ஆண்களே! மன அழுத்தம் இருந்தாலும் பிரச்சனை இல்லை

1 /10

இன்றைய வாழ்க்கைச் சூழலில் பலரும் எதிர்கொள்ளும் ஒரு பிரச்னை மன அழுத்தம். மன அழுத்தத்தினால் உடலில் பல்வேறு பிரச்னைகள் ஏற்படுவதாக பல ஆய்வுகள் கூறுகின்றன. இந்நிலையில் மன அழுத்தம், விந்தணு இயக்கத்தை அதிகரிக்கிறது என புதிய ஆய்வு ஒன்று கூறுகிறது.  

2 /10

மன அழுத்தம், கருவுறுதலை எவ்வாறு பாதிக்கிறது மற்றும் கருவின் வளர்ச்சி குறித்து கொலராடோ பல்கலைக்கழகத்தின் அன்சுட்ஸ் மருத்துவமனை ஆய்வாளர்கள் மேற்கொண்டுள்ள இந்த ஆய்வின் முடிவுகள் 'நேச்சர் கம்யூனிகேஷன்ஸ்' இதழில் வெளியிடப்பட்டுள்ளன.  

3 /10

பொதுவாக கடந்த 50 ஆண்டுகளில், விந்தணுக்களின் தரம் குறைந்துள்ளது. இதனால் பெண்கள் கருவுறுதலும் வெகுவாகக் குறைந்து வருகிறது. சுற்றுச்சூழலும் இதற்கு முக்கிய காரணமாக இருக்கலாம்.  

4 /10

எனினும் கருவுறாமை பிரச்னைக்கான காரணங்கள் இன்னும் முழுமையாக அறியப்படவில்லை. இது தொடர்பான ஆய்வுகள் தொடர்ந்து நடந்துகொண்டிருக்கின்றன.  

5 /10

விந்தணுவின் இயக்கம் மற்றும் கருமுட்டையை மன அழுத்தம் பாதிக்கிறது என்பதை இந்த ஆய்வும் உறுதி செய்கிறது. ஆனால், மன அழுத்தத்திற்குப் பின்னர் விந்தணுவின் இயக்கம் கவனிக்கப்பட்டது.  

6 /10

அதில், விந்தணு வளர்ச்சிக்கு உதவும் எக்ஸ்ட்ராசெல்லுலர் வெசிகிள்ஸ் (EV) எனப்படும் சிறிய துகள்களில் மாற்றம் ஏற்பட்டது கண்டறியப்பட்டது.  

7 /10

மன அழுத்தத்திற்குப் பின்னர் விந்தணுவின் இயக்கம் மேம்பட்டதாக ஆய்வாளர்கள் கூறுகின்றனர். ஆனால், இது மன அழுத்தத்தின்போது அல்ல, மன அழுத்தத்தில் இருந்து கடந்துவந்த பின்னரே நிகழ்ந்ததாகத் தெரிவிக்கின்றனர்.  

8 /10

கரோனா தொற்றுநோய் கால மன அழுத்தத்திற்குப் பிறகு, பிறப்பு விகிதத்தை அதிகரிக்க உதவும் என்று ஆய்வின் முதன்மை எழுத்தாளர் டிரேசி பேல் தெரிவித்தார்.  

9 /10

மன அழுத்தம் ஏற்பட்டு சரியாகும்போது அது விந்தணுக்களை தூண்டுவதாகவும் விந்தணு உற்பத்தி மற்றும் இயக்கத்தை மேம்படுத்த அது உதவுவதாகவும் குறிப்பிட்டார்.  

10 /10

இந்த ஆய்வு ஆண்களை மையமாகக் கொண்டிருந்தாலும், பெண்களையும், கரு வளர்ச்சியையும் மன அழுத்தம் எவ்வாறு பாதிக்கிறது, குறிப்பாக மூளையை எவ்வாறு பாதிக்கிறது என்பது குறித்தும் ஆராய்ச்சியாளர்கள் ஆய்வு மேற்கொண்டு வருகின்றனர். இந்த ஆய்வு முடிவுகள் ஆரோக்கியமான கருவுறுதலுக்கு உதவும் என்றும் கூறுகின்றனர்.