EPFO Alert: ಸ್ವಯಂ ಚಾಲಿತವಾಗಿ ಸ್ಥಗಿತಗೊಳ್ಳಲಿದೆ ನಿಮ್ಮ ಖಾತೆ, ಖಾತೆಯಲ್ಲಿನ ಹಣ ಸಿಲುಕಿಕೊಳ್ಳಲಿದೆ.. ಏಕೆ? ಇಲ್ಲಿ ತಿಳಿದುಕೊಳ್ಳಿ!

EPFO Alert: ಭವಿಷ್ಯ ನಿಧಿಗೆ ಸಂಬಂಧಿಸಿದ ಬಹುತೇಕ ಸೇವೆಗಳು ಆನ್‌ಲೈನ್‌ನಲ್ಲಿವೆ. ಕ್ಲೈಮ್ ಮಾಡುವುದು ತುಂಬಾ ಸುಲಭವಾಗಿದೆ. ಆದರೆ, ಇಂದಿಗೂ ಇಂತಹ ಹಲವು ಪ್ರಕರಣಗಳು ಇವೆ, ಇಪಿಎಫ್ ಹಿಂಪಡೆಯುವಿಕೆಗೆ ಸಂಬಂಧಿಸಿದಂತೆ ಜನರು ಸಾಮಾನ್ಯವಾಗಿ ಗೊಂದಲಕ್ಕೊಳಗಾಗುತ್ತಾರೆ. ಇಪಿಎಫ್ ಅಂದರೆ ಉದ್ಯೋಗಿಗಳ ಭವಿಷ್ಯ ನಿಧಿಗೆ ಸಂಬಂಧಿಸಿದಂತೆ ಜನರ ಮನಸ್ಸಿನಲ್ಲಿ ಹಲವು ಪ್ರಶ್ನೆಗಳಿವೆ. ಉದಾಹರಣೆಗೆ ಅವರು ತಮ್ಮ ಹಣವನ್ನು ಯಾವಾಗ ಹಿಂಪಡೆಯಬಹುದು. ಹಣವನ್ನು ಹಿಂತೆಗೆದುಕೊಳ್ಳುವ ಅನುಕೂಲಗಳು ಮತ್ತು ಅನಾನುಕೂಲಗಳು ಯಾವುವು, ಇಪಿಎಫ್ ಖಾತೆಯನ್ನು ವರ್ಗಾಯಿಸುವುದು ಹೇಗೆ ಇತ್ಯಾದಿಗಳು. ಆದರೆ, ನಿಮ್ಮ ಇಪಿಎಫ್ ಖಾತೆ ಸ್ವಯಂಚಾಲಿತವಾಗಿಯೇ ಮುಚ್ಚಲ್ಪಡುತ್ತದೆ ಎಂಬ ಸಂಗತಿ ನಿಮಗೆ ತಿಳಿದಿದೆಯೇ?  ಹೌದು ಇದು ಸಂಭವಿಸಿದಲ್ಲಿ, ನಿಮ್ಮ ಇಪಿಎಫ್ ಖಾತೆಯಲ್ಲಿರುವ ಸಂಪೂರ್ಣ ಹಣವು ಸಿಲುಕಿಹಾಕಿಕೊಳ್ಳಬಹುದು. ಅದನ್ನು ತೆರವುಗೊಳಿಸಲು ನಂತರ ನೀವು ಕಷ್ಟಪಡಬೇಕಾಗಬಹುದು.

EPF ಖಾತೆಯನ್ನು ಯಾವಾಗ ಮುಚ್ಚಲಾಗುತ್ತದೆ?
ನಿಮ್ಮ ಹಳೆಯ ಕಂಪನಿ ಮುಚ್ಚಿದ್ದರೆ ಮತ್ತು ನೀವು ನಿಮ್ಮ ಹಣವನ್ನು ಹೊಸ ಕಂಪನಿಯ ಖಾತೆಗೆ ವರ್ಗಾಯಿಸದಿದ್ದರೆ ಅಥವಾ 36 ತಿಂಗಳವರೆಗೆ ಈ ಖಾತೆಯಲ್ಲಿ ಯಾವುದೇ ವಹಿವಾಟು ಇಲ್ಲದಿದ್ದರೆ, ನಂತರ 3 ವರ್ಷಗಳ ನಂತರ ಈ ಖಾತೆಯನ್ನು ಸ್ವಯಂಚಾಲಿತವಾಗಿ ಮುಚ್ಚಲಾಗುತ್ತದೆ ಮತ್ತು ನಿಷ್ಕ್ರಿಯ ಖಾತೆಗಳಿಗೆ ಸೇರಿಸಲಾಗುತ್ತದೆ. ಇಪಿಎಫ್.. ಇಷ್ಟೇ ಅಲ್ಲ, ಈ ಖಾತೆಯಿಂದ ಹಣವನ್ನು ಹಿಂಪಡೆಯಲು ನೀವು ಕಷ್ಟಪಡಬೇಕಾಗಬಹುದು. ನೀವು ಬ್ಯಾಂಕಿನ ಸಹಾಯದಿಂದ KYC ಮೂಲಕ ಹಣವನ್ನು ಹಿಂಪಡೆಯಬಹುದು. ಆದಾಗ್ಯೂ, ನಿಮ್ಮ ನಿಷ್ಕ್ರಿಯ ಖಾತೆಯಲ್ಲಿಯೂ ಸಹ ಸಂಘಟನೆ ಬಡ್ಡಿ ಪಾವತಿಯನ್ನು ಮುಂದುವರೆಸಿರುತ್ತದೆ.

