IPL Points Table 2024: மும்பை அணிக்கு எதிரான வெற்றியின் மூலம் ஐபிஎல் 2024 தொடரில் தற்போது ராஜஸ்தான் ராயல்ஸ் அணி புள்ளி பட்டியலில் முதலிடத்தில் உள்ளது.
திங்கட்கிழமை நடைபெற்ற மும்பை இந்தியன்ஸ் அணிக்கு எதிரான போட்டியில் ராஜஸ்தான் அணி 6 விக்கெட் வித்தியாசத்தில் வெற்றிபெற்றது. இந்த வெற்றியின் மூலம் தற்போது புள்ளி பட்டியலில் முதல் இடத்தில் உள்ளது. சென்னை சூப்பர் கிங்ஸ் 3 வது இடத்திற்கு தள்ளப்பட்டுள்ளது.
லக்னோ சூப்பர் ஜெயண்ட்ஸ், டெல்லி கேபிடல்ஸ், மும்பை இந்தியன்ஸ் ஆகிய அணிகளை தோற்கடித்து விளையாடிய 3 போட்டிகளிலும் வெற்றி பெற்றுள்ளது ராஜஸ்தான் அணி. தற்போது 6 புள்ளிகள் மற்றும் நிகர ரன் விகிதம் 1.249 உடன் முதல் இடத்தில் உள்ளனர்.
இரண்டாவது இடத்தில் கொல்கத்தா நைட் ரைடர்ஸ் அணி உள்ளது. இதுவரை விளையாடிய இரண்டு போட்டிகளில் இரண்டிலும் வெற்றி பெற்று தற்போது 4 புள்ளிகள் மற்றும் நிகர ரன் விகிதம் 1.047 உடன் இரண்டாவது இடத்தில் உள்ளது.
சென்னை சூப்பர் கிங்ஸ் அணி டெல்லி அணிக்கு எதிரான போட்டிக்கு முன்பு முதல் இடத்தில் இருந்தது. ஆனால் மூன்றாவது போட்டியில் தோல்வி அடைந்த பின்பு தற்போது 3வது இடத்திற்கு தள்ளப்பட்டுள்ளது. சென்னை தற்போது 4 புள்ளிகள் மற்றும் நிகர ரன் விகிதம் 0.976 உடன் மூன்றாவது இடத்தில் உள்ளது.
அடுத்த இடங்களில் குஜராத் டைட்டன்ஸ், சன்ரைசர்ஸ் ஹைதராபாத், லக்னோ சூப்பர் ஜெயண்ட்ஸ், டெல்லி கேபிட்டல்ஸ், பஞ்சாப் கிங்ஸ், ராயல் சேலஞ்சர்ஸ் பெங்களூரு மற்றும் மும்பை இந்தியன்ஸ் அணிகள் உள்ளன.
