புதுடெல்லி: ஆண்டுதோறும் மே 12 அன்று செவிலியர்களை பெருமைபடுத்தும் விதமாக தேசிய செவிலியர் தினம் அனுசரிக்கப்படுகிறது.
இன்று அனுசரிக்கப்படும் செவிலியர் தினம் வழக்கமாக நினைவுகூறப்படும் செவிலியர் தினத்தில் இருந்து மாறுபட்டது. அதற்கு காரணம் நாம் இன்று எதிர்கொண்டிருக்கும் கொரோனா என்ற கொடூர வைரஸ் அரக்கனிடம் இருந்து மனித குலத்தை மீட்டெடுக்கும் பணியில் செவிலியர்கள் பங்கு எவ்வளவு முக்கியத்துவம் வாய்ந்தது என்பதை அனைவரும் உணர்ந்திருக்கும் சமயம் இது.
2020 மற்றும் 2021 ஆம் ஆண்டுகளில், கோவிட் -19 தொற்றுநோயால் ஏற்பட்ட பேரழிவுகள் சுகாதார பணியாளர்களின் முக்கியத்துவத்தை உணர்த்தியது. 2020 ஆம் ஆண்டில் தொற்றுநோய் தொடங்கியதில் இருந்து கிட்டத்தட்ட இரண்டு ஆண்டுகளில், உலகம் 160 மில்லியனுக்கும் அதிகமான கொரோனா வைரஸ் வழக்குகளையும், உலகளவில் 3 மில்லியனுக்கும் அதிகமான இறப்புகளையும் கண்டது.
Also Read | Hilarious! தடுப்பூசி ஃபார்முலா தொடர்பான கெஜ்ரிவாலின் யோசனை இணையத்தில் வைரல்
தொற்றுநோய் முன்பைப் போலல்லாமல் நமது சுகாதார உள்கட்டமைப்பை சுமையாகியுள்ளது. இருப்பினும், நமது சுகாதார ஊழியர்கள் - மருத்துவர்கள், செவிலியர்கள் மற்றும் பலர் - வைரஸை எதிர்த்துப் போராடி உயிரைக் காப்பாற்றுவதில் முன்னணி களப் பணியாளர்களாக செயலாற்றி வருகின்றனர். பல மாதங்களாக தங்கள் உயிரைப் பணயம் வைத்து வரும் நம் சுகாதார அமைப்பின் முதுகெலும்பாக செவிலியர்கள் உள்ளனர்.
உலக சுகாதார அமைப்பின் கூற்றுப்படி, நமது சுகாதார உள்கட்டமைப்பிற்கு அவர்களின் முக்கியத்துவம் தனித்துவம் வாய்ந்தது. ஆனால், உலகளவில் செவிலியர்கள் பற்றாக்குறை உள்ளது. ஐ.சி.என் படி, 34 நாடுகளில் 1.6 மில்லியனுக்கும் அதிகமான சுகாதார ஊழியர்கள் 2020 டிசம்பர் 31 ஆம் தேதி நிலவரப்படி கோவிட் -19 நோயால் பாதிக்கப்பட்டுள்ளனர் என்பது கவலையளிக்கும் விஷயம்.
Also Read | பால் குடிப்பதால் நன்மைகள் மட்டுமல்ல, சிலருக்கு பாதிப்புகளும் உண்டு
இந்த பின்னணியில், சர்வதேச செவிலியர் தினம் 2021, உலகெங்கிலும் உள்ள செவிலியர்கள் மற்றும் சுகாதார ஊழியர்களுக்கு நமது ஆழ்ந்த நன்றியைத் தெரிவிக்கும் வகையில் முக்கியத்துவம் வாய்ந்ததாக மாறுகிறது.
இந்த ஆண்டு பலரும் பலவிதமாக செவிலியர் தின வாழ்த்துக்களை தெரிவித்து வருகின்றனர். அதில் பஞ்சாப் கிங்ஸ் ஐ.பி.எல் அணி வெளியிட்டிருக்கும் வாழ்த்துச் செய்தி பலராலும் பாராட்டப்படுகிறது.
To the silent heroes who work tirelessly and serve fearlessly
We are indebted to you #InternationalNursesDay #SaddaPunjab pic.twitter.com/q6qk5ibJln
— Punjab Kings (@PunjabKingsIPL) May 12, 2021
2021 இன் சர்வதேச செவிலியர்கள் தினத்தின் கருப்பொருள்: வழிநடத்த ஒரு குரல் - எதிர்கால சுகாதாரத்துக்கான பார்வை (A Voice to Lead - A vision for future healthcare).
நவீன நர்சிங்கின் நிறுவனர் புளோரன்ஸ் நைட்டிங்கேலின் பிறந்த நாளான மே 12ஆம் நாள் சர்வதேச செவிலியர் தினமாக (International Nurses Day) கொண்டாடலாம் என 1974 ஆம் ஆண்டு முடிவு செய்யப்பட்டது.
Also Read | சென்னையில் இன்று பெட்ரோல் விலை என்ன?
சர்வதேச செவிலியர் கவுன்சில் (International Council of Nurses) 1965 ஆம் ஆண்டில் முதன்முறையாக இந்த நாளைக் கொண்டாடியது. 1953 ஆம் ஆண்டில், அமெரிக்க சுகாதார, கல்வி மற்றும் நலன்புரித் துறை அதிகாரி டோரதி சுந்தர்லேண்ட் (Dorothy Sunderland) "செவிலியர் தினத்தை" அறிவிக்க முன்மொழிந்தபோது அது ஒப்புக் கொள்ளப்படவில்லை.
புளோரன்ஸ் நைட்டிங்கேல் (Florence Nightingale)
Florence Nightingale ஒரு செவிலியர் மட்டுமல்ல, சமூக சீர்திருத்தவாதி மற்றும் புள்ளிவிவர நிபுணராக (statistician) இருந்தார். கிரிமியன் போரின்போது செவிலியராக அவர் செய்த பங்களிப்புகளுக்காக பிரபலமாக அறியப்பட்டவர் நைட்டிங்கேல்.
Also Read | சிறு, குறு, நடுத்தர நிறுவனங்களுக்கு பதிவு கட்டணம் விலக்கு
அந்தப் போரின் போது, செவிலியர்களின் மேலாளராகவும் பயிற்சியாளராகவும் பணியாற்றினார் நைட்டிங்கேல். அதோடு, கான்ஸ்டான்டினோப்பிளில் (Constantinople) காயமடைந்த வீரர்களுக்களை பராமரிப்பதற்காக நைட்டிங்கேல் செய்த ஏற்பாடுகள் மிகவும் முக்கியமானவை.
அவரது முயற்சிகள் காரணமாக, செவிலியர் பணிக்கு நேர்மறையான, சாதகமான நற்பெயர் ஏற்பட்டது. அதோடு அவர் விக்டோரியன் கலாச்சாரத்தின் சின்னமாக ஆனார்.
1860 ஆம் ஆண்டில், லண்டனில் உள்ள செயின்ட் தாமஸ் மருத்துவமனையில் நைட்டிங்கேலின் நர்சிங் பள்ளி நிறுவப்பட்டதன் மூலம் நவீன நர்சிங்கின் அடித்தளம் அமைக்கப்பட்டது.
Also Read | தமிழகத்தில் இன்று முதல் மே 15 வரை பரவலாக மழை பெய்யலாம்
தேசம், சர்வதேசம், கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற ஜீ இந்துஸ்தான் செயலியை பதிவிறக்குங்கள்!!
Android Link - https://bit.ly/3hDyh4G
Apple Link - https://apple.co/3loQYeR
