அரசு ஊழியர்களின் சம்பள உயர்வு: பஞ்சாப் அல்லது இமாச்சல பிரதேசத்தில் சேர்ந்த அரசுப் பணியாளர்களுக்கு ஊதிய உயர்வு உறுதியாகிறது.
பஞ்சாப் மாநிலத்தின் 3.25 லட்சம் அரசு ஊழியர்களுக்கும், 3 லட்சத்துக்கும் மேற்பட்ட ஓய்வூதியதாரர்களுக்கும் பயனளிக்கும். அதேபோல, இமாச்சல பிரதேசத்தின் சுமார் இரண்டரை லட்சம் அரசு ஊழியர்களுக்கு நல்ல நேரம் பிறந்திருக்கிறது. இரு மாநில அரசாங்கங்களும் ஊழியர்களுக்கு 6 வது ஊதியக்குழு பரிந்துரையை பரிசாக வழங்கப் போகின்றன.
Also Read | Post Office RDகளில் பணம் செலுத்தி லட்சக்கணக்கான பணத்தை திரும்பப்பெறலாம்
2021 ஏப்ரல் 30 க்குப் பிறகு ஊழியர்களுக்கான புதிய ஊதிய விகிதம் அமல்படுத்தப்படும் என பஞ்சாப் காங்கிரஸ் அரசு அறிவித்துள்ளது. இமாச்சலப் பிரதேச அரசு பஞ்சாபின் கொள்கைகளைப் பின்பற்றுகிறது. 2016 ஆம் ஆண்டில், பஞ்சாபில் 6 வது ஊதியக்குழு குறித்து ஆராய குழு ஒன்று அமைக்கப்பட்டது. அந்த அறிக்கை விரைவில் வந்துவிடும். உடனே சம்பள உயர்வு அமல்படுத்தப்படும் என மாநில அரசு கூறுகிறது.
புதிய ஊதியக்குழு பரிந்துரைகளை அமல்படுத்த பஞ்சாப் முடிவு செய்துள்ளது, எனவே இமாச்சல அரசு அதை செயல்படுத்தும் என்று இமாச்சல பிரதேச முதல்வர் ஜெய்ராம் தாக்கூர் தெரிவித்துள்ளார். இதற்காக, கூட்டு ஒருங்கிணைப்புக் குழுவின் கூட்டம் அழைக்கப்பட்டு, ஊழியர்களின் பிரச்சினைகளை தீர்க்கப்படும்.
அரசு ஊழியர்களின் சம்பள உயர்வு: 3 ஆண்டுகளில் மாநில ஊழியர்கள் மற்றும் ஓய்வூதியதாரர்களுக்கு ரூ .2402 கோடி சலுகைகளை மாநில அரசு வழங்கியுள்ளது என்று முதல்வர் கூறினார். ஊழியர்களுக்கு அகவிலைப்படியாக ரூ .1140 கோடி நிதி உதவி வழங்கப்பட்டுள்ளது.
அரசு ஊழியர்களின் சம்பள உயர்வு: 2003 முதல் 2017 வரை ஓய்வு பெற்ற புதிய ஓய்வூதிய திட்டத்தின் ஊழியர்களுக்கான ஓய்வூதியம் மற்றும் கிராச்சுட்டியை அரசாங்கம் அதிகரித்துள்ளது. இதன் மூலம் அவர்களுக்கு சுமார் 110 கோடி ரூபாய் சலுகைகள் வழங்கப்பட்டுள்ளன. புதிய ஓய்வூதிய திட்டத்தின் கீழ் மாநிலத்தின் அடிப்படை சம்பளம், அகவிலைப்படி மற்றும் என்.பி.ஏ ஆகியவற்றின் பங்கை 10 சதவீதத்திலிருந்து 14 சதவீதமாக உயர்த்த மாநில அரசு முடிவு செய்துள்ளதாக முதல்வர் தெரிவித்துள்ளார்.
அரசு ஊழியர்களின் சம்பள உயர்வு: 2021-22 நிதியாண்டின் பட்ஜெட்டில், ஊழியர்களின் சம்பளம் மற்றும் ஓய்வூதியத்திற்காக 20 ஆயிரம் கோடி செலவிடப்படும் என்று ஜெய்ராம் தாக்கூர் தெரிவித்தார். கொரோனா தொற்றுநோய்களின் போது பாராட்டத்தக்க பங்களிப்பை வழங்கிய ஊழியர்களுக்கு அவர் நன்றி தெரிவித்தார்.
