Budget 2024: இன்னும் சில நாட்களில் நிதி அமைச்சர் நிர்மலா சீதாராமன் பட்ஜெட்டை தாக்கல் செய்வார். பொதுத் தேர்தலுக்கு (Lok Sabha Election) முன் தாக்கல் செய்யப்படும் இடைக்கால பட்ஜெட்டில் (Interim Budget), அரசாங்கம் ஜனரஞ்சக அறிவிப்புகளைத் தவிர்த்து, நிதி பலத்தில் தொடர்ந்து கவனம் செலுத்தும் என பொருளாதார நிபுணர்கள் கருத்து தெரிவித்துள்ளனர். இருப்பினும், பழைய ஓய்வூதியத் திட்டத்தை (OPS) அமல்படுத்த வேண்டும் என்ற கோரிக்கைக்கு மத்தியில், என்பிஎஸ் (National Pension System) கவர்ச்சிகரமானதாக மாற்றும் வழிகளையும் பெண்களுக்கான தனி வரி விலக்கு அறிவிப்புகளும் இருக்கும் என்றும் பொருளாதார நிபுணர்கள் நம்பிக்கை தெரிவித்துள்ளனர். இது தவிர, தேர்தல் ஆண்டில் மக்களை மகிழ்விக்கும் வகையில் அரசு நிலையான விலக்கு அதாவது ஸ்டாண்டர்ட் டிடக்ஷன் தொகையை (Standard Deduction) அதிகரித்து அதன் மூலம் வேலைவாய்ப்பு மற்றும் நடுத்தர வர்க்கத்தினருக்கு ஓரளவு நிவாரணம் ஆகியவற்றை அளிக்கவும் வாய்ப்பு உள்ளது.
பட்ஜெட் 2024 எதிர்பார்ப்புகள் (Budget 2024 Expectations)
2024-25ஆம் ஆண்டுக்கான இடைக்கால பட்ஜெட்டை நிதியமைச்சர் நிர்மலா சீதாராமன் (Nirmala Sitharaman) பிப்ரவரி 1ஆம் தேதி நாடாளுமன்றத்தில் தாக்கல் செய்கிறார். இது அவரது ஆறாவது பட்ஜெட். பிரபல பொருளாதார நிபுணரும், தற்போது பெங்களூரு டாக்டர் பி.ஆர்.அம்பேத்கர் பொருளாதாரப் பல்கலைக்கழகத்தின் துணைவேந்தருமான என்.ஆர்.பானுமூர்த்தி, அரசின் கடந்த கால நிலைப்பாட்டை வைத்துப் பார்த்தால், வரவிருக்கும் இடைக்கால பட்ஜெட் ஜனரஞ்சகமாக இருக்க வாய்ப்பில்லை என்றார். 'இதற்குக் காரணம், கரீப் கல்யாண் அன்ன யோஜனா (PMGKAY) போன்ற சில நடவடிக்கைகளை பிரதமர் ஏற்கனவே அறிவித்துள்ளார், இது வரும் ஆண்டிலும் தொடர வாய்ப்புள்ளது.' என்றார் அவர்.
NPS பற்றிய அறிவிப்பு வெளியிடப்படலாம்
"பழைய ஓய்வூதியத் திட்டம் (Old Pension Scheme) பல மாநிலங்களில் அரசியல் பிரச்சினையாகி வருவதால், ஓய்வூதிய முறையை (NPS) கவர்ச்சிகரமானதாக மாற்ற பட்ஜெட்டில் அரசாங்கம் சில அறிவிப்புகளை வெளியிடலாம்" என்று அவர் கூறினார்.
பஞ்சாப், ராஜஸ்தான் உள்ளிட்ட சில மாநிலங்களில் பழைய ஓய்வூதிய முறை அமல்படுத்தப்பட்டுள்ளது குறிப்பிடத்தக்கது. இதனைக் கருத்தில் கொண்டு பிற மாநிலங்கள் மற்றும் மத்திய ஊழியர்களும் பழைய ஓய்வூதியத்தை அமல்படுத்தக் கோரி வருகின்றனர். இதைக் கருத்தில் கொண்டு, தேசிய ஓய்வூதியத் திட்டத்தை (என்பிஎஸ்) மறுஆய்வு செய்யவும் மேம்படுத்தவும் நிதிச் செயலர் டி.வி.சோமநாதன் தலைமையில் கடந்த ஆண்டு ஏப்ரலில் ஒரு குழுவை அரசு அமைத்தது. இந்த குழு தனது அறிக்கையை இம்மாத இறுதியில் சமர்ப்பிக்கும்.
வரி விதிப்பில் நிவாரணம் கிடைக்குமா?
தேர்தலுக்கு முன், வேலைவாய்ப்பு மற்றும் நடுத்தர வர்க்கத்தினருக்கான வரி விலக்கு (Tax Exemption) குறித்து பானுமூர்த்தியிடம் கேட்டபோது, "இது இடைக்கால பட்ஜெட்டாக இருக்கும். இதுபோன்ற சூழ்நிலையில், வரி விதிப்பில் (Tax Regime) பெரிய மாற்றத்தை எதிர்பார்க்கக்கூடாது." என்றார் அவர்.
இந்த திட்டங்களின் எந்த மாற்றமும் இருக்காது
ஆய்வுகள் மேம்பாட்டு மையத்தின் தலைவர் சுதிப்தோ மண்டல், "இந்த அரசு நிதிக் கொள்கைகளைப் பின்பற்றியுள்ளது என்பதை கடந்த கால அனுபவங்கள் காட்டுகின்றன. உதாரணமாக, 2019 ஆம் ஆண்டு தேர்தல் ஆண்டில் கூட, அதிக ஜனரஞ்சக திட்டங்கள் மற்றும் செலவுகளை அரசு நாடவில்லை" என்றார். "எனவே, வரவிருக்கும் பட்ஜெட்டில் நான் அதிக ஜனரஞ்சக திட்டங்களை எதிர்பார்க்கவில்லை. இருப்பினும், கிசான் சம்மான் நிதி (Kisan Samman Nidhi) போன்ற பழைய திட்டங்களை அரசு அப்படியே தக்க வைத்துக் கொள்ளலாம்." என்று அவர் மேலும் தெரிவித்தார்.
இதில் நிவாரணம் கிடைக்கலாம்
வரி விதிப்பு நிவாரணம் குறித்து அவர் கூறுகையில், "ஊழியர்கள் மற்றும் நடுத்தர வர்க்கத்தினருக்கு (Middle Class) வருமான வரித்துறையில் ஓரளவு நிவாரணம் கிடைக்கலாம். நிலையான விலக்கு தொகையை உயர்த்தப்பட்டு அதன் மூலம் ஓரளவு நிவாரணம் கிடைக்கும் என எதிர்பார்க்கப்படுகிறது" என்றார்.
தற்போது நிலையான விலக்கின் கீழ் ரூ.50,000 விலக்கு அளிக்கப்பட்டுள்ளது. நேஷனல் இன்ஸ்டிடியூட் ஆஃப் பப்ளிக் ஃபைனான்ஸ் அண்ட் பாலிசியின் பேராசிரியர் லேகா சக்ரவர்த்தி, “பட்ஜெட் ஜனரஞ்சகமாக இருக்காது. நிதி அமைச்சர் (Finance Minister) நிதி ஒருங்கிணைப்பு பாதையில் இருந்து விலக மாட்டார். இருப்பினும், அதிகரித்து வரும் உணவுப் பணவீக்கம் மற்றும் விநியோகச் சங்கிலிகளில் ஏற்படும் இடையூறு ஆகியவற்றைக் கருத்தில் கொண்டு விவசாயிகளுக்கு பணப் பரிமாற்றம் தொடர்ந்து நடக்கும்" என்றார்.
பெண்களுக்கு நிவாரணம்?
முனிச்சைச் சேர்ந்த சர்வதேச பொது நிதிக் கழகத்தின் (ஐஐபிஎஃப்) ஆளும் குழுவின் உறுப்பினராகவும் பணியாற்றும் லேகா சக்ரவர்த்தியிடம் வரிச் சலுகை குறித்து கேட்டபோது, “பெண் வாக்காளர்களுக்கு முக்கியத்துவம் அளிக்கப்படுவதைக் கருத்தில் கொண்டு பார்த்தால், வருமான வரிச் சட்டத்தின் (Income Tax Act) 88C பிரிவின் கீழ் பெண்களுக்கு வரி விலக்கு அளிக்கப்படலாம்" என கூறினார்.
‘‘இந்திய மக்கள் தொகையுடன் ஒப்பிடும்போது வருமான வரி செலுத்துவோர் (Taxpayers) எண்ணிக்கை மிகக் குறைவு என்பதால், பெண்கள் மற்றும் ஆண்களுக்கான வரிச்சலுகை தொடர்பான அறிவிப்புகள் பெரிய அளவில் பாதிப்பை ஏற்படுத்துவதில்லை’’ என்றும் அவர் மேலும் தெரிவித்தார்.
மேலுக் படிக்க | மத்திய அரசின் இலவச காப்பீடு... ஆயுஷ்மான் அட்டை பெற விண்ணப்பிக்கும் முறை!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
