IPL Auction 2024: ಡಿಸೆಂಬರ್ 19ರಂದು ದುಬೈನಲ್ಲಿ ಐಪಿಎಲ್ ಹರಾಜು..!

ನವದೆಹಲಿ: ಈ ಬಾರಿ ಇಂಡಿಯನ್ ಪ್ರೀಮಿಯರ್ ಲೀಗ್ (IPL) ಹರಾಜು  ದುಬೈನಲ್ಲಿ ನಡೆಯಲಿದೆ ಎಂದು ಭಾರತೀಯ ಕ್ರಿಕೆಟ್ ನಿಯಂತ್ರಣ ಮಂಡಳಿ (BCCI) ಅಧಿಕೃತವಾಗಿ ದೃಢಪಡಿಸಿದೆ. ಡಿಸೆಂಬರ್ 19ರಂದು ಮರುಭೂಮಿ ನಗರದಲ್ಲಿರುವ ಕೋಕಾ-ಕೋಲಾ ಅರೆನಾದಲ್ಲಿ ಹರಾಜು ಪ್ರಕ್ರಿಯೆ ನಡೆಯಲಿದೆ. ವಿದೇಶದಲ್ಲಿ ಐಪಿಎಲ್ ಹರಾಜು ನಡೆಯುತ್ತಿರುವುದು ಇದೇ ಮೊದಲು. ಬಿಸಿಸಿಐ ಕಳೆದ ವರ್ಷ ಟರ್ಕಿಯ ಇಸ್ತಾನ್‌ಬುಲ್‌ನಲ್ಲಿ ಕಾರ್ಯಕ್ರಮ ಆಯೋಜಿಸಲು ಪ್ಲಾನ್ ಮಾಡಿತ್ತು, ಆದರೆ ಅಂತಿಮವಾಗಿ ದುಬೈಯನ್ನು ಆಯ್ಕೆ ಮಾಡಿದೆ.

ಶುಕ್ರವಾರ ಫ್ರಾಂಚೈಸಿಗಳಿಗೆ ನೀಡಿರುವ ಮಾಹಿತಿ ಪ್ರಕಾರ, 2024ನೇ ಸಾಲಿನ ಐಪಿಎಲ್ ಟೂರ್ನಿಯ ಹರಾಜು ಪ್ರಕ್ರಿಯೆಯ ದಿನಾಂಕ ಅಂತಿಮಗೊಂಡಿದೆ. ಸ್ಪರ್ಧೆಯಲ್ಲಿರುವ ಎಲ್ಲಾ 10 ಫ್ರಾಂಚೈಸಿಗಳು ತಾವು ಉಳಿಸಿಕೊಂಡಿರುವ ಆಟಗಾರರ ಅಂತಿಮ ಪಟ್ಟಿಯನ್ನು ನವೆಂಬರ್‌ 26 ರೊಳಗೆ ಪ್ರಕಟ ಮಾಡಬೇಕಿದೆ ಎಂದು ಬಿಸಿಸಿಐ ತಿಳಿಸಿದೆ. ಈ ಹಿಂದೆ ನವೆಂಬರ್ 15 ಅಂತಿಮ ಗಡುವು ಆಗಿತ್ತು.

ಇದನ್ನೂ ಓದಿ: ವಿಶ್ವಕಪ್’ನಿಂದಲೇ ಹಾರ್ದಿಕ್ ಪಾಂಡ್ಯ ರೂಲ್ಡೌಟ್: ಬದಲಿಯಾಗಿ 27 ಹರೆಯದ ಕನ್ನಡಿಗನಿಗೆ ಸ್ಥಾನ ನೀಡಿದ ಅಜಿತ್ ಅಗರ್ಕರ್

