இந்தியாவுக்கு எப்போது வருகிறது 5G நெட்வொர்க்?

புது டெல்லி: 5G நெட்வொர்க்கிற்காக நீண்ட நேரம் காத்திருப்பவர்களுக்கு பெரிய செய்தி உள்ளது. 5G நெட்வொர்க்கை இந்தியாவில் மூன்று மாதங்களில் நிறுவ முடியும், ஆனால் அது வரையறுக்கப்பட்ட பகுதிகளில் மட்டுமே இருக்கும் என்று தொலைத் தொடர்புத் துறை (Telecom industry) வல்லுநர்கள் கூறுகின்றனர். இந்த தொழில்நுட்பத்தை ஆதரிக்க ஆப்டிகல் ஃபைபர் (optical fibre) அடிப்படையிலான கட்டமைப்பு இன்னும் தயாராகவில்லை என்று அவர் கூறினார். நோக்கியா இந்தியாவின் (Nokia India) சந்தைப்படுத்தல் மற்றும் கார்ப்பரேட் விவகாரங்களின் தலைவர் அமித் மர்வா, 5G சேவை வலையமைப்பில் இந்தியா ஒரு முடிவை எடுக்க வேண்டியிருக்கும், இல்லையெனில் அடுத்த தலைமுறை தொழில்நுட்பத்தை சாதகமாக பயன்படுத்துவதை இழக்க நேரிடும் என்று கூறினார்.

5G ஆபரேட்டர்களுக்கு பணம் சம்பாதிக்க விற்பனை சேனல் இல்லை. நாட்டிலும் உலகிலும் புதிய பொருளாதார மதிப்பை உருவாக்குவதற்கான காலத்தின் தேவை இதுதான். ”தொலைதொடர்பு ஏற்றுமதி மேம்பாட்டு கவுன்சில் தலைவர் சந்தீப் அகர்வால் 5G உள்நாட்டில் தயாரிக்கப்பட்ட கருவிகளைப் பயன்படுத்த வேண்டும் என்று வலியுறுத்தினார். பாதுகாப்பு நோக்கங்களுக்காக இந்தியா (India) அதன் மீது கட்டுப்பாட்டைக் கொண்டிருக்க வேண்டும் என்று அவர் கூறினார்.

ALSO READ | விரைவில் உங்கள் மொபைல் பில் உயரலாம்! தொலைத் தொடர்பு நிறுவனங்கள் அதிர்ச்சி முடிவு

தொலைதொடர்பு துறை (Telecom industry) திறன் கவுன்சிலின் அரவிந்த் பாலி, முழு தொழில்நுட்பத்தையும் நாட்டால் உருவாக்க முடியாது என்று கூறினார். அவர் மற்றவர்களின் ஆதரவை நாட வேண்டும். உற்பத்தி அடிப்படையிலான ஊக்கத்தொகை (பி.எல்.ஐ) திட்டம் இந்தியாவை தன்னம்பிக்கை கொள்ளச் செய்வதற்கும், வேலை வாய்ப்புகளை உருவாக்குவதற்கும் சரியான திசையில் ஒரு படியாகும் என்றார்.

Airtel மற்றும் Qualcomm 5Gக்கு கைகோர்க்கின்றன
கடந்த மாதம், இரண்டு பெரிய தொழில்நுட்ப நிறுவனங்கள் விரைவில் 5G சேவையை (5G Service) வழங்க கைகோர்த்துள்ளன. இந்தியாவில் 5G சேவைகளை துரிதப்படுத்த பாரதி ஏர்டெல் குவால்காம் டெக்னாலஜிஸுடன் கூட்டு சேர்ந்துள்ளது. சந்தை கட்டுப்பாட்டாளர்களுக்கு அனுப்பிய தகவலில் நிறுவனம் இந்த தகவலை வழங்கியது.

5G நிலையான வயர்லெஸ் அணுகல் வலையமைப்பை உருவாக்க ஏர்டெல் மற்றும் குவால்காம் கூட்டாக செயல்படும். இதன் பின்னர் வீட்டு இணைய வலையமைப்பு மேம்படுத்தப்படும். ஜிகாபிட் வகுப்பு வீட்டு வைஃபை நெட்வொர்க்கை வழங்க இது தற்போதுள்ள பிராட்பேண்ட் உள்கட்டமைப்பை மேம்படுத்தும். வீட்டில் வேகமாக இணையம் மூலம் ஏர்டெல் மற்ற தொலைத் தொடர்பு நிறுவனங்களை வெல்லும் என்று நம்பப்படுகிறது. புதிய 5 ஜி நெட்வொர்க்கில் தொலைதூர பகுதிகளில் கடைசி மைல் இணைய இணைப்பு சேவைகளை மேம்படுத்த இந்த சேவை உதவும்.

ALSO READ | Jio vs Airtel vs Vi: 300 ரூபாய்க்குள் பல சலுகைகளை அளிக்கும் அருமையான Prepaid Plans

அரசியல், விளையாட்டு, சுகாதாரம், வாழ்க்கை முறை, கல்வி, பொழுதுபோக்கு, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!

Android Link - https://bit.ly/3hDyh4G

Apple Link - https://apple.co/3loQYeR