ഉത്തർപ്രദേശിലെ രാമന്റെ ജന്മസ്ഥലമായ അയോധ്യയിൽ പുതുതായി നിർമ്മിച്ച രാമക്ഷേത്രം ഏതാനും ദിവസങ്ങൾക്കുള്ളിൽ പ്രതിഷ്ഠിക്കപ്പെടും. ഈ ക്ഷേത്രത്തവും അതിന്റെ സവിശേഷതകളുമാണ് ഇപ്പോൾ രാജ്യം മുഴുവൻ ചർച്ച ചെയ്യുന്നത്. രാമക്ഷേത്രത്തിന്റെ ആകെ പദ്ധതിച്ചെലവ് 2000 കോടി രൂപയാണ്.
ഈ ക്ഷേത്രത്തിന്റെ നിർമ്മാണത്തിനായി ഭക്തർ ദിവസവും സംഭാവന നൽകുന്നത് തുടരുകയാണ്. കഴിഞ്ഞ 3 വർഷത്തിനിടെ 4500 മുതൽ 5000 കോടി രൂപ വരെ സംഭാവനയായി ലഭിച്ചു. സംഭാവനയായി ലഭിക്കുന്ന പണം ബാങ്കുകളിൽ നിക്ഷേപിക്കും. അവ ക്ഷേത്രത്തിന്റെ പ്രത്യേക ചെലവുകൾക്കായി സൂക്ഷിക്കുന്നു.
സംഭാവനകൾക്ക് പുറമേ, ഓൺലൈൻ, ചെക്ക്, പണം എന്നിവ ഉൾപ്പെടെ വിവിധ രീതികളിലൂടെ പ്രതിദിനം ഏകദേശം 2 ലക്ഷം രൂപ വരെയാണ് ഭക്തരിൽ നിന്ന് ഫൗണ്ടേഷന് ദൈനംദിന സംഭാവനകൾ ലഭിച്ചു കൊണ്ടിരിക്കുന്നത്. അത്തരത്തിൽ ചില കണക്കുകൾ പ്രകാരം, ഫൗണ്ടേഷന് പ്രതിമാസം ഒരു കോടി രൂപ സംഭാവനയായി ലഭിക്കുന്നുവെന്നാണ് സൂചന.
അടുത്തിടെ, അയോധ്യയിലെ രാമക്ഷേത്ര നിർമ്മാണ പ്രവർത്തനങ്ങൾക്കായി ഭക്തരിൽ നിന്ന് സംഭാവന പിരിച്ചെന്ന തട്ടിപ്പ് പുറത്തുവന്നിരുന്നു. അഴിമതിക്കെതിരെ ഉടൻ നടപടിയെടുക്കണമെന്ന് വിശ്വഹിന്ദു പരിഷത്ത് (വിഎച്ച്പി) ആവശ്യപ്പെട്ടു. രാം മന്ദിർ ട്രസ്റ്റ് ന്യൂഡൽഹിയിലെ ബാങ്ക് അക്കൗണ്ടുകളിൽ പ്രവാസി ഇന്ത്യക്കാരിൽ നിന്ന് (എൻആർഐ) സംഭാവന സ്വീകരിക്കാനും തുടങ്ങി. ഫോറിൻ കോൺട്രിബ്യൂഷൻ റെഗുലേഷൻ ആക്ട് (എഫ്‌സിആർഎ) പ്രകാരം കഴിഞ്ഞ മാസമാണ് ട്രസ്റ്റ് രജിസ്റ്റർ ചെയ്തത്.
ലക്ഷക്കണക്കിന് ഭക്തജനങ്ങളെ വരവേൽക്കാൻ ഒരുങ്ങുന്ന അയോധ്യാ നഗരത്തിൽ ക്ഷേത്രവും ക്ഷേത്ര സമുച്ചയവും മാത്രമല്ല, നഗരം മുഴുവൻ കോടിക്കണക്കിന് ഭക്തർക്ക് യോജ്യമാക്കാനുള്ള തിരക്കിലാണ്. കോടിക്കണക്കിന് രൂപയുടെ സർക്കാർ പദ്ധതികളും അയോധ്യയിൽ നടപ്പാക്കുന്നുണ്ട്. ക്ഷേത്രത്തിലെ കുംഭാഭിഷേകത്തിൽ പങ്കെടുക്കാൻ വിവിധ പാർട്ടികളെ ക്ഷണിച്ചിരിക്കെ, അയോധ്യയിലെ രാമക്ഷേത്ര കുംഭാഭിഷേക ചടങ്ങ് കണക്കിലെടുത്ത് അമേരിക്കയിൽ കാർ റാലി സംഘടിപ്പിച്ചു. ടെക്സസിലെ ഹൂസ്റ്റണിൽ ഹിന്ദുക്കളുടെ പേരിൽ കഴിഞ്ഞ ഞായറാഴ്ച ഒരു കാർ റാലി നടന്നിരുന്നു.
ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy
ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.
