சான் பிரான்சிஸ்கோ: ஃபோட்டோ-மெசேஜிங் செயலியான Snapchat, ஒரு புதிய அம்சத்தை சோதிக்கத் தொடங்கியுள்ளது. இது பயனர்கள் தங்கள் ஸ்னாப்ஸை இசையுடன் அமைக்க உதவுகிறது. இது சீன செயலியான டிக்-டாக் அளிக்கும் அம்சத்தை ஒத்துள்ளது என்பது குறிப்பிடத்தக்கது.
Snapchat-ன் தாய் நிறுவனமான Snap, வார்னர் மியூசிக் குரூப், யுனிவர்சல் மியூசிக் பப்ளிஷிங் குரூப் மற்றும் மெர்லின் உள்ளிட்ட பல முக்கிய நிறுவனங்களுடன் இசை உரிமை ஒப்பந்தங்களை செய்துள்ளதாக வட்டாரங்கள் தெரிவிக்கின்றன.
புதிய அம்சம் பயனரின் நண்பர்களை இசையுடன் ‘ஸ்னாப்ஸ்’ அனுப்ப அனுமதிக்கும். மேலும் ஆல்பத்தின் கலை, பாடல் தலைப்பு மற்றும் கலைஞரின் பெயரையும் காண முடியும்.
கூடுதலாக, ‘Play this song’ ஆப்ஷன் ஒன்றும் இருக்கும். இது Linkfire-க்கான வலை காட்சியைத் திறக்கும். இதில், ஸ்பாடிஃபை, ஆப்பிள் மியூசிக் மற்றும் சவுண்ட்க்ளௌட் போன்ற ஸ்ட்ரீமிங் தளங்களில் முழு பாடலையும் கேட்க முடியும்.
"தங்களை வெளிப்படுத்த ஸ்னாப்சேட்டர்களுக்கு ஆக்கபூர்வமான கருவிகளை வழங்குவதற்கான புதிய வழிகளை நாங்கள் எப்போதும் தேடுகிறோம். இசை என்பது அவர்களின் ஸ்னாப்களில் அவர்கள் சேர்க்கக்கூடிய ஒரு புதிய பரிமாணம் ஆகும். இது உண்மையான நண்பர்களுடன் பயனர்கள் தங்கள் உணர்வுகளையும் தருணங்களையும் பகிர்ந்து கொள்ள உதவுகிறது" என்று நிறுவனத்தின் செய்தித் தொடர்பாளர் கூறியுள்ளார்.
இன்னும் சில மாதங்களில் இந்த புதிய அம்சம் அமெரிக்கா, கனடா மற்றும் ஆஸ்திரேலியாவில் அறிமுகப்படுத்தப் படவுள்ளது.
இன்ஸ்டாகிராமும் டிக்டோக் (Tik Tok) போன்ற, Reels என்ற தனது குளோன் செயல்பாட்டை வெளியிட்டுள்ளது. இது சோதனை கட்டத்தில் இந்தியாவில் கிடைக்கிறது.
கூகிளுக்குச் சொந்தமான யூடியூப், டிக் டாக்-குக்கு போட்டியாக, Shorts என்ற அம்சத்தை இந்த ஆண்டு இறுதிக்குள் கொண்டு வர ஏற்பாடுகளை செய்து கொண்டிருக்கிறது.
இதற்கிடையில், மைக்ரோசாப்ட் தலைமை நிர்வாக அதிகாரி சத்யா நடெல்லா மற்றும் அதிபர் டொனால்ட் டிரம்ப் ஆகியோருக்கு இடையிலான உரையாடலைத் தொடர்ந்து அமெரிக்கா, கனடா, ஆஸ்திரேலியா மற்றும் நியூசிலாந்து சந்தைகளில் வீடியோ பகிர்வு தளமான டிக்டோக்கின் செயல்பாட்டைப் பெறுவதற்கான பேச்சுவார்த்தைகளில் இருப்பதாக மைக்ரோசாப்ட் உறுதிப்படுத்தியுள்ளது.
