ஆயுத பூஜை மற்றும் விஜயதசமி முன்னிட்டு தமிழக மக்களுக்கு வாழ்த்துக்கள் தெரிவித்துள்ளார் தமிழக துனை முதல்வர் ஓ பன்னீர் செல்வம்.
இதுகுறித்து தனது ட்விட்டர் பக்கத்தினில் அவர் பதிவிட்டுள்ளதாவது:-
தமிழக மக்கள் அனைவரும் எல்லா நலமும், வளமும் பெற்றிட இறைவனை வேண்டி, எனது ஆயுத பூஜை மற்றும் விஜயதசமி நல்வாழ்த்துக்களை தெரிவித்துக்கொள்கிறேன்.
— O Panneerselvam (@OfficeOfOPS) September 29, 2017
ஆயுத பூஜை மற்றும் விஜயதசமி முன்னிட்டு தமிழக மக்களுக்கு வாழ்த்துக்கள் தெரிவித்துள்ளார் தமிழக முதல்வர் எடப்பாடி பழனிசாமி.
இதைக்குறித்து அவர் வெளியிட்டுள்ள அறிக்கையில் கூறியதாவது:-
“நவராத்திரி விழாவினையும், விஜயதசமி திருநாளையும் மகிழ்ச்சியோடு கொண்டாடும் தமிழக மக்கள் அனைவருக்கும் எனது மனமார்ந்த ஆயுத பூஜை மற்றும் விஜயதசமி நல்வாழ்த்துகளை தெரிவித்துக் கொள்கிறேன்.
இந்து நாள்காட்டியில் புரட்டாசி மாதத்தின் அமாவாசை கழிந்த பத்தாம் நாள் விஜயதசமி கொண்டாடப்படுகிறது. வட இந்தியப் பகுதிகளில் இராவணனைக் கொன்ற நாளாக தசரா என்ற விழாவாக கொண்டாடுகிறோம். தென்னிந்தியாவில் மகிசாசுரனை தேவி வென்ற நாளாக கோவில்களில் வழிபாடுகள் நடத்தப்படுகின்றன. விஜய தசமி என்றால், விஜயம் தருகிற நாள் என்று பொருள்படும். குழந்தைகளுக்கு விஜயதசமியன்று கல்வி, கலைகள் ஆரம்பித்து வைத்தால் வெற்றி உண்டாகும் என்று ஐதீகம். குழந்தைகளின் கை பிடித்து வைத்திருக்கும் நெல்லில் "அ" என்று எழுத வைத்து வித்யாரம்பம் செய்வார்கள். இந்நாளில் தீமைகள் விலகி, நன்மைகள் சேரும் என்பது நம்பிக்கை.
By accepting cookies, you agree to the storing of cookies on your device to enhance site navigation, analyze site usage, and assist in our marketing efforts.
