கார் மழையால் பாதிக்கப்பட்டால் முழு தொகை கிடைக்கும்... காப்பீடு பெறும்போது இதை கவனியுங்க!

Car Insurance For Monsoon Season: நாட்டின் பல பகுதிகளில் இம்முறை பருவமழை பெய்து பேரிடரை ஏற்படுத்தியுள்ளது. வட மாநிலங்களில் மலைகளில் தொடர்ந்து நிலச்சரிவுகள் காணப்படுவதுடன், ஆறுகள் பெருக்கெடுத்து ஓடுகின்றன. கடந்த காலங்களில் மணலி உள்ளிட்ட பல சுற்றுலாத் தலங்களில் வாகனங்கள் தண்ணீரில் தத்தளிக்கும் வீடியோக்கள் இணையத்தில் அதிகம் பகிரப்பட்டது.   

அதேநேரம், டெல்லி மற்றும் சுற்றுவட்டாரப் பகுதிகளில் இருந்து தெருக்களிலும், சாலைகளிலும் மழைநீர் புகுந்து வாகன நிறுத்துமிடத்தில் நிறுத்தப்படும் வாகனங்களுக்கு சேதம் விளைவிப்பது போன்ற காட்சிகள் தொடர்ந்து வருகின்றன. அதே நேரத்தில், மழைக்காலத்தில் உங்கள் வாகனங்கள் விபத்துக்குள்ளாகவும் அல்லது மரங்கள் கார் மீது விழும் அபாயமும் உள்ளது.

பருவமழையின் போது ஏற்படும் அனைத்து ஆபத்துக்களில் இருந்தும் உங்கள் வாகனங்களைப் பாதுகாப்பது எளிதல்ல. ஆனால் இந்த விபத்துகளால் ஏற்படும் நிதி இழப்பில் இருந்து உங்களை நீங்கள் நிச்சயமாகக் காப்பாற்றிக் கொள்ளலாம். இதற்கு கார் காப்பீடு எடுக்கும்போது சில விஷயங்களில் சிறப்பு கவனம் செலுத்த வேண்டும். இந்த ஆபத்துக்களில் இருந்து உங்களைக் காப்பாற்றிக் கொள்ளக்கூடிய சிறப்பு துணை நிரல்களை இங்கு காணலாம். 

மேலும் படிக்க | மத்திய அரசின் அதிரடி முடிவு! இனி இவற்றிற்கெல்லாம் ஜிஎஸ்டி இல்லை!

இன்ஷூரன்ஸ் பாலிசி எடுக்கும்போது இவற்றை கவனிக்க வேண்டும்

என்ஜின் பாதுகாப்பு கவர்

சாதாரண கார் பாலிசியில் எஞ்சின் சேதத்திற்கு காப்பீடு இல்லை. புதிய இன்ஜின் அல்லது பழைய இன்ஜினைப் பழுதுபார்ப்பதற்கான செலவை உங்கள் காப்பீட்டு பாலிசியில், என்ஜின் பாதுகாப்புக் கவரைச் (Engine Protection Cover) சேர்ப்பதன் மூலம் மழையால் உங்களின் இன்ஜின் பழுதடைந்து புது எஞ்சின் மாற்றவேண்டிய சூழல் வரும்போது, இதன்மீது காப்பீட்டை கோரலாம்.

24x7 சாலையோர உதவி கவர்

சாலையின் நடுவில் வாகனம் பழுதடையும்பட்சத்தில், இந்த 24x7 சாலையோர உதவி கவர் (24x7 Roadside Assistance Cover) மெக்கானிக்கை சரியான நேரத்தில் அனுப்புவதன் மூலம், மேலும் சேதங்களைத் தவிர்க்க உதவும்.

பூஜ்ஜிய தேய்மான கவர்

பூஜ்ஜிய தேய்மான கவர் (Zero Depreciation Cover) அனைத்து வகையான சேதங்களுக்கும் ஈடுசெய்கிறது. ஆனால் டயர், டியூப் அல்லது பேட்டரி மீதான காப்பீட்டு கோரல் என்பது 50 சதவீதம் மட்டுமே.

EMI பாதுகாப்பு கவர்

21 நாட்களுக்கு கார் வீட்டிலேயே நிறுத்தப்பட்டிருந்தால், உங்கள் காரின் தவணையை இந்த கவர் பார்த்துக் கொள்ளும். அதாவது இது தொழில் சார்ந்த விஷயங்களுக்கு உதவக்கூடியது என்பதை கவனத்தில் கொள்ள வேண்டும்.

தினசரி கொடுப்பனவு கவர்

நீங்கள் ஒரு காரை வாங்கி, அதை தொழிலில் உபயோகப்படுத்தி வருகிறீர்கள் என்றால், காப்பீட்டுத் திட்டத்தின் தினசரி கவர் (Daily Allowance Cover) உங்களுக்கு சில நாட்களுக்கு நிலையான தினசரி கொடுப்பனவை உங்களுக்கு வழங்கும்.

அவசர ஹோட்டல் தங்குமிடம்

சாலைப் பயணங்களை விரும்புவோருக்கு இந்த அவசர ஹோட்டல் கவர் (Emergency Hoter Cover) அவசியம், ஏனென்றால் நடுரோட்டில் வாகனத்தை நிறுத்த வேண்டியிருந்தால், ஹோட்டலில் நேரத்தை செலவிட வேண்டியிருந்தால், இந்த கவர் பாலிசியின்படி கார் வைத்திருப்பவர்களுக்கு அறை வாடகையையும் வழங்குகிறது.

நுகர்பொருட்கள் கவர்

இது பாலிசியில் உள்ளடக்கப்பட்டிருந்தால், நட், போல்ட், கியர் போன்ற பல பாகங்களை பழுதுபார்ப்பதற்கு இழப்பீடு கிடைக்கும்.

டயர் பாதுகாப்பு உறை

பருவமழையில் டயர்கள் சேதமடைவதால் டயரை மாற்ற வேண்டியிருந்தால், இந்த காப்பீடு பாலிசிதாரருக்கு வழங்கப்படும்.

மேலும் படிக்க | ரேசன் அட்டைதாரர்களுக்கு அடிச்சது ஜாக்பாட், அரசாணை வெளியிட்ட அரசு

சார்பில்லாத சமரசமில்லாத செய்திகள் உங்கள் உள்ளங்கைகளில்! 

உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.

முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.

கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!

Android Link: https://bit.ly/3AIMb22

Apple Link: https://apple.co/3yEataJ