Salaar Box Office Day 6 Collection: ಪ್ರಭಾಸ್ ಹಾಗೂ ಪ್ರಶಾಂತ್ ನೀಲ್ ಕಾಂಬಿನೇಷನ್ ಸಿನಿಮಾ 'ಸಲಾರ್' ಮೇಲೆ ನಿರೀಕ್ಷೆಗಳು ಹೆಚ್ಚಿದ್ದು, ಅಂದುಕೊಂಡಂತೆ ಸಿನಿಮಾಗೆ ಗ್ರ್ಯಾಂಡ್ ಓಪನಿಂಗ್ ಸಿಕ್ಕಿತ್ತು. ನಿರಂತರ ನಾಲ್ಕು ದಿನ ಬಾಕ್ಸಾಫೀಸ್‌ನಲ್ಲಿ ಧೂಳೆಬ್ಬಿಸಿದ್ದು, ಆದ್ರೆ ಐದನೇ ದಿನದಿಂದ ಮತ್ತೆ ರಜೆಗಳು ಮುಗಿದ ಹಿನ್ನೆಲೆ ಕಲೆಕ್ಷನ್‌ನಲ್ಲಿ ಕೊಂಚ ಮಟ್ಟಿಗೆ ಡ್ರಾಪ್ ಆಗಿದೆ. 5ನೇ ದಿನದಂದು 25 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ್ದು, ಅದೇ 6ನೇ ದಿನ ಅಂದರೆ ನಿನ್ನೆ ಇನ್ನೂ ಇಳಿಕೆ ಕಂಡಿದ್ದು, 17 ಕೋಟಿ ರೂಪಾಯಿ ಕಲೆಕ್ಷನ್ ಆಗಿದೆ.
'ಸಲಾರ್' ಕೇವಲ 6 ದಿನಗಳಲ್ಲಿ ವಿಶ್ವದಾದ್ಯಂತ 500 ಕೋಟಿ ರೂಪಾಯಿ ಕಲೆಕ್ಷನ್ ಮಾಡಿದ್ದು, ಇದೀಗ ಚಿತ್ರತಂಡ 550 ಕೋಟಿ ರೂಪಾಯಿ ಮುಂದಿನ ಗುರಿ ಹೊಂದಿದೆ. ಇನ್ನು ಭಾರತದಲ್ಲಿ ಈ ಸಿನಿಮಾ ಇಂದು 300 ಕೋಟಿ ರೂಪಾಯಿ ಕ್ಲಬ್ ಸೇರಲಿದೆ. ಮೊದಲ ದಿನ 90.70 ಕೋಟಿ ರೂಪಾಯಿ, 2ನೇ ದಿನ 56.35 ಕೋಟಿ ರೂಪಾಯಿ, 3ನೇ ದಿನ 62.05 ಕೋಟಿ ರೂಪಾಯಿ, ನಾಲ್ಕನೇ ದಿನ 46.30 ಕೋಟಿ ರೂಪಾಯಿ, 5ನೇ ದಿನ 25 ಕೋಟಿ ರೂಪಾಯಿ ಹಾಗೂ 6ನೇ ದಿನ 17 ಕೋಟಿ ರೂಪಾಯಿ ಕಲೆಕ್ಷನ್ ಆಗಿರೋ ಬಗ್ಗೆ ವರದಿಯಾಗಿದೆ.
ಇದನ್ನೂ ಓದಿ: ಸಲಾರ್ ಬಾಕ್ಸ್‌ ಆಫೀಸ್‌ ಕಲೆಕ್ಷನ್ ಡ್ರಾಪ್! 5ನೇ ದಿನ ಸಿನಿಮಾ ಗಳಿಸಿದ್ದೇಷ್ಟು?
