற்றும் தானியங்கள் போன்ற முக்கிய பொருட்களின் விலைகள் ஏற்ற இறக்கத்தை வெளிப்படுத்தி, இந்தியாவின் பணவீக்கப் போக்கை வடிவமைப்பதில் முக்கியப் பங்காற்றியுள்ளன.

ICRA இன் பொருளாதார வல்லுநரான அதிதி நாயர், அக்டோபர் மாதத்தில் உணவு தானியங்களின் விலை உயர்வுக்கு சீரற்ற பருவமழை காரணமாக இருந்தாலும், வெங்காயம் போன்ற குறிப்பிட்ட காய்கறிகளின் அதிக விலை, மற்ற காய்கறிகளின் வழக்கமான பருவகால வீழ்ச்சியால் குறைக்கப்படலாம் என்று குறிப்பிட்டார். 

வரும் மாதங்களில் நுகர்வோர் விலைக் குறியீட்டு (CPI) பணவீக்கத்திற்கான கணிப்புகள் டிசம்பர் 2023க்குள் 5.6 சதவீதமாக உயரும் என்று காட்டுகின்றன. பணவீக்க விகிதம் அடுத்த இரண்டு காலாண்டுகளில் 4.9-5.6 சதவீத வரம்பிற்குள் இருக்கும் என்று எதிர்பார்க்கப்படுவதாக அதிதி நாயர் தெரிவித்தார்.

ஜூலையில் காணப்பட்ட பணவீக்கத்தின் எழுச்சியின் பிரதிபலிப்பாக, 7 சதவீதத்தை தாண்டியதால், விலைவாசி உயர்வைக் கட்டுப்படுத்த, அரிசி, கோதுமை, சர்க்கரை ஆகியவற்றின் மீதான ஏற்றுமதி தடை மற்றும் வெங்காய ஏற்றுமதி மீதான கடுமையான கட்டுப்பாடுகள் உள்ளிட்ட பல்வேறு நடவடிக்கைகளை இந்தியா செயல்படுத்தியுள்ளது.

மேலும் படிக்க | EPFO அளித்த மிகப்பெரிய செய்தி: கணக்கில் வட்டித்தொகை.. மகிழ்ச்சியில் பிஎஃப் சந்தாதாரர்கள்

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..

முகநூல் - @ZEETamilNews

ட்விட்டர் - @ZeeTamilNews

டெலிக்ராம் - https://t.me/ZeeTamilNews 

வாட்ஸ்-அப் - https://whatsapp.com/channel/0029Va5XFvI90x2plF9cKY1r

அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