வைரல் வீடியோ: இணைய உலகம் பல வித அற்புதங்களை தன்னுள்ளே கொண்டுள்ள ஒரு வித்தியாசமான உலகமாகும். இங்கு பல வித விஷயங்களை பற்றி நாம் தெரிந்துகொள்கிறோம். இங்கு பகிரப்படும் செய்திகளும், புகைப்படங்களும், வீடியோக்களும் நமக்கு பல செய்திகளை வழங்குகின்றன. பயனுள்ள பல தகவல்களுடன் கேளிக்கைக்கான ஒரு வழியாகவும் இது உள்ளது. நாம் நமது அன்றாட வாழ்வில் ஏற்படும் இறுக்கங்களை சற்று தளர்த்திக்கொள்ள இணையத்தில் பகிரப்படும் வீடியோக்கள் நமக்கு உதவுகின்றன. இவற்றில் விலங்குகளின் வீடியோக்களுக்கென தனி ரசிகர் பட்டாளமே உள்ளது. விலங்குகளின் உலகில் நாம் நம்ப முடியாத, அருகில் சென்று பார்க்க முடியாத பல நிகழ்வுகளை நாம் இணையத்தில் காண்கிறோம்.
டெல்லி மெட்ரோ இந்த நாட்களில் விவாதப் பொருளாக மாறியுள்ளது. டெல்லி மெட்ரோவின் பல வீடியோக்கள் சமூக ஊடகங்களில் பகிரப்பட்டுள்ளன. கடந்த சில நாட்களாக மெட்ரோவில் பல வித ஆபாச வீடியோக்களும், வினோத வீடியோக்களும் வைரல் ஆகி வருகின்றன. அதன் பிறகு டெல்லி மெட்ரோ ரயில் கார்ப்பரேஷன் (டிஎம்ஆர்சி) கடுமையாக இருக்க வேண்டியிருந்தது. டிஎம்ஆர்சியின் கண்டிப்பிற்குப் பிறகு, மெட்ரோவில் ஆபாசமான செயல்கள் பெருமளவு கட்டுப்படுத்தப்பட்டுள்ளன.
ஆனால் தற்போது டெல்லி மெட்ரோ குறித்த புதிய வீடியோ ஒன்று வெளியாகி மக்களின் கவனத்தை ஈர்க்கத் தொடங்கியுள்ளது. இந்த முறை டெல்லி மெட்ரோ ஒரு குரங்கு காரணமாக விவாதப் பொருளாக மாறியுள்ளது.
மெட்ரோவில் மனிதர்கள் பயணம் செய்வதை நீங்கள் பார்த்திருப்பீர்கள், ஆனால் இந்த வைரல் வீடியோவில்,சற்று வித்தியாசமான காட்சி காணப்படுகின்றது. இந்த வீடியோவில் காணப்படும் மெட்ரோவில் உள்ள பயணிகள் தங்கள் ரயிலில் குரங்கின் அட்டகாசத்தைக் கண்டு ஆச்சரியமடைந்தார்கள். இந்த சம்பவம் எப்போது நடந்தது என்பது குறித்து இதுவரை எந்த தகவலும் வரவில்லை.
இருப்பினும், வீடியோவைப் பார்த்த பயனர்கள் மனம் விட்டு சிரிக்கிறார்கள். மெட்ரோவில் குரங்கு ஒன்று வேடிக்கை காட்டுவதை வீடியோவில் காண முடிகின்றது. முதலில் குரங்கு கம்பத்தில் ஏறி, கீழே இறங்குகிறது. பின்னர் அது அங்கும் இங்கும் அலைய ஆரம்பித்து சுற்றி அமர்ந்திருப்பவர்களைப் பார்க்கத் தொடங்குகிறது. குரங்கைக் கண்டு சுற்றி அமர்ந்திருப்பவர்களும் பயந்து நடுங்குகிறார்கள். ஆனால் அப்போதும் குரங்கின் அட்டகாசம் தொடர்கிறது.
மெட்ரோ பயணத்தை ரசித்த குரங்கு
முதலில், குரங்கு மெட்ரோ கோச்சில் சுற்றித் திரிகிறது. பின்னர் சோர்வடைந்து ஒரு நபரின் அருகில் அமர்ந்தது. தன் அருகில் குரங்கு அமர்ந்திருப்பதைக் கண்டு அந்த நபர் பயந்து போகிறார். இருப்பினும், அவர் அமைதியாக அமர்ந்திருக்கிறார், ஏனென்றால் அவர் குரங்கை கோவப்படுத்த விரும்பவில்லை. குரங்கையும் அந்த நபரையும் பார்க்கும்போது இருவரும் ஒருவரையொருவர் நீண்ட நாட்களாக அறிந்தவர்கள் போல இருப்பது வேடிக்கையாக உள்ளது.
மேலும் படிக்க | அடிச்ச நபரை கடிச்ச நாய்!! பார்த்தா கதிகலங்கி போய்டுவீங்க.. ஷாக்கிங் வைரல் வீடியோ
குரங்கின் அட்டகாச மெட்ரோ பயண வீடியோவை இங்கே காணலாம்:
பயணிகளை ஒன்றும் செய்யவில்லை
சுற்றி அமர்ந்திருந்தவர்கள் குரங்கைக் கண்டு பயந்தாலும் யாருக்கும் எந்த பாதிப்பும் ஏற்படாமல் மெட்ரோ பயணத்தை முழுவதுமாக அனுபவித்தனர். குரங்கு யாரையும் எதுவும் செய்யவில்லை. இந்த வீடியோவை பார்த்து சமூக வலைதளங்களில் உள்ள பயனாளிகள் சிரித்து வருகின்றனர்.
இந்த வீடியோ இன்ஸ்டாகிராமில் anuragminusverma என்ற பக்கத்தில் பதிவேற்றப்பட்டுள்ளது. இதற்கு ஏகப்பட்ட வியூஸ்களும் லைக்குகளும் கிடைத்து வருகின்றன. இணையவாசிகள் இதற்கு பல வித கமெண்டுகளை அளித்து வருகிறார்கள். 'குரங்குக்கு மெட்ரோ ரயில் பயணம் மிகவும் பிடித்துள்ளது' என ஒரு பயனர் எழுதியுள்ளார். 'மனிதர்களுக்கு மத்தியில் அந்த குரங்குக்கு ஒன்றும் புரியவில்லை' என மற்றொரு பயனர் கமெண்ட் செய்துள்ளார்.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
