சென்னை: இந்நூற்றாண்டின் தலைவன்- பேரறிஞர் அண்ணாவின் 51வது நினைவுநாள் இன்று! அண்ணன் விரும்பிய தமிழகம் அமைக்க சபதம் ஏற்போம்! என திமுக தலைவர் ஸ்டாலின் ட்வீட்.
பேரறிஞர் அண்ணாவின் 51-வது நினைவு தினத்தை ஒட்டி தி.மு.க. சார்பில் சென்னையில் அமைதி பேரணி நடைபெறுகிறது. இந்த பேரணிக்கு அக்கட்சியின் தலைவர் மு.க.ஸ்டாலின் தலைமையேற்று நடத்தினார். இந்த பேரணியில் கட்சியின் பொருளாளர் துரைமுருகன் உட்பட ஆயிரக்கணக்கானோர் பங்கேற்றுள்ளனர். இந்த பேரணி இன்று காலை 8 மணி அளவில் வாலாஜா சாலையில் உள்ள விருந்தினர் இல்லம் அருகே தொடங்கி மெரினாவில் உள்ள அண்ணா நினைவிடம் வரை சென்றது.
அண்ணா நினைவிடம் சென்ற திமுக-வினர் நினைவிடத்தில் மலர்வளையம் வைத்து மரியாதை செலுத்தியதோடு, அருகில் உள்ள கலைஞர் நினைவிடத்திலும் மரியாதை செலுத்தினார்.
இதுக்குறித்து தனது ட்விட்டர் பக்கத்தில் கருத்து பதிவிட்டுள்ள திமுக தலைவர் மு.க. ஸ்டாலின், "அரசியல் அறத்தைப் போதித்த காஞ்சி தந்த வள்ளுவன்- கொள்கை உரம் ஊட்டிய இந்நூற்றாண்டின் தலைவன்- பேரறிஞர் அண்ணாவின் 51வது நினைவுநாள் இன்று!
அவரை மறந்தால் அல்லவா நினைப்பதற்கு? அவரது கொள்கையும், வாழ்வும் என்றும் நம்மை இயக்குகிறது. அண்ணன் விரும்பிய தமிழகம் அமைக்க சபதம் ஏற்போம்!" எனக் கூறியுள்ளார்.
அரசியல் அறத்தைப் போதித்த காஞ்சி தந்த வள்ளுவன்- கொள்கை உரம் ஊட்டிய இந்நூற்றாண்டின் தலைவன்- பேரறிஞர் அண்ணாவின் 51வது நினைவுநாள் இன்று!
அவரை மறந்தால் அல்லவா நினைப்பதற்கு? அவரது கொள்கையும், வாழ்வும் என்றும் நம்மை இயக்குகிறது. அண்ணன் விரும்பிய தமிழகம் அமைக்க சபதம் ஏற்போம்! pic.twitter.com/RWOM6D0NE6
— M.K.Stalin (@mkstalin) February 3, 2020
உங்களுக்கு சுவாரஸ்யமான சிறப்பு செய்தி, முக்கிய செய்திகள், அரசியல் குறித்து விவரங்களை தெரிந்துக்கொள்ள நமது ZEE HINDUSTAN TV ஐ பாருங்கள். தற்போது ஹிந்தி, தமிழ் மற்றும் தெலுங்கு மொழிகளில் ஒளிப்பரப்பாகிறது.