ಈ ಬಾರಿ ಎಲ್ಲಾ ಅಂದರೆ 10 ಐಪಿಎಲ್ ತಂಡಗಳ ಪರ್ಸ್‌ ಮೊತ್ತ 100 ಕೋಟಿ ರೂ. ಆಗಿರಲಿದೆ. ಮುಂದಿನ ಆವೃತ್ತಿಗೆ ಆಟಗಾರರನ್ನು ಉಳಿಸಿಕೊಂಡು ಬಾಕಿ ಉಳಿದ ಮೊತ್ತದಲ್ಲಿ ಮಿನಿ ಆಕ್ಷನ್‌ನಲ್ಲಿ ಪಾಲ್ಗೊಳ್ಳಬೇಕಿದೆ. ಕಳೆದ ಆವೃತ್ತಿಯಲ್ಲಿ ಪರ್ಸ್‌ ಮೊತ್ತ 95 ಕೋಟಿ ರೂ. ಆಗಿತ್ತು. ಈಗ ತಂಡಗಳ ಖಾತೆಯಲ್ಲಿ 5 ಕೋಟಿ ರೂ. ಹೆಚ್ಚಿದೆ.

Dubai likely to host IPL 2024 auction between 15th to 19th December. (Cricbuzz). pic.twitter.com/vhIVYhot6u

— Mufaddal Vohra (@mufaddal_vohra) October 26, 2023

ಹರಾಜು ಸ್ಥಳವಾಗಿ ಎಚ್ಚರಿಕೆಯಿಂದ ಕೋಕಾ-ಕೋಲಾ ಅರೆನಾವನ್ನು ಆಯ್ಕೆ ಮಾಡಲಾಗಿದೆ. ಇದು ಸಂಗೀತ ಕಚೇರಿಗಳು ಮತ್ತು ವಿವಿಧ ಕ್ರೀಡಾಕೂಟಗಳನ್ನು ಒಳಗೊಂಡಂತೆ ಉನ್ನತ ಮಟ್ಟದ ಕಾರ್ಯಕ್ರಮಗಳನ್ನು ಆಯೋಜಿಸಲು ಹೆಸರುವಾಸಿಯಾದ ದುಬೈನಲ್ಲಿ ಪ್ರಸಿದ್ಧ ಸ್ಥಳವಾಗಿದೆ. ನವೆಂಬರ್ 26ರೊಳಗೆ ತಂಡಗಳು ಕಳಪೆ ಪ್ರದರ್ಶನ ನೀಡುವ, ಹೆಚ್ಚು ಸಂಬಳದ ಆಟಗಾರರನ್ನು ಬಿಡುಗಡೆ ಮಾಡುತ್ತವೆ ಎಂದು ನಿರೀಕ್ಷಿಸಲಾಗಿದೆ.

ಇದನ್ನೂ ಓದಿ: ಈ 4 ಕಾರಣಗಳು ಸಾಕ್ಷಿ ಹೇಳ್ತಿವೆ ಈ ಬಾರಿ ವಿಶ್ವಕಪ್ ಗೆಲ್ಲೋದು ಭಾರತವೇ ಅಂತಾ…

ಮುಂಬೈ ಇಂಡಿಯನ್ಸ್ ಮತ್ತು ಲಕ್ನೋ ಸೂಪರ್ ಜೈಂಟ್ಸ್ ನಡುವಿನ ವ್ಯಾಪಾರವನ್ನು ಬಿಸಿಸಿಐ ಘೋಷಿಸಿದೆ. ರೊಮಾರಿಯೊ ಶೆಫರ್ಡ್  ಮುಂಬರುವ ಋತುವಿನಲ್ಲಿ ಲಕ್ನೋದಿಂದ ಮುಂಬೈ ಇಂಡಿಯನ್ಸ್‌ಗೆ ಸೇರಿಕೊಳ್ಳಲಿದ್ದಾರೆ. ಅವರ ಮೂಲ ಬೆಲೆ 50 ಲಕ್ಷ ರೂ. ಆಗಿದೆ.

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://tinyurl.com/7jmvv2nz
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್.