EPFO ನ ಸೂಚನೆ ಏನು?
ನಿಷ್ಕ್ರಿಯ ಖಾತೆಗಳಿಗೆ ಸಂಬಂಧಿಸಿದ ಕ್ಲೈಮ್‌ಗಳನ್ನು ಇತ್ಯರ್ಥಪಡಿಸುವಾಗ ಜಾಗರೂಕರಾಗಿರಬೇಕು ಎಂದು ಇಪಿಎಫ್‌ಒ ಕೆಲ ಸಮಯದ ಹಿಂದೆ ತನ್ನ ಸುತ್ತೋಲೆಯೊಂದರಲ್ಲಿ ಹೊರಡಿಸಿತ್ತು. ವಂಚನೆಯ ಅಪಾಯವನ್ನು ಕಡಿಮೆ ಮಾಡಲು ಅತ್ಯಂತ ಕಾಳಜಿಯನ್ನು ತೆಗೆದುಕೊಳ್ಳಬೇಕು ಮತ್ತು ನಿಜವಾದ ಹಕ್ಕುದಾರರಿಗೆ ಪಾವತಿಗಳನ್ನು ಮಾಡಲಾಗುತ್ತದೆ.

ನಿಷ್ಕ್ರಿಯ ಖಾತೆ ಎಂದರೇನು?
36 ತಿಂಗಳುಗಳಿಗಿಂತ ಹೆಚ್ಚು ಕಾಲ ಕೊಡುಗೆ ಮೊತ್ತವನ್ನು ಠೇವಣಿ ಮಾಡದ ಭವಿಷ್ಯ ನಿಧಿ ಖಾತೆಗಳನ್ನು ಇಪಿಎಫ್‌ಒ ನಿಷ್ಕ್ರಿಯ ಖಾತೆಗಳ ವರ್ಗಕ್ಕೆ ಸೇರಿಸುತ್ತದೆ. ಆದಾಗ್ಯೂ, ನಿಷ್ಕ್ರಿಯ ಖಾತೆಗಳ ಮೇಲೆ ಸಹ ಬಡ್ಡಿ ಲಾಭ ಸಿಗುತ್ತಲೇ ಇರುತ್ತದೆ.

ಯಾರು ಪ್ರಮಾಣೀಕರಿಸುತ್ತಾರೆ?
ನಿಷ್ಕ್ರಿಯ PF ಖಾತೆಗಳಿಗೆ ಸಂಬಂಧಿಸಿದ ಕ್ಲೈಮ್ ಅನ್ನು ಇತ್ಯರ್ಥಗೊಳಿಸಲು, ಉದ್ಯೋಗಿಯ ಉದ್ಯೋಗದಾತನು ಆ ಕ್ಲೈಮ್ ಅನ್ನು ಪ್ರಮಾಣೀಕರಿಸುವುದು ಅವಶ್ಯಕ. ಆದಾಗ್ಯೂ, ಕಂಪನಿಯು ಮುಚ್ಚಲ್ಪಟ್ಟಿರುವ ಉದ್ಯೋಗಿಗಳ ಖಾತೆಗಳ ಸಂದರ್ಭದಲ್ಲಿ ಮತ್ತು ಕ್ಲೈಮ್ ಅನ್ನು ಪ್ರಮಾಣೀಕರಿಸಲು ಯಾರೂ ಇಲ್ಲದಿದ್ದಲ್ಲಿ, KYC ದಾಖಲೆಗಳ ಆಧಾರದ ಮೇಲೆ ಬ್ಯಾಂಕ್ ಅಂತಹ ಕ್ಲೈಮ್ ಅನ್ನು ಪ್ರಮಾಣೀಕರಿಸುತ್ತದೆ.

