એપ્રિલ પહેલા જ આવી ગઈ Increment ની માહિતી, જાણો આ વર્ષે કેટલી વધશે તમારી Salary! રિપોર્ટમાં થયો ખુલાસો

ભારતીય કર્મચારીઓ આ વર્ષે વિવિધ ઉદ્યોગોમાં સરેરાશ 9.4 ટકાના પગાર વધારાની અપેક્ષા રાખી શકે છે. આ મજબૂત આર્થિક વૃદ્ધિ અને કુશળ પ્રતિભાની વધતી માંગનો સંકેત છે. માનવ સંસાધન કન્સલ્ટન્સી ફર્મ મર્સરના ટોટલ રેમ્યુનરેશન સર્વે (TRS) અનુસાર, છેલ્લા પાંચ વર્ષમાં કર્મચારીઓના પગારમાં સતત વધારો થયો છે.

વેતન વૃદ્ધિ 2020ના 8 ટકાથી વધીને 2025માં 9.4 ટકા થવાની ધારણા છે. ભારતની ટેક્નોલોજી, કન્ઝ્યુમર ગુડ્સ, ફાઇનાન્શિયલ સર્વિસિસ, મેન્યુફેક્ચરિંગ, ઓટોમોટિવ, એન્જિનિયરિંગ વગેરે ક્ષેત્રોની 1,550 કરતાં વધુ કંપનીઓએ સર્વેમાં ભાગ લીધો હતો. ઓટોમોટિવ સેક્ટરમાં કર્મચારીઓના પગારમાં 10 ટકાનો વધારો થવાની ધારણા છે.

ગયા વર્ષે તે 8.8 ટકા હતો. ઇલેક્ટ્રિક વાહનોમાં થયેલા વધારા અને સરકારની આગેવાની હેઠળની ‘મેક ઇન ઇન્ડિયા’ પહેલને કારણે આ શક્ય બન્યું છે. મેન્યુફેક્ચરિંગ અને એન્જિનિયરિંગ સેક્ટરમાં વેતન વૃદ્ધિ આઠથી વધીને 9.7 ટકા થવાનો અંદાજ છે, જે ઉત્પાદન વાતાવરણમાં પુનરુત્થાન દર્શાવે છે.

આ પણ વાંચોઃ SIPમાં સારૂ વળતર મેળવવા માટે અપનાવો આ 'Triple 5' ફોર્મ્યુલા, બની જશો કરોડપતિ

મર્સરની 'ઈન્ડિયા કેરિયર લીડર' માનસી સિંઘલે જણાવ્યું હતું કે, "ભારતની ટેલેન્ટ લેન્ડસ્કેપ નોંધપાત્ર રીતે બદલાઈ રહી છે. વેતનમાં વધારો પણ કર્મચારીઓને ફરીથી આકાર આપી રહ્યો છે. વધુમાં, 75 ટકા કરતાં વધુ સંસ્થાઓ દ્વારા પ્રદર્શન-આધારિત પગાર યોજનાઓ અપનાવવામાં આવે છે, જે ટૂંકા અને લાંબા ગાળાના બંનેમાં કામગીરીને મહત્વ આપે છે, તે એકંદર ફેરફારને પ્રતિબિંબિત કરે છે.

તેમણે કહ્યું જે કંપનીઓ આ વલણોને પ્રાધાન્ય આપે છે તેઓ સ્પર્ધાત્મક બજારમાં પ્રતિભાને આકર્ષવા અને જાળવી રાખવા માટે વધુ સારી સ્થિતિમાં હશે.