ಡಂಕಿ Vs ಸಲಾರ್‌: ಡಂಕಿ ಚಿತ್ರದ ಬಜೆಟ್‌ ರಿವಿಲ್‌!

Dunki and Salaar: ಡಿಸೆಂಬರ್ ತಿಂಗಳ ಕೊನೆಯಲ್ಲಿ ಬಾಕ್ಸಾಫೀಸ್‌ನಲ್ಲಿ ಮಹಾಯುದ್ಧ ನಡೆಯಲಿದ್ದು, ಒಂದಕ್ಕಡೆ ಯಶಸ್ಸಿನ ಅಲೆಯಲ್ಲಿ ತೇಲುತ್ತಿರೋ ಶಾರುಖ್ ಖಾನ್, ಹಾಗೆ ಇನ್ನೊಂದು ಕಡೆ ಸತತ ಮೂರು ಸೋಲುಗಳನ್ನು ಕಂಡಿರೋ ಪ್ರಭಾಸ್, ಈ ಇಬ್ಬರು ನಟರ ಸಿನಿಮಾಗಳು ಒಂದು ದಿನ ಹಿಂದೆ ಮುಂದೆ ಬಿಡುಗಡೆಯಾಗುತ್ತಿದೆ. ಪ್ರಭಾಸ್ ಸೋತಿದ್ದರೂ ಪ್ರಶಾಂತ್, ಹೊಂಬಾಳೆ ಫಿಲ್ಮ್ಸ್ ಅಂತ ಸಂಸ್ಥೆ ಜೊತೆಗಿರುವುದರಿಂದ ಫ್ಯಾನ್ಸ್ ಕೊಂಚ ನಿರಾಳವಾಗಿದ್ದರೆ, ಇತ್ತ ಶಾರುಖ್ ಖಾನ್ 'ಡಂಕಿ' ಸಿನಿಮಾದ ಪ್ರಚಾರವನ್ನು ಭರ್ಜರಿಯಾಗಿ ಆರಂಭಿಸಿದ್ದಾರೆ. 

ಸದ್ಯ 'ಡಂಕಿ' ಸಿನಿಮಾದ ಲಟ್‌ ಪುಟ್ ಅನ್ನೋ ಹಾಡ ರಿಲೀಸ್ ಆಗಿದ್ದು, ಪ್ರೇಕ್ಷಕರಿಂದ ಪಾಸಿಟಿವ್ ರೆಸ್ಪಾನ್ಸ್ ಸಿಕ್ಕ ವೇಳೆಯೇ ಚಿತ್ರದ ಬಜೆಟ್ ಎಷ್ಟು ಅನ್ನೋದು ರಿವೀಲ್ ಆಗಿದೆ. ಅಚ್ಚರಿ ಅಂದರೆ, ಈ ಸಿನಿಮಾಗೆ 'ಸಲಾರ್‌'ಗೆ ಖರ್ಚು ಮಾಡಿದ ನಾಲ್ಕರಲ್ಲಿ ಒಂದು ಭಾಗದಷ್ಟು ಬಜೆಟ್ ಅನ್ನು ಮಾತ್ರ ಉಪಯೋಗಿಸಲಾಗಿದ್ದು,  ಈ ಚಿತ್ರಕ್ಕೆ ಖರ್ಚು ಮಾಡಿದ್ದು ಕೇವಲ 85 ಕೋಟಿ ರೂಪಾಯಿ ಹಾಗೂ ಇನ್ನು ಪಬ್ಲಿಸಿಟಿ ಸೇರಿದಂತೆ ಬಿಡುಗಡೆವರೆಗೂ ಆಗುವ ಖರ್ಚು ಬರೀ 120 ಕೋಟಿ ರೂಪಾಯಿ ಎಂದು ಅಂದಾಜಿಸಲಾಗಿದೆ. ಶಾರುಖ್ ಖಾನ್ ಹಾಗೂ ರಾಜ್‌ಕುಮಾರ್ ಹಿರಾನಿನೇ ನಿರ್ಮಾಪಕರಾಗಿರುವುದರಿಂದ ಈ ಸಿನಿಮಾದಿಂದ ಲಾಭವನ್ನು ಸಂಭಾವನೆಯಾಗಿ ಪಡೆಯಲಿದ್ದಾರೆ. 

ಇದನ್ನೂ ಓದಿ: ರೀಕ್ಷೆಗೂ ಮೀರಿದ ರೇಂಜ್‌ನಲ್ಲಿ ʼಕಣ್ಣಪ್ಪʼ ಸಿನಿಮಾ...! ಕ್ಯೂರಿಯಾಸಿಟಿ ಹುಟ್ಟಿಸಿದ ಪೋಸ್ಟರ್‌ 

