കടുത്ത സാമ്പത്തിക പ്രതിസന്ധിയിലൂടെ നീങ്ങിക്കൊണ്ടിരിക്കുകയാണ് ശ്രീലങ്ക. ഭക്ഷണത്തിനും ഇന്ധനത്തിനും കടുത്ത ക്ഷാമം നേരിടുകയാണ് രാജ്യം. ഭക്ഷണത്തിനായി ആളുകൾ കഷ്ടപ്പെടുന്നു. ഇന്ധനമില്ലാത്തതിനാൽ ദിവസങ്ങളോളം പെട്രോൾ പമ്പുകൾക്ക് മുന്നിൽ പലപ്പോഴും വാഹനങ്ങളുടെ നീണ്ട ക്യൂ ഉണ്ടാകുന്നു. സാമ്പത്തിക പ്രതിസന്ധിയിൽ നിന്ന് കരകയറാൻ വലിയ ശ്രമങ്ങളാണ് രാജ്യത്ത് നടക്കുന്നത്.
പ്രതിസന്ധികൾക്കിടയിലും ശ്രീലങ്കയിൽ നിന്നുള്ള ഒരു രസകരമായ വീഡിയോ ഇപ്പോൾ വൈറലാകുകയാണ്. പെട്രോൾ നിറയ്ക്കാൻ നീണ്ട ക്യൂവിൽ നിൽക്കുന്ന ഒരു ഓട്ടോ ഡ്രൈവർ എആർ റഹ്മാന്റെ പാട്ടിന് നൃത്തം ചെയ്യുന്നത് വീഡിയോയിൽ കാണുന്നത്. വളരെ സന്തോഷത്തോടെ ഇയാൾ നൃത്തം ചെയ്യുന്നത് ഇന്റർനെറ്റിൽ ശ്രദ്ധ നേടിയിട്ടുണ്ട്.
#SriLanka: The petrol queue dance (to @arrahman's music from 1994) - received via whatsapp. Hoping to see him sometime when I'm in line. #lka #SriLankaEconomicCrisis pic.twitter.com/e42hiiLWmi
— Meera Srinivasan (@Meerasrini) June 16, 2022
കാതലൻ എന്ന ചിത്രത്തിലെ മുക്കാല മുക്കാബല എന്ന ഗാനത്തിനാണ് ഇയാൾ നൃത്തം ചെയ്യുന്നത്. പാട്ടിന്റെ ഈണത്തിനനുസരിച്ചുള്ള ഇയാളുടെ നൃത്തം കാഴ്ചക്കാരെ ഏറെ രസിപ്പിക്കുന്നതാണ്. പാട്ടിന്റെ ഈണത്തിനനുസരിച്ച് സ്റ്റെപ്പുകളും അദ്ദേഹം മാറ്റുന്നു. കൊളമ്പോ ബെയ്സ്ഡ് ആയിട്ടുള്ള മാധ്യപ്രവർത്തക മീര ശ്രീനിവാസൻ ആണ് വീഡിയോ പങ്കുവച്ചിരിക്കുന്നത്. തന്റെ ട്വിറ്റർ പേജിലൂടെയാണ് മീര ഈ വീഡിയോ പങ്കുവെച്ചത്. ഇതുവരെ ഈ വീഡിയോ 48.2k വ്യൂസ് നേടി.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEEHindustanApp ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...
