Aditya-L1 to track Sun during Surya Grahan:ಏಪ್ರಿಲ್ 8ರಂದು ಸೂರ್ಯ, ಚಂದ್ರ ಮತ್ತು ಭೂಮಿ ಒಂದೇ ಸಾಲಿನಲ್ಲಿರುತ್ತದೆ.ಈ ಅವಧಿಯಲ್ಲಿ ಸಂಭವಿಸುವ ಸೂರ್ಯ ಗ್ರಹಣದಿಂದಾಗಿ, ಪ್ರಪಂಚದಾದ್ಯಂತ ಅನೇಕ ದೇಶಗಳಲ್ಲಿ ಕತ್ತಲೆ ಆವರಿಸಿ ಬಿಡುತ್ತದೆ.ಈ ಅವಧಿಯಲ್ಲಿ ಇಸ್ರೋದ ಆದಿತ್ಯ ಎಲ್1 ಸೂರ್ಯನ ಮೇಲೆ ಕಣ್ಣಿಡುತ್ತದೆ. ನಾಸಾ ಕೂಡಾ ಸೂರ್ಯಗ್ರಹಣದ ಮೇಲೆ ಕಣ್ಣಿಡಲು ವಿಶೇಷ ಸಿದ್ಧತೆಗಳನ್ನು ಮಾಡಿಕೊಂಡಿದೆ.ಈ ಸಮಯದಲ್ಲಿ, ಭೂಮಿಯ ಮೇಲಿನ ವಾತಾವರಣದ ಮೇಲೆ ಸೂರ್ಯನ ಬೆಳಕಿನಲ್ಲಿನ ಕಡಿತದ ಪರಿಣಾಮಗಳ ಬಗ್ಗೆ ಅಧ್ಯಯನಕ್ಕೆ ನಾಸಾ ಮೂರು ಸೌಂಡಿಂಗ್ ರಾಕೆಟ್‌ಗಳನ್ನು ಲಾಂಚ್ ಮಾಡುತ್ತದೆ.
4 ನಿಮಿಷಗಳ ಕಾಲ ಆವರಿಸುತ್ತದೆ ಕತ್ತಲೆ :
ಏಪ್ರಿಲ್ 8ರಂದು ಸಂಪೂರ್ಣ ಸೂರ್ಯಗ್ರಹಣದ ಸಮಯದಲ್ಲಿ,ಸೂರ್ಯ,ಚಂದ್ರ ಮತ್ತು ಭೂಮಿ ನೇರ ರೇಖೆಯಲ್ಲಿ ಬರುತ್ತವೆ. ಹೀಗಾದಾಗ ಹಗಲಿನಲ್ಲಿಯೇ ಪ್ರಪಂಚದಾದ್ಯಂತ ಕೆಲವು ದೇಶಗಳಲ್ಲಿ ಕತ್ತಲೆ ಆವರಿಸುತ್ತದೆ. ಏಕೆಂದರೆ,ಇಲ್ಲಿ ಚಂದ್ರನು ಸೂರ್ಯನ ಬೆಳಕನ್ನು ಭೂಮಿಗೆ ಬರುವುದನ್ನು ತಡೆಯುತ್ತಾನೆ. ಒಟ್ಟು ನಾಲ್ಕು ನಿಮಿಷಗಳವರೆಗೆ ಚಂದ್ರ ಸೂರ್ಯನಿಗೆ ಅಡ್ಡಲಾಗಿರುತ್ತಾನೆ. ಆದರೆ,ಈ ಗ್ರಹಣ ಭಾರತದಲ್ಲಿ ಗೋಚರಿಸುವುದಿಲ್ಲ.
ಇದನ್ನೂ ಓದಿ : ನೈಟ್ ಲ್ಯಾಂಪ್‌ನಂತೆ ಕಾರ್ಯನಿರ್ವಹಿಸುತ್ತದೆ ಈ ಯುಎಸ್‌ಬಿ ಲೈಟ್..! ಬೆಲೆ ಕೇಳಿದ್ರೆ ಯಾರೂ ಬೇಕಾದರೂ ಖರೀದಿಸಬಹುದು..!
ಆದಿತ್ಯ ಎಲ್1 ಅದ್ಭುತಗಳನ್ನು ತೋರಿಸಲಿದೆ :
ವರದಿಯ ಪ್ರಕಾರ, ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ಇಸ್ರೋ) ದ ಮೊದಲ ಸೌರ ಮಿಷನ್ ಆದಿತ್ಯ ಎಲ್ 1 ಸಂಪೂರ್ಣ ಸೂರ್ಯಗ್ರಹಣದ ಸಮಯದಲ್ಲಿ ಸೂರ್ಯನನ್ನು ಪತ್ತೆಹಚ್ಚುವ ಸ್ಥಿತಿಯಲ್ಲಿರುತ್ತದೆ.ಇದು ನಕ್ಷತ್ರದ ವಾತಾವರಣದ ಹೊರ ಪದರವಾದ ನಕ್ಷತ್ರದ ವರ್ಣಗೋಳ ಮತ್ತು ಕರೋನಾವನ್ನು ಅಧ್ಯಯನ ಮಾಡಲು ISROಗೆ ಸಹಾಯ ಮಾಡುತ್ತದೆ.