ಇನ್ನೊಂದೆಡೆ 'ಸಲಾರ್' ಸಿನಿಮಾದ ಬಜೆಟ್ 400 ಕೋಟಿ ರೂಪಾಯಿ ಎಂದು ಹೇಳಲಾಗುತ್ತಿದ್ದು, ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್, ಪ್ರಶಾಂತ್ ನೀಲ್ ಸಂಭಾವನೆಗೆ ಹೆಚ್ಚು ಹಣ ಉಪಯೋಗ ಆಗಿರುವ ಸಾಧ್ಯತೆವಿದ್ದು,  ಕಡೆ ದೊಡ್ಡ ದೊಡ್ಡ ಸೆಟ್ ಹಾಕಿ ಚಿತ್ರವನ್ನು ನಿರ್ಮಾಣ ಮಾಡಲಾಗಿದೆ. 'ಡಂಕಿ' ಸಿನಿಮಾ ಬಜೆಟ್ ರಿವೀಲ್ ಆದ್ಮೇಲೆ 'ಸಲಾರ್' ತಂಡಕ್ಕೆ ಟೆನ್ಷನ್ ಹೆಚ್ಚಾದಂತಿದ್ದು, ಇಷ್ಟು ದೊಡ್ಡ ಮೊತ್ತದಲ್ಲಿ ಸಿನಿಮಾ ನಿರ್ಮಾಣ ಮಾಡಿದ ಮೇಲೆ 'ಡಂಕಿ'ಗಿಂತ ನಾಲ್ಕು ಪಟ್ಟು ಹೆಚ್ಚು ಹಣವನ್ನು ಬಾಕ್ಸಾಫೀಸ್‌ನಿಂದ ದೋಚಲೇ ಬೇಕಿದೆ. 

ಶಾರುಖ್ ಖಾನ್ ಬಾಕ್ಸಾಫೀಸ್‌ನಲ್ಲಿ ಈಗಾಗಲೇ ಸಾವಿರ ಕೋಟಿಯ ಎರಡು ಸಿನಿಮಾಗಳನ್ನು ನೀಡಿರುವುದರಿಂದ ಮೂರನೇ ಸಿನಿಮಾ ಬಗ್ಗೆ ನಿರೀಕ್ಷೆ ಹೆಚ್ಚಿವುದರ ಜೊತೆಗೆ, ಇಲ್ಲಿ ಕಿಂಗ್ ಖಾನ್‌ಗಿಂತ ನಂಬಿಕೆ ನಿರ್ದೇಶಕ ರಾಜ್‌ಕುಮಾರ್ ಹಿರಾನಿ ಮೇಲಿದೆ. 'ಮುನ್ನಬಾಯಿ ಎಂಬಿಬಿಎಸ್‌'ನಿಂದ ಹಿಡಿದು 'ಸಂಜು'ವರೆಗೂ ಸೋಲನ್ನೇ ಕಂಡಿರದ ರಾಜ್‌ಕುಮಾರ್ ಹಿರಾನಿ ನಿರ್ದೇಶಿಸಿದ ಪ್ರತಿಯೊಂದು ಸಿನಿಮಾವೂ ಮೆಗಾ ಹಿಟ್ ಅಂತ ಸಾಬೀತಾಗಿದೆ. ಈ ಕಾರಣಕ್ಕೆ ಇಲ್ಲಿ 'ಡಂಕಿ' Vs 'ಸಲಾರ್', ಶಾರುಖ್ ಖಾನ್ Vs ಪ್ರಭಾಸ್ ಅಷ್ಟೇ ಅಲ್ಲದೆ, ರಾಜ್‌ಕುಮಾರ್ ಹಿರಾನಿ  Vs ಪ್ರಶಾಂತ್ ನೀಲ್ ಕೂಡ ಹೌದು. ಈ ಕಾರಣಕ್ಕೆ ಪ್ರಶಾಂತ್ ನೀಲ್ 'ಕೆಜಿಎಫ್ 2' ಸಿನಿಮಾದ ದಾಖಲೆಯನ್ನು 'ಸಲಾರ್' ಮೂಲಕ ಮುರಿಯಲೇ ಬೇಕೆಂಬ ಒತ್ತಡ ಪ್ರಭಾಸ್‌ಗಿಂತ ಹೆಚ್ಚಾಗಿ ಪ್ರಶಾಂತ್ ನೀಲ್ ಮೇಲೆ ದುಪ್ಪಟ್ಟಾಗಿದೆ. 

ಕನ್ನಡ ಭಾಷೆಯಲ್ಲಿ ಇತ್ತೀಚಿನ ಕರ್ನಾಟಕ, ದೇಶ, ವಿದೇಶ, ಮನರಂಜನೆ, ಶಿಕ್ಷಣ, ಉದ್ಯೋಗ, ಆರೋಗ್ಯ, ಜೀವನಶೈಲಿ, ಆಧ್ಯಾತ್ಮ,  ಕ್ರೀಡೆ, ಕ್ರೈಂ, ವೈರಲ್, ವ್ಯಾಪಾರ, ತಂತ್ರಜ್ಞಾನ ಸುದ್ದಿಗಳನ್ನು ಓದಲು ಈಗಲೇ ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3AClgDd
Apple Link - https://apple.co/3wPoNgr
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು 
Twitter Link - https://bit.ly/3n6d2R8
Facebook Link - https://bit.ly/3Hhqmcj 
Youtube Link - https://www.youtube.com/live/RNn4I7iIaYE?si=3G4W5dh0oCdFnu-T
Instagram Link -  https://bit.ly/3LyfY2l 
Sharechat Link - https://bit.ly/3LCjokI 
Threads Link-  https://www.threads.net/@zeekannadanews 
WhatsApp Channel- bit.ly/46lENGm ಲಿಂಕ್ ಗಳ ಮೇಲೆ ಕ್ಲಿಕ್ ಮಾಡಿ