Gratuity: நீங்கள் தெரிந்து கொள்ள வேண்டிய சில முக்கிய அம்சங்கள்

Gratuity என்றால் என்ன

Gratuity என்பது நிறுவனம் அல்லது முதலாளி சார்பாக ஒரு பணியாளருக்கு (Employee)வழங்கப்படும் தொகையாகும். ஒரு நிறுவனத்திலோ அல்லது ஒரு முதலாளியிடமோ ஒருவர் குறைந்தபட்சம் ஐந்து வருடங்கள் பணியாற்றியிருக்க வேண்டும். வழக்கமாக, ஒரு பணியாளர் வெளியேறும்போது அல்லது வேலையிலிருந்து நீக்கப்படும்போது அல்லது ஓய்வு பெறும்போது இந்த தொகை வழங்கப்படுகிறது. ஊழியர் இறந்தாலோ அல்லது விபத்து காரணமாக வேலையை விட்டு வெளியேறினாலோ, அவருக்கு அல்லது அவரது குடும்பத்தாருக்கு Gratuity தொகை வழங்கப்படுகிறது.

Gratuity-க்கான தகுதி என்ன?

Gratuity சட்டம் 1972 விதிகளின்படி, Gratuity-யின் அளவு அதிகபட்சம் 20 லட்சம் ரூபாய் வரை இருக்கலாம். Gratuity-யைப் பொறுத்தவரை, ஊழியர் ஒரே நிறுவனத்தில் குறைந்தது 5 ஆண்டுகள் பணியாற்றுவது கட்டாயமாகும். இந்த கால அளவிற்கு குறைவாக ஒருவர் ஒரு இடத்தில் பணி புரிந்திருந்தால், அவர் Gratuity-க்கு தகுதி பெறுவதில்லை. 4 ஆண்டுகள் மற்றும் 11 மாதங்களில் வேலையை விட்டு வெளியேறினாலும் Gratuity கிடைக்காது. இருப்பினும், ஒரு ஊழியரின் திடீர் மரணம் அல்லது விபத்து ஏற்பட்டால் இந்த விதி பொருந்தாது.

Gratuity இரண்டு பிரிவுகளாக நிர்ணயிக்கப்பட்டுள்ளது

Gratuity கொடுப்பனவு சட்டம் 1972 இல், ஊழியர்கள் பெறும் Gratuity தொகைக்கான சூத்திரத்தை தீர்மானிக்க ஊழியர்கள் இரண்டு பிரிவுகளாக பிரிக்கப்பட்டுள்ளனர். முதல் பிரிவில், இந்தச் சட்டத்தின் கீழ் வரும் ஊழியர்கள் உள்ளனர். இரண்டாவது பிரிவில், சட்டத்தின் வரம்பில் வராத ஊழியர்கள் உள்ளனர். தனியார் மற்றும் அரசுத் துறைகளில் பணிபுரியும் ஊழியர்கள் இருவரும் இந்த இரண்டு பிரிவுகளில் உள்ளனர்.

வகை 1 - Gratuity கொடுப்பனவு சட்டம் 1972 இன் கீழ் வரும் ஊழியர்கள்.

வகை 2- Gratuity கொடுப்பனவு சட்டம் 1972 இன் கீழ் இல்லாத ஊழியர்கள்.

Gratuity-ன் அளவைக் கண்டறிய சூத்திரங்கள் (சட்டத்தின் கீழ் வரும் ஊழியர்களுக்கு):

கடைசி சம்பளம் x வேலை காலம் x15 / 26

கடைசி சம்பளம் - அடிப்படை சம்பளம் + செலவு கொடுப்பனவு + விற்பனையில் கமிஷன் (ஏதேனும் இருந்தால்). இந்த சூத்திரத்தில், ஒரு மாதத்திற்கு 26 நாட்கள் வேலை என்று எடுத்துக்கொண்டு ஊழியருக்கு சராசரியாக 15 நாட்கள் ஊதியம் வழங்கப்படுகிறது.

