રેસ્ટોરન્ટ્સ અને હોટલના સંચાલકો ગ્રાહકોના હેલ્થ સાથે કેવા કેવા ચેડા કરે છે તેવા પુરાવા છાશવારે મળતા રહે છે. પૂરતા રૂપિયા ચૂકવ્યા છતાં લોકોને હેલ્ધી ફૂડ પિરસાતું નથી. ત્યારે હવે વધુ એક ચોંકાવનારો વીડિયો સામે આવ્યો છે. વલસાડના ખાનગી મલ્ટીપ્લેક્સ સિનેમાનો વીડિયો વાયરલ થયો છે. જે ખરેખર ચોંકાવનારો છે. ફ્રેન્ચ ફ્રાઈઝનું ફ્રાયર ટોયલેટમાં ધોવાતું હોવાનો વીડિયો વાઇરલ થયો છે. ખાવાની વસ્તુ જેમાં બનતી હોય એ સૌથી વધુ અનહાઇજેનિક જગ્યા પર ધોવાઈ રહી છે. ત્યારે આ વીડિયો વલસાડ રાજહંસ સિનેમાનો હોવાની પુષ્ટિ થઈ છે.