IND vs BAN: સચિનનો વર્લ્ડ રેકોર્ડ ખતરામાં, વિરાટ કોહલીના ઘાતક ફોર્મથી સચીનને આજે હશે આ ટેન્શન!

Virat Kohli may break Sachin Record: વર્લ્ડ કપ 2023માં ભારતીય ટીમની અત્યાર સુધીની સફર ઘણી શાનદાર રહી છે. ટીમે સતત 3 મેચ જીતી છે. હવે ભારતની મેચ આજે (19 ઓક્ટોબર) પુણેના એમસીએ સ્ટેડિયમમાં બાંગ્લાદેશ સામે રમાવાની છે. વિરાટ કોહલી આ મેચમાં એક મોટો રેકોર્ડ પોતાના નામે કરી શકે છે. તે સચિન તેંડુલકરનો વર્લ્ડ રેકોર્ડ તોડવાની ખૂબ નજીક છે.

વિરાટ તોડશે સચિનનો વર્લ્ડ રેકોર્ડ!
વિરાટ કોહલી ક્રિકેટના ભગવાન કહેવાતા સચિન તેંડુલકરનો વર્લ્ડ રેકોર્ડ તોડવાની ખૂબ નજીક છે. જો તે બાંગ્લાદેશ સામેની મેચમાં વધુ 77 રન બનાવશે તો તે આંતરરાષ્ટ્રીય ક્રિકેટમાં સૌથી ઝડપી 26000 રન બનાવનાર બેટ્સમેન બની જશે. આ વર્લ્ડ રેકોર્ડ હાલમાં મહાન સચિન તેંડુલકરના નામે છે. કોહલીએ અત્યાર સુધી 510 મેચની 566 ઇનિંગ્સમાં 25923 રન બનાવ્યા છે.

આ પણ વાંચોઃ ભારત-બાંગ્લાદેશ મેચમાં વરસાદ બનશે વિલન? પુણેમાં કેવું રહેશે હવામાન અને કેવી છે પીચ

કોહલી ઘાતક ફોર્મમાં છે
તમને જણાવી દઈએ કે વિરાટ કોહલી વર્તમાન વર્લ્ડ કપ સિઝનમાં ખૂબ જ ખતરનાક ફોર્મમાં છે. કોહલીએ અત્યાર સુધી રમાયેલી 3 મેચમાં 156 રન બનાવ્યા છે. ઓસ્ટ્રેલિયા સામેની ટીમની પ્રથમ મેચમાં તેણે 85 રનની મેચ વિનિંગ ઇનિંગ રમી હતી. આ પછી તેણે અફઘાનિસ્તાન મેચમાં અણનમ 55 રન બનાવ્યા. જો કે પાકિસ્તાન સામેની મેચમાં તે 16 રન બનાવીને આઉટ થયો હતો.

એમસીએમાં આવા છે કોહલીના આંકડા
મહારાષ્ટ્ર ક્રિકેટ એસોસિએશન સ્ટેડિયમમાં વિરાટ કોહલીના આંકડાઓ પર નજર કરીએ તો તે ઘણો ઘાતક સાબિત થયો છે. અત્યાર સુધી તેણે આ મેદાન પર 7 મેચ રમી છે જેમાં તેણે 64ની એવરેજથી 448 રન બનાવ્યા છે. આ દરમિયાન તેના બેટમાંથી 2 સદી અને 3 અડધી સદી પણ જોવા મળી છે. આવી સ્થિતિમાં તે આજની મેચમાં પણ મોટી ઇનિંગ્સ રમતા જોવા મળી શકે છે.

લેટેસ્ટ ન્યૂઝથી અપડેટ રહેવા માટે અમારી Zee 24 Kalak App ડાઉનલોડ કરો, અમારી સાથે જોડાઓ : facebook | twitter | youtube