வேலையின் காலம் - வேலையின் கடைசி ஆண்டில், 6 மாதங்களுக்கு மேலான பணியின் காலம், ஒரு முழு ஆண்டாக கருதப்படும். 6 ஆண்டுகள் 8 மாதங்கள் வேலை செய்திருந்தால், அது 7 ஆண்டுகளாக கருதப்படும்.

ALSO READ: Good news: இனி ஒரு ஆண்டு வேலை செய்தாலும் கிடைக்கும் Gratuity, விவரம் உள்ளே.

எடுத்துக்காட்டு- ஒருவர் ஒரு நிறுவனத்தில் 6 ஆண்டுகள் 8 மாதங்கள் பணிபுரிந்ததாக வைத்துக்கொள்வோம். வேலையை விட்டு வெளியேறும்போது அவரது அடிப்படை சம்பளம் மாதம் 15000 ரூபாய். அத்தகைய சூழ்நிலையில், சூத்திரத்தின்படி, அவரது கிராச்சுட்டியின் அளவு இந்த வழியில் கணக்கிடப்படும்.

15000x7x15 / 26 = 60,577 ரூபாய்.

கிராச்சுட்டியின் அளவைக் கண்டறிய சூத்திரங்கள் (சட்டத்தின் வரம்பில் வராத ஊழியர்களுக்கு)

கடைசி சம்பளம் x வேலை காலம் x15 / 30

கடைசி சம்பளம் - அடிப்படை சம்பளம் + செலவு கொடுப்பனவு + விற்பனையின் கமிஷன் (ஏதேனும் இருந்தால்). சூத்திரத்தில், ஊழியருக்கு ஒரு மாதத்தில் 30 நாட்கள் வேலை நாட்கள் என்று எடுத்துக்கொண்டு, சராசரியாக 15 நாட்கள் ஊதியம் வழங்கப்படுகிறது.

வேலையின் காலம் - இத்தகைய ஊழியர்களுக்கு, 12 மாதங்களுக்கு குறைவான காலம் பணியின் கடைசி ஆண்டில் சேர்க்கப்படுவதில்லை.  உதாரணமாக, ஒரு ஊழியர் 6 ஆண்டுகள் மற்றும் 8 மாதங்கள் பணியாற்றியிருந்தால், அது 6 ஆண்டுகள் மட்டுமே என்று கருதப்படும்.

மரணம் ஏற்பட்டால் Gratuity-யின் கணக்கீடு

இதுபோன்ற சூழ்நிலையில், Gratuity, அந்த நபர் பணியில் இருந்த காலத்தின் அடிப்படையில் கொடுக்கப்படுகிறது. இதில் அதிகபட்சமாக 20 லட்சம் ரூபாய் வரை கொடுக்க முடியும்.

பணியின் காலம் / Gratuity விகிதம்

• பணியின் காலம் ஓராண்டிற்கு குறைவாக இருந்தால், சம்பளத்தின் இரு மடங்கு.
• பணியின் காலம் ஒரு வருடத்திற்கு மேல் ஆனால் 5 வருடங்களுக்கும் குறைவாக இருந்தால், அடிப்படை சம்பளத்தின் ஆறு மடங்கு.
• பணியின் காலம் 5 வருடத்திற்கு மேல் ஆனால் 11 வருடங்களுக்கும் குறைவாக இருந்தால், அடிப்படை சம்பளத்தை விட 12 மடங்கு.
• பணியின் காலம் 11 வருடங்களை விட அதிகமாகவும் 20 வருடங்களை விட குறைவாகவும் இருந்தால், அடிப்படை சம்பளத்தை விட 20 மடங்கு.
• 20 ஆண்டுகளுக்கு மேல் பணியில் இருந்தால், ஒவ்வொரு ஆறு மாத பணிக்கும், அடிப்படை சம்பளத்தில் பாதி.

குறிப்பு: மேற்கண்ட கணக்கீடு தற்போதுள்ள விதிகளின்படி. சட்டத்தின் மாற்றத்திற்குப் பிறகு இதில் வேறுபாடு இருக்கக்கூடும்.

ALSO READ: ஆயுள் காப்பீட்டு திட்டங்களை வழங்கும் indian post... நன்மைகள் என்ன?

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR