வயதான காலத்தில் ஒவ்வொரு நபரின் பலம் அவரது பணம். போதுமான பணம் இருந்தால், தங்களது தேவைகளை, பிறர் தயவின்றி பூர்த்தி செய்யலாம். ஓய்வூதியத்தில் மொத்தப் பணத்தைப் பெற்ற பிறகு, மூத்த குடிமக்கள் சிறந்த வருமானத்தை தரும் முதலீட்டு திட்டங்களைத் விரும்புவதற்கு இதுவே காரணம். அவர்களின் பணம் பாதுகாப்பானதாகவும், சிறந்த வருமானத்தை அளிக்கும் திட்டமே அவர்கள் முதல் தேர்வாக இருக்கும். அந்த வகையில், சிறந்த வருமானத்தையும் வட்டியையும் கொடுக்கும், சுமார் 60 வயதிற்கு மேற்பட்டவர்களுக்கான சிறந்த முதலீட்டு விருப்பங்களை பற்றி விரிவாக அறிந்து கொள்ளலாம்.
மூத்த குடிமக்கள் சேமிப்புத் திட்டம்
மூத்த குடிமக்கள் சேமிப்புத் திட்டம் ( Senior Citizens Savings Scheme) 55 முதல் 60 வயது வரை உள்ளவர்களுக்கு சிறந்த முதலீட்டுத் திட்டமாகக் கருதப்படுகிறது. பாதுகாப்பு மற்றும் வருமானம் ஆகிய இரண்டு அம்சங்களிலும் இந்தத் திட்டம் மிகவும் சிறந்தது. 55 வயதுக்கு மேற்பட்ட மற்றும் 60 வயதுக்குட்பட்ட ஓய்வு பெற்ற சிவில் பணியாளர்கள் ஓய்வூதிய பலன்களைப் பெற்ற 1 மாதத்திற்குள் முதலீடு செய்யலாம். இதில் 1000 முதல் 15 லட்சம் ரூபாய் வரை முதலீடு செய்யலாம். இது ஐந்தாண்டு திட்டம். ஆனால் நீங்கள் விரும்பினால் மேலும் மூன்று ஆண்டுகளுக்கு நீட்டிக்கலாம். தற்போது, மூத்த குடிமக்கள் சேமிப்பு திட்டத்தில் 7.6% வட்டி வழங்கப்படுகிறது.
பிரதம மந்திரி வய வந்தனா யோஜனா (PMVVY திட்டம்)
மூத்த குடிமக்களுக்கான இந்தத் திட்டம் 2017ஆம் ஆண்டு நரேந்திர மோடி அரசால் தொடங்கப்பட்டது. இந்தத் திட்டத்தின் கீழ், 60 வயதுக்கு மேற்பட்ட அனைவரும் இதில் முதலீடு செய்யலாம். அதிகபட்ச முதலீட்டு வரம்பு ரூ.15 லட்சம். மாதாந்திர, காலாண்டு, அரையாண்டு மற்றும் ஆண்டு அடிப்படையில் முதலீடு செய்யும் மூத்த குடிமக்கள் மற்றும் ஓய்வூதியதாரர்களுக்கு ஓய்வூதியம் வழங்கப்படுகிறது. முதலீடு செய்யப்பட்ட தொகையைப் பொறுத்து, ஓய்வூதியத் தொகை ரூ.1,000 முதல் ரூ.9,250 வரை இருக்கலாம்.
மேலும் படிக்க | பணத்தை திட்டமிட்டு முதலீடு செய்தால் விரைவில் ‘அம்பானி’ ஆகலாம்!
வங்கி FD (நிலையான வைப்பு நிதி)
வங்கியில் நிலையான வைப்புத்தொகையானது அனைத்து தரப்பு மக்களாலும் மிகவும் நம்பகமான மற்றும் பாதுகாப்பான முதலீட்டாகக் கருதப்படுகிறது. இது மிகக் குறைந்த ஆபத்து மற்றும் உத்தரவாதமான வருமானத்தைக் கொண்டுள்ளது. பெரும்பாலான வங்கிகள் மூத்த குடிமக்களுக்கு 50% அதிக வட்டி விகிதத்தை வழங்குகின்றன.
சிறப்பு நிலையான வைப்பு நிதி (FD)
பல வங்கிகள் மூத்த குடிமக்களுக்கு ஐந்து ஆண்டுகள் அல்லது அதற்கு மேற்பட்ட கால அவகாசம் கொண்ட சிறப்பு நிலையான வைப்பு கணக்குகளை வழங்குகின்றன. SBI Wecare FD மற்றும் ICICI Bank Golden Years FD ஆகியவை சில உதாரணங்கள். ஒரு மூத்த குடிமகன் SBI WeCare FD இல் 5 ஆண்டுகள் அல்லது அதற்கு மேற்பட்ட காலத்திற்கு முதலீடு செய்தால், அவருக்கு 30 bps கூடுதல் வட்டி கிடைக்கும்.
தபால் அலுவலக முதலீடு திட்டம்
நிலையான வைப்புத்தொகை அஞ்சல் அலுவலக நேர வைப்பு கணக்கின் மிகவும் பிரபலமான திட்டங்களில் ஒன்றாக கணக்கிடப்படுகிறது. இந்தத் திட்டத்தின் கீழ், 1, 2, 3 அல்லது 5 ஆண்டுகளுக்கு அஞ்சல் அலுவலகத்தில் முதலீடு செய்யலாம். ரூ.1,000 முதல் தொடங்கலாம். அதிகபட்ச முதலீட்டு வரம்பு இல்லை. இதில், உத்தரவாதமான வருமானத்துடன் 80C இன் கீழ் வரி விலக்கின் பலனைப் பெறுவீர்கள்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
