மாநில அரசு ஊழியர்களுக்கு ஜாக்பாட்: இவர்களுக்கு பழைய ஓய்வூதியம்... வழிகாட்டுதல் வெளியானது

பழைய ஓய்வூதியத் திட்டம்: ஊழியர்களுக்கு ஒரு பெரிய செய்தி உள்ளது. அவர்களுக்கு பழைய ஓய்வூதியத் திட்டத்தின் பலன் கிடைக்க வாய்ப்புள்ளது. இதற்காக, அமைச்சரவை கூட்டத்தில் முக்கிய முடிவு எடுக்கப்பட்டு, இதற்கான வழிகாட்டு நெறிமுறை வெளியிடப்பட்டுள்ளது. பழைய ஓய்வூதியத் திட்டத்தை மீண்டும் அமல்படுத்த வேண்டும் என மத்திய அரசு ஊழியர்களும் பல மாநில அரசு ஊழியர்களும் தொடர்ந்து கோரிக்கை விடுத்து வருகின்றனர். இதற்காக பல போராட்டங்களும் நடத்தப்பட்டு வருகின்றன. பல மாநில  அரசுகள் பழைய ஓய்வூதியத் திட்டத்தை அமல்படுத்தி விட்டன. 

தற்போது பழைய ஓய்வூதியத் திட்டம் குறித்த ஒரு பெரிய அப்டேட் வந்துள்ளது. சில ஊழியர்கள் பழைய ஓய்வூதியத் திட்டத்தின் பலனைப் பெறுவார்கள். இதற்கான வழிவகை செய்யப்பட்டுள்ளது. அதேநேரம், அமைச்சரவை கூட்டத்தில் எடுக்கப்பட்ட முடிவிற்கு பின், ஆறு அம்சங்களில் வழிகாட்டுதல்கள் வெளியிடப்பட்டுள்ளன. புதிய வழிகாட்டு நெறிமுறையின் மூலம், 2000 ஓய்வுபெற்ற அரசு ஊழியர்கள் உட்பட 125000 ஊழியர்கள் உடனடியாக அதன் பலனைப் பெற உள்ளனர்.

ஜார்க்கண்ட் அமைச்சரவை கூட்டத்தில் வழிகாட்டுதல் வெளியிடப்பட்டது

கடந்த மாதம் ஜார்க்கண்ட் அமைச்சரவை கூட்டத்தில் ஒரு முக்கிய முடிவு எடுக்கப்பட்டது. இதில் பழைய ஓய்வூதியம் பெற ஆறு புள்ளிகளின் அடிப்படையில் வழிகாட்டுதல்கள் வெளியிடப்பட்டுள்ளன. ஆகஸ்ட் 1 ஆம் தேதி நிதித்துறை முதன்மை செயலாளர் அஜய்குமார் சிங் கையெழுத்திட்டதையடுத்து இதற்கான தீர்மானம் வெளியிடப்பட்டுள்ளது. இதனுடைய நேரடி பலன் 2000 ஊழியர்களுக்கு வழங்கப்படும். அதே நேரத்தில், 125000 ஊழியர்களுக்கும் பழைய ஓய்வூதிய விருப்பத்தைத் தேர்ந்தெடுத்த பிறகு அதன் பலன்கள் வழங்கப்படும்.

இதுபோன்ற சூழ்நிலையில், அரசு ஊழியர்கள் மீண்டும் பழைய ஓய்வூதியத் திட்டத்தைப் பயன்படுத்திக் கொள்ள முடியும். அவர்கள் அரசின் பங்களிப்பு மற்றும் ஈவுத்தொகைத் தொகையைத் திரும்பத் தர வேண்டும். மேலும் ஜிபிஎஃப் கணக்கும் மீண்டும் தொடங்கப்படும். இதற்காக, ஊழியர்கள் ஓய்வூதிய போர்ட்டலுக்குச் சென்று பழைய ஓய்வூதியத்திற்கு விண்ணப்பிக்க வேண்டும். இதனுடன், 6 அம்சங்களில் விரிவான வழிகாட்டுதல்கள் வெளியிடப்பட்டுள்ளன.

ஊழியர்களுக்கு நன்மை கிடைக்கும்

- இதன் கீழ், செப்டம்பர் 1, 2022 -க்கு முன் ஓய்வு பெற்று, என்பிஎஸ் தொகை செலுத்தப்படாத ஊழியர்களுக்கு பழைய ஓய்வூதியத் திட்டத்தின் பலன் கிடைக்கும். 