ಭಾರತದಲ್ಲಿ 6ನೇ ದಿನಕ್ಕೆ 'ಸಲಾರ್' ಸಿನಿಮಾ 297.40 ರೂಪಾಯಿ ಕಲೆಕ್ಷನ್ ಆಗಿದೆ. ಹಿಂದಿ ಬೆಲ್ಟ್‌ನಲ್ಲಿ ಶೇ.28.98ರಷ್ಟು, ತೆಲುಗಿನಲ್ಲಿ ಶೇ.28.02, ಕನ್ನಡದಲ್ಲಿ ಶೇ.22.95, ಮಲಯಾಳಂ ಶೇ.21.56, ತಮಿಳು ಶೇ.18.20 ರಷ್ಟು ಥಿಯೇಟರ್ ಫುಲ್ ಆಗಿದೆ. 6ನೇ ದಿನ 'ಸಲಾರ್' ಡಿಸೆಂಟ್ ಕಲೆಕ್ಷನ್ ಮಾಡಿದ್ದು, 'ಸಲಾರ್' ಸಿನಿಮಾ ಸುಮಾರು 9521 ಶೋಗಳಿಂದ 7.64 ಲಕ್ಷ ಟಿಕೆಟ್‌ಗಳು ಮಲ್ಟಿಪ್ಲೆಕ್ಸ್ ಚೈನ್‌ಗಳು ಸೇಲ್ ಮಾಡಿವೆ. ಪಿವಿಆರ್ 1.16 ಲಕ್ಷ ಟಿಕೆಟ್ ಸೇಲ್ ಮಾಡಿದೆ. ಹಾಗೇ ಐನಾಕ್ಸ್, ಸಿನಿಪೊಲಿಸ್ 1 ಲಕ್ಷದ 54 ಸಾವಿರ ಟಿಕೆಟ್ ಸೇಲ್ ಆಗಿದೆ.
ನಿನ್ನೆ ಮಾರಾಟ ಆದ 7.67 ಲಕ್ಷ ಟಿಕೆಟ್‌ಗಳಿಂದ ಸುಮಾರು 15 ಕೋಟಿ ರೂಪಾಯಿ ಕಲೆಕ್ಷನ್ ಆಗಿದೆ ಎನ್ನಲಾಗಿದ್ದು, 'ಸಲಾರ್' ಚಿತ್ರದ ಬಗ್ಗೆ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕಿತ್ತು. ಆದರೆ, ಇದು 'ಉಗ್ರಂ' ಸಿನಿಮಾ ದುಬಾರಿ ರಿಮೇಕ್ ಅನ್ನೋ ಅಭಿಪ್ರಾಯವೂ ವ್ಯಕ್ತವಾಗಿತ್ತು. ಹೀಗಾಗಿ 'ಕೆಜಿಎಫ್‌' ರೇಂಜ್‌ನಲ್ಲಿ ಸಿನಿಮಾ ದರ್ಬಾರ್ ಮಾಡುತ್ತಿಲ್ಲ ಅನ್ನೋದು ಟ್ರೇಡ್ ಎಕ್ಸ್‌ಪರ್ಟ್‌ಗಳ ಅಭಿಪ್ರಾಯ. ಪ್ರಶಾಂತ್ ನೀಲ್ ನಿರ್ದೇಶಿಸಿರೋ ಈ ಸಿನಿಮಾದಲ್ಲಿ ಪ್ರಭಾಸ್ ಜೊತೆಗೆ ಪೃಥ್ವಿರಾಜ್ ಸುಕುಮಾರನ್, ಶ್ರುತಿ ಹಾಸನ್, ಜಗಪತಿ ಬಾಬು, ಟಿನು ಆನಂದ್, ಶ್ರಿಯಾ ರೆಡ್ಡಿ ಮತ್ತು ಈಶ್ವರಿ ರಾವ್ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದಾರೆ. ಹೊಂಬಾಳೆ ಫಿಲ್ಮ್ಸ್ ಈ ಸಿನಿಮಾವನ್ನು ನಿರ್ಮಾಣ ಮಾಡಿದೆ.
ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ, ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು
Twitter Link - https://bit.ly/3n6d2R8
Facebook Link - https://bit.ly/3Hhqmcj
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link - https://bit.ly/3LyfY2l
Sharechat Link - https://bit.ly/3LCjokI
Threads Link- https://www.threads.net/@zeekannadanews
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ.
