Kidney Stones Diet: വൃക്കയിലെ കല്ലുകൾ; നിങ്ങൾ ഒഴിവാക്കേണ്ട ഭക്ഷണങ്ങൾ ഇവ

വളരെയധികം വേദനയും അസ്വസ്ഥതയും ഉണ്ടാക്കുന്ന അവസ്ഥയാണ് വൃക്കയിൽ കല്ലുകൾ ഉണ്ടാകുന്നത്. വൃക്കകൾക്കുള്ളിൽ രൂപം കൊള്ളുന്ന ചെറിയ ധാതു നിക്ഷേപങ്ങളാണിവ. ഇത് ലോകമെമ്പാടുമുള്ള ദശലക്ഷക്കണക്കിന് ആളുകളെ ബാധിക്കുന്നു. വൃക്കയിൽ കല്ല് രൂപപ്പെടുന്നതിന് കാരണമാകുന്ന നിരവധി ഘടകങ്ങൾ ഉണ്ടെങ്കിലും, ഭക്ഷണക്രമം ഇതിൽ നിർണായക പങ്ക് വഹിക്കുന്നു. നിങ്ങളുടെ ഭക്ഷണ തിരഞ്ഞെടുപ്പുകൾ ശ്രദ്ധിച്ചാൽ, വൃക്കയിലെ കല്ലുകൾ ഉണ്ടാകാനുള്ള സാധ്യത ഗണ്യമായി കുറയ്ക്കാം. നിങ്ങൾ കഴിക്കാൻ പാടില്ലാത്ത ഭക്ഷണങ്ങൾ ഏതെല്ലാമാണെന്ന് അറിഞ്ഞിരിക്കാം.

ഉയർന്ന ഓക്സലേറ്റ് ഭക്ഷണങ്ങൾ: ഓക്സലേറ്റ് സംയുക്തങ്ങൾ സാധാരണയായി വൃക്കയിലെ കല്ലുകൾ രൂപപ്പെടുന്നതിന് കാരണമാകുന്നു. ചീര, ബീറ്റ്റൂട്ട്, പരിപ്പ് എന്നിവ നിങ്ങളുടെ ഭക്ഷണത്തിൽ പരിമിതപ്പെടുത്തേണ്ട ഉയർന്ന ഓക്സലേറ്റ് ഭക്ഷണങ്ങളിൽ ചിലതാണ്.

സോഡിയം അടങ്ങിയ ഭക്ഷണങ്ങൾ: സോഡിയം അടങ്ങിയ ഭക്ഷണം മൂത്രത്തിൽ കാത്സ്യത്തിന്റെ അളവ് വർധിപ്പിക്കും. ഇത് വൃക്കയിൽ കല്ല് രൂപപ്പെടാൻ ഇടയാക്കും. സംസ്കരിച്ച ഭക്ഷണങ്ങൾ, ടിന്നിലടച്ച സൂപ്പുകൾ, ഉപ്പിട്ട ലഘുഭക്ഷണങ്ങൾ എന്നിവ ഒഴിവാക്കുന്നത് സോഡിയം കഴിക്കുന്നത് കുറയ്ക്കുന്നതിനുള്ള മാർഗമാണ്.

മൃ​ഗങ്ങളിലെ പ്രോട്ടീൻ: ചുവന്ന മാംസം, കോഴി, മത്സ്യം തുടങ്ങിയ മൃഗങ്ങളിലെ പ്രോട്ടീനുകൾ അടങ്ങിയ ഭക്ഷണങ്ങൾ മൂത്രത്തിൽ യൂറിക് ആസിഡിന്റെ അളവ് വർധിപ്പിക്കും. ഇത് വൃക്കയിലെ കല്ലുകൾ ഉണ്ടാകാനുള്ള സാധ്യത വർധിപ്പിക്കും. ബീൻസ്, പയർ, ടോഫു തുടങ്ങിയ സസ്യാധിഷ്ഠിത പ്രോട്ടീൻ സ്രോതസുകൾ മൃ​ഗ കൊഴുപ്പിന് മികച്ച ബദലുകളാണ്.

ALSO READ: Diabetes Diet: രക്തത്തിലെ പഞ്ചസാര കൂട്ടാത്ത അഞ്ച് സ്മൂത്തികൾ വീട്ടിലുണ്ടാക്കാം

പഞ്ചസാര-ഉയർന്ന മധുരമുള്ള പാനീയങ്ങൾ: സോഡ പോലുള്ള പഞ്ചസാര പാനീയങ്ങളും ചില പഴച്ചാറുകളും വൃക്കയിലെ കല്ല് രൂപപ്പെടുന്നതിന് കാരണമാകുന്നു. ഉയർന്ന പഞ്ചസാരയുടെ അളവ് മൂത്രത്തിൽ കാത്സ്യം വർധിക്കുന്നതിന് ഇടയാക്കും.

സംസ്കരിച്ച ഭക്ഷണങ്ങൾ: സംസ്കരിച്ച ഭക്ഷണങ്ങളിൽ പലപ്പോഴും അഡിറ്റീവുകളും പ്രിസർവേറ്റീവുകളും അടങ്ങിയിട്ടുണ്ട്. ഇത് വൃക്കയിൽ കല്ലുകൾ ഉണ്ടാകാനുള്ള സാധ്യത വർധിപ്പിക്കും. സംസ്കരിക്കാത്ത ഭക്ഷണങ്ങൾ തിരഞ്ഞെടുക്കുക.

കാത്സ്യം സപ്ലിമെന്റുകൾ: കാത്സ്യം മൊത്തത്തിലുള്ള ആരോഗ്യത്തിന് അത്യന്താപേക്ഷിതമാണെങ്കിലും, സപ്ലിമെന്റുകളിൽ നിന്നുള്ള അമിതമായ കാത്സ്യം കഴിക്കുന്നത് വൃക്കയിൽ കല്ലുകൾ ഉണ്ടാകാനുള്ള സാധ്യത വർധിപ്പിക്കും. നിങ്ങൾക്ക് കാത്സ്യം സപ്ലിമെന്റുകൾ ആവശ്യമുണ്ടെങ്കിൽ ഡോക്ടറുടെ നിർദേശപ്രകാരം മാത്രം കഴിക്കുക.

ഈ ഭക്ഷണങ്ങൾ ഒഴിവാക്കുന്നതിന് പുറമേ ശരീരത്തിൽ ആവശ്യത്തിന് ജലാംശം നിലനിർത്തേണ്ടത് പ്രധാനമാണ്. ആരോഗ്യകരമായ ഭാരം നിലനിർത്തുകയും പഴങ്ങൾ, പച്ചക്കറികൾ, ധാന്യങ്ങൾ എന്നിവയാൽ സമ്പുഷ്ടമായ സമീകൃതാഹാരം കഴിക്കുകയും ചെയ്യുന്നത് വൃക്കയിൽ കല്ലുകൾ രൂപപ്പെടുന്നത് തടയാൻ സഹായിക്കും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy 

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.