இன்றைய காலகட்டத்தில் பெரும்பாலான ஆண்கள் சர்க்கரை நோய் முதல் கொலஸ்ட்ரால், ஆண்மைக்குறைவு போன்ற பிரச்சனைகளுடன் போராடி வருகின்றனர். இதற்கெல்லாம் முக்கியக் காரணம் தவறான உணவுப் பழக்கம், வொர்க்அவுட் இல்லாத நிலை, மன அழுத்தம் ஆகியவை. ஆண்களுக்கு உற்சாகம் இல்லாமை மற்றும் விந்தணு எண்ணிக்கை குறைவது தான் ஆண்மைக்குறைவுக்கு காரணம். இதன் காரணமாக அவர் தந்தை ஆவதில் சிக்கல் நீடிக்கிறது. தாம்பத்திய வாழ்க்கையும் மகிழ்ச்சியாக இருக்காது. சமீபத்திய ஆய்வின்படி, இன்று 10 ஆண்களில் ஒருவர் ஆண்மை பிரச்சனையால் பாதிக்கப்படுகின்றனர். இருப்பினும், மருந்துகளுடன், உணவு மற்றும் வாழ்க்கை முறையில் சில மாற்றங்களும் இந்த சிக்கலை நீக்கும்.
விந்தணு எண்ணிக்கையை அதிகரிக்கும் சில உணவுகள்
சில உணவுகளை உட்கொள்வதன் மூலம் விறைப்புத்தன்மையை மேம்படுத்த முடியும் என்கின்றனர் நிபுணர்கள். மேலும் குறிப்பிட்ட சில உணவுகள் விந்தணு எண்ணிக்கையை அதிகரிக்கிறது. இது ஆண்மைக்குறைவு அபாயத்தை குறைக்கிறது மற்றும் பாலியல் பிரச்சனைகளை தீர்க்கிறது. இந்த உணவுகள் பாலியல் பிரச்சனையை தீர்க்கும் ஒரு சஞ்சீவி என்று கூறலாம். ஆண்மை குறைபாடு, பாலியல் பிரச்சனையில் இருந்து நிரந்தரமாக விடுபட எந்தெந்த உணவுகளை உங்கள் உணவில் சேர்த்துக்கொள்ளலாம் என்பதை அறிந்து கொள்ளலாம்.
வாழைப்பழம் (Banana)
பழங்களில் ஏழைகளுக்கான அற்புதமான பழம் என அழைக்கப்படும் வாழைப்பழம் (Banana) மிகவும் நன்மை பயக்கும். பொட்டாசியம் முதல் நார்ச்சத்து வரை பல வகையான ஊட்டச்சத்துக்கள் இதில் காணப்படுகின்றன. நோய் எதிர்ப்பு சக்தியை அதிகரிப்பதோடு, உடலில் இரத்த ஓட்டத்தையும் மேம்படுத்துகிறது. இப்படிப்பட்ட சூழ்நிலையில், விறைப்புத் தன்மை குறைபாட்டால் அவதிப்படுபவர்களுக்கு வாழைப்பழம் மருந்தாகிறது. வாழைப்பழத்தை தொடர்ந்து சாப்பிடுவதால் விந்தணுக்களின் எண்ணிக்கை அதிகரிக்கும்.
வெங்காயம் (Onion)
வெங்காயத்தை சமைத்து காய்கறியாகவோ அல்லது சாலட்டாகவோ சாப்பிடுவது ஆண்மைக்குறைவால் பாதிக்கப்பட்ட ஆண்களுக்கு ஒரு சிறந்த தீர்வாகும். வெங்காயத்தில் உள்ள கலவைகள் லிபிடோவை அதிகரிக்கும். மன அழுத்தத்தைக் குறைப்பதைத் தவிர, உடலுறவின் போது நீண்ட நேரத்திற்கு விறைப்புத்தன்மையை பராமரிக்கவும் இது உதவுகிறது. அத்தகைய சூழ்நிலையில், குறைந்த விந்தணு எண்ணிக்கை உள்ளவர்கள் வெங்காயத்தை சாப்பிட வேண்டும்.
மேலும் படிக்க | தொங்கும் தொப்பையை ஒரே வாரத்தில் குறைக்க இரவு உணவில் இதை சாப்பிட்டால் போதும்
கீரை (Spinach)
பச்சைக் காய்கறிகளில் சஞ்சீவி என்று அழைக்கப்படும் கீரையில் ஃபோலேட் என்ற வைட்டமின் உள்ளது. இரத்த ஓட்டத்தை மேம்படுத்துவதோடு, விறைப்புத்தன்மையில் பிரச்சனை உள்ள ஆண்கள் இதனை எடுத்துக் கொள்வதால், பிரச்சனையில் இருந்து விடுபடலாம். அவர்கள் கண்டிப்பாக கீரையை உட்கொள்ள வேண்டும். இது டெஸ்டோஸ்டிரோன் ஹார்மோன் அளவை அதிகரிக்கிறது. இது பாலியல் ஆரோக்கியத்திற்கான முக்கிய ஹார்மோன் ஆகும்.
காபி (Coffee)
தினமும் 1 முதல் 3 கப் காபி குடிப்பதால் ஆண்மைக்குறைவு ஏற்படும் அபாயம் பெருமளவு குறைகிறது என சமீபத்தில் NCBI நடத்திய ஒரு ஆய்வில் தெரியவந்துள்ளது. இது விந்தணுக்களின் எண்ணிக்கை குறைவதை தடுக்கிறது. காபியை வழக்கமாக உட்கொள்வது ஆண்களுக்கு விறைப்புத்தன்மை பிரச்சனையையும் தீர்க்கிறது. இது லிபிடோவின் அளவையும் அதிகரித்து, மன அழுத்தத்தையும் குறைக்கிறது.
கருப்பு சாக்லேட் (Dark Chocolate)
டார்க் சாக்லேட்டில் உள்ள ஃபிளாவனாய்டுகள் உடலின் சுழற்சியை மேம்படுத்துகிறது. இதனால் விறைப்புத்தன்மை பிரச்சனைகளை நீக்கலாம். இது தவிர, சாக்லேட்டில் உள்ள ஃபிளாவனாய்டுகள் மற்றும் ஆன்டிஆக்ஸிடன்ட்கள் இரத்த அழுத்தம் மற்றும் கொலஸ்ட்ராலை கட்டுக்குள் வைத்திருக்கின்றன. இது விந்தணு எண்ணிக்கையை அதிகரிக்கிறது.
(பொறுப்பு துறப்பு: இங்கே கொடுக்கப்பட்டுள்ள தகவல்கள் வீட்டு வைத்தியம் மற்றும் பொதுவான தகவல்களை அடிப்படையாகக் கொண்டது. அதை ஏற்றுக்கொள்வதற்கு முன், கண்டிப்பாக மருத்துவ ஆலோசனையைப் பெறுங்கள். ZEE NEWS இதற்கு பொறுப்பேற்காது.)
மேலும் படிக்க | கர்ப்பிணிகளே... ‘இந்த’ பழங்களில் இருந்து கொஞ்சம் விலகியே இருங்க..!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