- செப்டம்பர் 1, 2022 -க்கு முன் ஓய்வு பெற்று, என்பிஎஸ் தொகை செலுத்தப்பட்டவர்களுக்கு ஓய்வூதியம் பெறுவதற்கான நடைமுறை வகுக்கப்பட்டுள்ளது.

மேலும் படிக்க | மீண்டும் வருகிறதா பழைய ஓய்வூதிய திட்டம்? அரசு தரப்பில் வந்த பெரிய அறிவிப்பு

- செப்டம்பர் 1, 2022 -க்குப் பிறகு ஓய்வு பெற்ற ஊழியர்களுக்கு பழைய ஓய்வூதியத் திட்டத்தின் கீழ் வருங்கால வைப்பு நிதி கணக்கு எண் ஒதுக்கப்படுகிறது.

- பழைய ஓய்வூதியத் திட்டத்தின் கீழ், பணியாளருக்கு வருங்கால வைப்பு நிதி கணக்கு எண் ஒதுக்கப்பட்டு, செப்டம்பர் 1, 2022 அன்று, சேவைக் காலத்திலேயே இறந்த ஊழியர்களின் குடும்பங்களுக்கு பழைய ஓய்வூதியத் திட்டத்தின் பலன் கிடைக்கும். 

- டிசம்பர் 1, 2004 மற்றும் ஆகஸ்ட் 31, 2022 க்கு இடையில் ஓய்வு பெற்ற பிறகு இறந்த என்பிஎஸ் ஊழியர்களுக்கு அரசாங்க பங்களிப்பு வழங்கப்படுகிறது. பெறப்பட்ட ஈவுத்தொகையைத் திருப்பித் தந்த பிறகு, அடுத்த நிலை உறவினர்களுக்கு குடும்ப ஓய்வூதியம் கிடைக்கும்.

- 1 செப்டம்பர் 2022 முதல் மார்ச் 15, 2023 வரையிலான காலகட்டத்தில் ஓய்வு பெற்ற என்பிஎஸ் ஊழியர்கள், புதிய பங்களிப்பு ஓய்வூதியத் திட்டம் அல்லது பழைய ஓய்வூதியத் திட்டத்திற்கு ஆன்லைனில் விண்ணப்பிக்கவில்லை என்றால், அத்தகைய ஊழியர்கள் அரசு மானியம் மற்றும் ஈவுத்தொகை தொகையை திரும்ப செலுத்தி பழைய ஓய்வூதிய திட்டத்தின் பலனைப் பெற முடியும்.

தமிழகத்தில் பழைய ஓய்வூதியத் திட்டம்

தமிழ்நாட்டில் பழைய ஓய்வூதிய திட்டத்தை கொண்டுவர வேண்டும் என தொடர்ந்து மாநில அரசு ஊழியர்கள் கோரிக்கை விடுத்து வருகிறார்கள். நேற்று பழைய ஓய்வூதிய திட்டத்தை அமல்படுத்த வேண்டும் என்று தமிழ்நாடு அரசு அனைத்துத்துறை ஓய்வூதியர் சங்க கூட்டத்தில் தீர்மானம் நிறைவேற்றப்பட்டது. ஆளும் திமுக கட்சி தனது தேர்தல் பிரச்சாரத்தில், தங்கள் கட்சி ஆட்சிக்கு வந்தால், தமிழகத்தில் ஊழியர்களுக்கு பழைய ஓய்வூதியத் திட்டத்தின் கீழ் பலன்கள் வழங்கப்படும் என அறிவித்தது. ஆனால், தற்போது ஆட்சிக்கு வந்து சுமார் மூன்று ஆண்டுகள் ஆகியும் பழைய ஓய்வூதிய திட்டம் இன்னும் அமல்படுத்தப்படவில்லை. தற்போது தமிழ்நாட்டில் நடைமுறையில் உள்ள ஓய்வூதியத் திட்டத்தில் பல குறைகள் இருப்பதாகவும், இது ஊழியர்களுக்கு ஏற்றதாக இல்லை என்றும் கூறப்படுகின்றது.

மேலும் படிக்க | மாநில அரசு ஊழியர்களுக்கு ஜாக்பாட்: இவர்களுக்கு பழைய ஓய்வூதியம்... வந்தது உத்தரவு

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