ಇದನ್ನೂ ಓದಿ-Free.. Free.. Free.. ಗೋಫಸ್ಟ್ ತನ್ನ ಈ ಯಾತ್ರಿಗಳಿಗೆ ನೀಡುತ್ತಿದೆ ಉಚಿತ ಫ್ಲೈಟ್ ಟಿಕೆಟ್!

ಯಾವ ದಾಖಲೆಗಳು ಅಗತ್ಯವಾಗುತ್ತವೆ?
KYC ದಾಖಲೆಗಳಲ್ಲಿ ಪ್ಯಾನ್ ಕಾರ್ಡ್, ಮತದಾರರ ಗುರುತಿನ ಚೀಟಿ, ಪಾಸ್‌ಪೋರ್ಟ್, ಪಡಿತರ ಚೀಟಿ, ಇಎಸ್‌ಐ ಗುರುತಿನ ಚೀಟಿ, ಚಾಲನಾ ಪರವಾನಗಿ ಇದರಲ್ಲಿ ಸೇರಿಕೊಂಡಿವೆ. ಇದಲ್ಲದೇ ಆಧಾರ್ ನಂತಹ ಸರ್ಕಾರ ನೀಡುವ ಇತರೆ ಯಾವುದೇ ಗುರುತಿನ ಚೀಟಿಯನ್ನು ಸಹ ಇದಕ್ಕಾಗಿ ಬಳಸಬಹುದು. ಇದರ ನಂತರ, ಸಹಾಯಕ ಭವಿಷ್ಯ ನಿಧಿ ಆಯುಕ್ತರು ಅಥವಾ ಇತರ ಅಧಿಕಾರಿಗಳು ಮೊತ್ತಕ್ಕೆ ಅನುಗುಣವಾಗಿ ಖಾತೆಗಳಿಂದ ಹಿಂಪಡೆಯಲು ಅಥವಾ ಖಾತೆ ವರ್ಗಾವಣೆಯನ್ನು ಅನುಮೋದಿಸಲು ಸಾಧ್ಯವಾಗುತ್ತದೆ.

ಇದನ್ನೂ ಓದಿ-Honda ಕಂಪನಿಯ ಈ ಬೈಕನಲ್ಲಿ ಬೆಂಕಿ ಕಾಣಿಸಿಕೊಳ್ಳಬಹುದು, ಅಲರ್ಟ್ ಜಾರಿಗೊಳಿಸಿದ ಕಂಪನಿ, ತಕ್ಷಣ ಈ ಕೆಲಸ ಮಾಡಿ

ಯಾರ ಅನುಮೋದನೆಯೊಂದಿಗೆ ನಾವು  ಹಣವನ್ನು ಪಡೆಯುತ್ತೇವೆ?
50 ಸಾವಿರ ರೂಪಾಯಿಗಿಂತ ಹೆಚ್ಚಿನ ಮೊತ್ತವಿದ್ದಲ್ಲಿ ಸಹಾಯಕ ಭವಿಷ್ಯ ನಿಧಿ ಆಯುಕ್ತರ ಅನುಮೋದನೆಯ ನಂತರ ಹಣವನ್ನು ಹಿಂಪಡೆಯಲಾಗುತ್ತದೆ ಅಥವಾ ವರ್ಗಾಯಿಸಲಾಗುತ್ತದೆ. ಅದೇ ರೀತಿ, ಮೊತ್ತವು 25 ಸಾವಿರ ರೂಪಾಯಿಗಳಿಗಿಂತ ಹೆಚ್ಚು ಮತ್ತು 50 ಸಾವಿರ ರೂಪಾಯಿಗಳಿಗಿಂತ ಕಡಿಮೆಯಿದ್ದರೆ, ಖಾತೆ ಅಧಿಕಾರಿಯು ನಿಧಿ ವರ್ಗಾವಣೆ ಅಥವಾ ಹಿಂಪಡೆಯುವಿಕೆಯನ್ನು ಅನುಮೋದಿಸಲು ಸಾಧ್ಯವಾಗುತ್ತದೆ. ಮೊತ್ತವು 25 ಸಾವಿರ ರೂಪಾಯಿಗಿಂತ ಕಡಿಮೆಯಿದ್ದರೆ, ಡೀಲಿಂಗ್ ಸಹಾಯಕರು ಅದನ್ನು ಅನುಮೋದಿಸಲು ಸಾಧ್ಯವಾಗುತ್ತದೆ.

ಇದನ್ನೂ ನೋಡಿ-

ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.