ಗ್ರಹಣದ ಸಮಯದಲ್ಲಿ ಆದಿತ್ಯ L1 ಕೆಲಸ ಏನು ?:
ಸೂರ್ಯಗ್ರಹಣದ ಸಮಯದಲ್ಲಿ ಸೂರ್ಯನನ್ನು ಪತ್ತೆಹಚ್ಚಲು ಆದಿತ್ಯ L1 ತನ್ನ ಆರು ಉಪಕರಣಗಳಲ್ಲಿ ಎರಡನ್ನು ಬಳಸುತ್ತದೆ.ಈ ಎರಡು ಉಪಕರಣಗಳೆಂದರೆ ವಿಸಿಬಲ್ ಎಮಿಷನ್ ಲೈನ್ ಕರೋನಾಗ್ರಾಫ್ (VELC) ಮತ್ತು ಸೋಲಾರ್ ಅಲ್ಟ್ರಾವೈಲೆಟ್ ಇಮೇಜಿಂಗ್ ಟೆಲಿಸ್ಕೋಪ್ (SUIT).ಈ ಸಮಯದಲ್ಲಿ, ಚಂದ್ರನು ನಕ್ಷತ್ರವನ್ನು ನಿರ್ಬಂಧಿಸುವುದರಿಂದ ಸೂರ್ಯನ ಕರೋನ (ಹೊರ ಪದರ) ಭೂಮಿಯಿಂದ ಸಂಕ್ಷಿಪ್ತವಾಗಿ ಗೋಚರಿಸುತ್ತದೆ.ಸಾಮಾನ್ಯ ಸಂದರ್ಭಗಳಲ್ಲಿ ಸೂರ್ಯನ ಕರೋನ ಭೂಮಿಯಿಂದ ಗೋಚರಿಸುವುದಿಲ್ಲ.
ಇಸ್ರೋದ ಸೂರ್ಯ ಮಿಷನ್ ಆದಿತ್ಯ L1 :
ಪ್ರಾರಂಭವಾದ ನಾಲ್ಕು ತಿಂಗಳ ನಂತರ, ಆದಿತ್ಯ-L1 ಈ ವರ್ಷದ ಆರಂಭದಲ್ಲಿ ಜನವರಿ 6ರಂದು L1 ಪಾಯಿಂಟ್ ಅನ್ನು ತಲುಪಿತು.ಆದಿತ್ಯ-L1 ಆರು ಉಪಕರಣಗಳನ್ನು ಹೊಂದಿದೆ. ಆದಿತ್ಯ L1 ಮಿಷನ್ ಭೂಮಿಯಿಂದ 1.5 ಮಿಲಿಯನ್ ಕಿಲೋಮೀಟರ್‌ಗಳಷ್ಟು ದೂರದಲ್ಲಿರುವ ಲಾಗ್ರೇಂಜ್ ಪಾಯಿಂಟ್‌ನಿಂದ ಸೂರ್ಯನನ್ನು ಟ್ರ್ಯಾಕ್ ಮಾಡುತ್ತದೆ.
ಇದನ್ನೂ ಓದಿ : Weather Update: ಭೀಕರ ಉಷ್ಣತೆಯ ಜೊತೆಗೆ ಹೀಟ್ ವೇವ್ ಅಟ್ಯಾಕ್, ದೇಶದ ಈ ಸ್ಥಳಗಳಲ್ಲಿ IMD ಯ ಆರೇಂಜ್ ಅಲರ್ಟ್ ಜಾರಿ!
ಆದಿತ್ಯ L1ಗೆ ಗ್ರಹಣವನ್ನು ನೋಡಲು ಸಾಧ್ಯವಾಗುವುದಿಲ್ಲ :
ಆದರೆ, ಆದಿತ್ಯ L1 ಉಪಗ್ರಹವು ಗ್ರಹಣವನ್ನು ವೀಕ್ಷಿಸಲು ಸಾಧ್ಯವಾಗುವುದಿಲ್ಲ ಎಂದು ಹೇಳಲಾಗುತ್ತಿದೆ.ಏಕೆಂದರೆ ಚಂದ್ರನು ಬಾಹ್ಯಾಕಾಶ ನೌಕೆಯ ಹಿಂದೆ ಲಾಗ್ರೇಂಜ್ ಪಾಯಿಂಟ್ 1 (L1 ಪಾಯಿಂಟ್) ನಲ್ಲಿದೆ.ಹಾಗಾಗಿ ಆದಿತ್ಯ L1 ಬಾಹ್ಯಾಕಾಶ ನೌಕೆಯು ಸೂರ್ಯಗ್ರಹಣವನ್ನು ನೋಡಲು ಸಾಧ್ಯವಾಗುವುದಿಲ್ಲ ಎಂದು ಇಸ್ರೋ ಅಧ್ಯಕ್ಷ ಸೋಮನಾಥ್ ಹೇಳಿದ್ದಾರೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://t.co/lCSPNypK2U
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ
