Incognito ಮೋಡ್‌ನಲ್ಲಿಯೂ ಬ್ರೌಸಿಂಗ್ ಚಟುವಟಿಕೆಗಳನ್ನು ಟ್ರ್ಯಾಕ್ ಮಾಡುತ್ತಿದೆ ಗೂಗಲ್

Google Incognito Mode: ಟೆಕ್ ದೈತ್ಯ ಗೂಗಲ್ ತನ್ನ ಅಜ್ಞಾತ ಮೋಡ್‌ನಲ್ಲಿ ಕೆಲವು ಬದಲಾವಣೆಗಳ ಬಗ್ಗೆ ಇತ್ತೀಚೆಗೆ ಸ್ಪಷ್ಟಪಡಿಸಿದೆ. ಗೂಗಲ್ ಇನ್‌ಕಾಗ್ನಿಟೋ ಮೋಡ್  (Google Incognito Mode)ಸಂಬಂಧಿಸಿದಂತೆ $5 ಬಿಲಿಯನ್ ಗೌಪ್ಯತೆ ಮೊಕದ್ದಮೆಯ ನಡುವೆ ಅಜ್ಞಾತ ಮೋಡ್ ಆನ್ ಆಗಿದ್ದರೂ ಇಂಟರ್ನೆಟ್ ಕಂಪನಿಗಳು ನಮ್ಮ ಬ್ರೌಸಿಂಗ್ ಅನ್ನು ನೋಡಬಹುದು ಎಂಬ ವಿಷಯವನ್ನು ಗೂಗಲ್ ಸ್ಪಷ್ಟಪಡಿಸಿದೆ. 

MSPowerUserನ ವರದಿಯ ಪ್ರಕಾರ, ಫೆಬ್ರವರಿಯಲ್ಲಿ ಗೂಗಲ್ $5 ಬಿಲಿಯನ್ ಗೌಪ್ಯತೆ ಮೊಕದ್ದಮೆಯನ್ನು ಇತ್ಯರ್ಥಪಡಿಸಲಿದೆ. ಈ ಮೊಕದ್ದಮೆಯ ಮೊದಲು, ಅಜ್ಞಾತ ಮೋಡ್‌ನಲ್ಲಿಯೂ ಸಹ ಎಂತಹ ಡೇಟಾವನ್ನು ಸಂಗ್ರಹಿಸಲಾಗುವುದು ಎಂಬ ಬಗ್ಗೆ ಗೂಗಲ್ ಸದ್ದಿಲ್ಲದೆ ಬಹಿರಂಗಪಡಿಸಲು ಪ್ರಾರಂಭಿಸಿದೆ. ಈಗ ಗೂಗಲ್ ಅಜ್ಞಾತ ಮೋಡ್‌ನಲ್ಲಿ (Google Incognito Mode) ವೆಬ್‌ಸೈಟ್‌ಗಳು ಅಜ್ಞಾತ ಮೋಡ್ ಆನ್ ಆಗಿದ್ದರೂ ಸಹ ನಿಮ್ಮ ಡೇಟಾವನ್ನು ತೆಗೆದುಕೊಳ್ಳಬಹುದು ಎಂದು ಸ್ಪಷ್ಟವಾಗಿ ಬರೆಯಲಾಗಿದೆ.

ಕ್ಯಾನರಿ ಆವೃತ್ತಿ: 
ಗೂಗಲ್ ಇತ್ತೀಚಿನ ದಿನಗಳಲ್ಲಿ ತನ್ನ ಹೊಸ ಹಕ್ಕು ನಿರಾಕರಣೆಯನ್ನು ಸೇರಿಸಿದ್ದು ಇದರ ಮೊದಲ ವಾಕ್ಯವನ್ನು ಮಾತ್ರ ಬದಲಾಯಿಸಲಾಗಿದೆ. ಈ ಬದಲಾವಣೆಯು ಪ್ರಸ್ತುತ ಕ್ರೋಮ್‌ನ ವಿಶೇಷ  "ಕ್ಯಾನರಿ" ಆವೃತ್ತಿಯಲ್ಲಿ ಗೋಚರಿಸುತ್ತದೆ. ಈಗ ನೀವು ಅಜ್ಞಾತ ಮೋಡ್‌ (Incognito Mode) ಅನ್ನು ತೆರೆದಾಗ ಅಜ್ಞಾತ ಮೋಡ್ ಆನ್ ಆಗಿದ್ದರೂ ನೀವು ಭೇಟಿ ನೀಡುವ ವೆಬ್‌ಸೈಟ್‌ಗಳು ನಿಮ್ಮ ಡೇಟಾವನ್ನು ತೆಗೆದುಕೊಳ್ಳಬಹುದು ಎಂದು ಸ್ಪಷ್ಟವಾಗಿ ಬರೆಯಲಾಗಿದೆ. ಅರ್ಥ, ನಿಮ್ಮ ಬ್ರೌಸಿಂಗ್ ಸಂಪೂರ್ಣವಾಗಿ ಖಾಸಗಿಯಾಗಿಲ್ಲ ಎಂಬುದನ್ನೂ ಇದು ಸ್ಪಷ್ಟಪಡಿಸುತ್ತಿದೆ. 

ಇದನ್ನೂ ಓದಿ- WhatsApp ಚಾನೆಲ್‌ನಲ್ಲಿ ಹೊಸ ವೈಶಿಷ್ಟ್ಯಗಳ ಸೇರ್ಪಡೆ

ಕ್ರೋಮ್‌ನ ಅಜ್ಞಾತ ಮೋಡ್‌ನಲ್ಲಿ ಪ್ರಸ್ತುತ ಹಕ್ಕು ನಿರಾಕರಣೆ ಇಲ್ಲಿದೆ:
ಇನ್ನೂ ಸರಳವಾಗಿ ಹೇಳುವುದಾದರೆ, "ಈಗ ನೀವು ಖಾಸಗಿಯಾಗಿ ಬ್ರೌಸ್ ಮಾಡಬಹುದು ಮತ್ತು ಈ ಸಾಧನವನ್ನು ಬಳಸುವ ಇತರ ಜನರು ನಿಮ್ಮ ಚಟುವಟಿಕೆಯನ್ನು ನೋಡುವುದಿಲ್ಲ. ಆದಾಗ್ಯೂ, ಡೌನ್‌ಲೋಡ್‌ಗಳು, ಬುಕ್‌ಮಾರ್ಕ್‌ಗಳು ಮತ್ತು ಓದುವ ಪಟ್ಟಿ ಐಟಂಗಳನ್ನು ಸೇವ್ ಮಾಡಲಾಗುವುದು". 

ಗಮನಾರ್ಹವಾಗಿ, 2020 ರಲ್ಲಿ, ಗೂಗಲ್ ಇನ್‌ಕಾಗ್ನಿಟೋ ಮೋಡ್‌ನಲ್ಲಿಯೂ ಡೇಟಾವನ್ನು ಸಂಗ್ರಹಿಸುತ್ತದೆ ಎಂದು ಆರೋಪಿಸಿ  ಕೆಲವರು  ಗೂಗಲ್ ವಿರುದ್ಧ $5 ಬಿಲಿಯನ್‌ ಮೊಕದ್ಧಮೆ ಹೂಡಿದರು. ಗೂಗಲ್ ಇನ್‌ಕಾಗ್ನಿಟೋ ಮೋಡ್‌ ಆನ್ ಆಗಿದ್ದರೂ ಸಹ  ವೆಬ್‌ಸೈಟ್‌ಗಳು ಡೇಟಾವನ್ನು ತೆಗೆದುಕೊಳ್ಳಬಹುದು ಎಂದು ಅವರು ಉಲ್ಲೇಖಿಸಿದ್ದರು. 

ಇದನ್ನೂ ಓದಿ- ಅಯೋಧ್ಯೆಯ ಸರಯು ನದಿಯಲ್ಲಿ ಸಂಚರಿಸಲಿದೆ ಭಾರತದ ಮೊದಲ ಸೌರಶಕ್ತಿ ಚಾಲಿತ ದೋಣಿ

ಆದಾಗ್ಯೂ, ಈ ವಿಷಯವನ್ನು ಅಜ್ಞಾತ ಪುಟದಲ್ಲಿ/ ಇನ್‌ಕಾಗ್ನಿಟೋ ಪೇಜ್ ನಲ್ಲಿ ಈ ಬಗ್ಗೆ  ಸ್ಪಷ್ಟವಾಗಿ ಬರೆಯಲಾಗಿಲ್ಲ. ಈಗ ಇನ್‌ಕಾಗ್ನಿಟೋ  ಮೋಡ್‌ನಲ್ಲಿ ನಿಮ್ಮ ಬ್ರೌಸಿಂಗ್ ಸಂಪೂರ್ಣವಾಗಿ ಖಾಸಗಿಯಾಗಿಲ್ಲ, ವೆಬ್‌ಸೈಟ್‌ಗಳು ನಿಮ್ಮ ಡೇಟಾವನ್ನು ತೆಗೆದುಕೊಳ್ಳಬಹುದು ಎಂದು ಗೂಗಲ್ ಸ್ಪಷ್ಟವಾಗಿ ಹೇಳಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.