உளவு News

இந்தியாவில் இருந்து தூதரக அதிகாரிகளை பாகிஸ்தான் திரும்பப்பெற வாய்ப்பு உள்ளது என்று தகவல் கிடைத்துள்ளது. இந்தியாவில் எல்லை தாண்டிய பயங்கரவாத செயல்களை நடத்தும் பயங்கரவாதிகளுக்கு உறுதுணையா பாகிஸ்தான் செயல்படுவது உலகத்துக்கே தெரியும். மேலும் அவ்வப்போது  பாகிஸ்தான்  இராணுவ படை இந்திய வீரர்கள் மேல் தாக்குதல் நடத்தி வருகிறது. ஆனால் தற்போது இந்தியாவில் மாபெரும் உளவு வேலையில் பாகிஸ்தான் ஈடுபட்டு வருவது அம்பலமாகி உள்ளது.

பாகிஸ்தானுக்கு உளவு பார்த்த விவகாரத்தில் ராஜ்யசபா உறுப்பினரின் உதவியாளருக்கும் தொடர்பு இருந்தது தெரியவந்துள்ளது. பாகிஸ்தான் தூதரக அதிகாரியான மெஹமூத் அக்தர், அந்நாட்டின் உளவு அமைப்பான ஐஎஸ்ஐ-க்கு இந்திய ராணுவ விவரங்களைத் திரட்டி தகவல் அளித்து வந்தது கண்டறியப்பட்டது. இதையடுத்து அவரைப் பிடித்து போலீஸார் விசாரித்ததில் பல்வேறு அதிர்ச்சித் தகவல்கள் வெளியாகின.