அம்பானியின் வலது கைக்கு சம்பந்தியான கோடீஸ்வரர்... மலைக்க வைக்கும் சொத்து விவரம் - யார் இவர்?

Aravind Poddar Net Worth: அரவிந்த் போடார் இந்தியாவின் பணக்காரர்களில் ஒருவர். அவரும் அவரது குடும்பத்தினரும் பால்கிருஷ்ணா இண்டஸ்ட்ரீஸை நடத்தி வருகின்றனர். ரிலையன்ஸ் இண்டஸ்ட்ரீஸ் தலைவர் முகேஷ் அம்பானியின் நெருங்கிய மற்றும் நம்பிக்கைக்குரிய நபரை அரவிந்த் போடாரின் மகன் திருமணம் செய்துள்ளார்.

டயர் தயாரிப்பு

அரவிந்த் போடாரின் நிறுவனம் விவசாயம், சுரங்கம், கட்டுமான வாகனங்கள் மற்றும் உபகரணங்களுக்கு ஆஃப்-ரோடு டயர்களை வழங்குகிறது. அரவிந்த் போடார் நிறுவனத்தின் நிர்வாக இயக்குநராக உள்ளார். அவரது மகன் ராஜீவ் போடார் இணை நிர்வாக இயக்குநராக உள்ளார்.

ரூ. 27 ஆயிரம் கோடி சொத்து

நிறுவனம் 1951இல் டயர் தயாரிப்பில் இறங்கியது. நிறுவனம் முதன்முதலில் 1963இல் சைக்கிள் டயர்களைத் தயாரித்தது. 1990 களில், அவர்கள் ஆஃப் ரோடு டயர்களை உருவாக்கும் துறையில் நுழைந்தனர். அவரது தற்போதைய நிகர மதிப்பு 3.3 பில்லியன் டாலர்கள். இது சுமார் 27,000 கோடி ரூபாயாகும்.

மேலும் படிக்க | விரைவில் வருகிறது 8th Pay Commission: 44% ஊதிய உயர்வு... மகிழ்ச்சியில் காத்திருக்கும் ஊழியர்கள்

ரூ. 1500 கோடி மதிப்பில் வீடு பரிசு

அரவிந்த் போடாரின் மகன் ராஜீவ், மனோஜ் மோடியின் மகளை மணந்துள்ளார். மனோஜ் மோடிக்கு அவரது முதலாளியான முகேஷ் அம்பானி ரூ. 1500 கோடி மதிப்பிலான வீட்டை பரிசாக அளித்ததை அடுத்து அவர் ஊடக வெளிச்சத்துக்கு வந்தார். அந்த வீடு 22 மாடிகளைக் கொண்டது. இப்பகுதியின் நிலத்தின் விலை சதுர அடிக்கு சுமார் 70 ஆயிரம் ரூபாயாகும். 

அம்பானியின் வலதுகை

ரிலையன்ஸ் ரீடெய்ல் மற்றும் ரிலையன்ஸ் ஜியோவில் இயக்குநராக மனோஜ் மோடி உள்ளார். இவர் முகேஷ் அம்பானியின் கூட்டாளி. அவர் தொழில்துறையின் ஆதாரங்களில் ஒருவராக திகழ்கிறார். இவரும் அவரது குடும்பத்தினரும் அம்பானி குடும்பத்துக்கு நெருக்கமானவர்கள்.

முதல் இரண்டு தளங்கள் மோடியின் குடும்பத்திற்கு ஒதுக்கப்பட்டுள்ளது. 16, 17 மற்றும் 18 மாடிகள் அவரது மூத்த மகள் குஷ்பு போடார் மற்றும் அவரது குடும்பத்தினருக்கானது. குஷ்பு போடார் தனது கணவரின் நிறுவனத்தின் இணை நிர்வாக இயக்குநராக உள்ளார். மனோஜ் மோடி பெரும்பாலானோரால் முகேஷ் அம்பானியின் வலது கை என்று அழைக்கப்படுகிறார்.

மேலும் படிக்க | கிரெடிட் கார்டு மூலம் பணம் செலுத்துபவரா? அக்டோபர் வரை கவலையில்லை

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