Manikandan Next Movie: குட்நைட், லவ்வர் ஆகிய படங்கள் மூலம் பிரபலமான மணிகண்டன், தற்போது ஒரு டாப் இயக்குநருடன் இணைந்து படத்தில் நடிக்க உள்ளதாக தகவல்கள் வெளியாகியுள்ளது.
சின்னத்திரையில் இருந்து வெள்ளித்திரைக்கு வந்த கலைஞர்களுள் ஒருவர் மணிகண்டன். மிமிக்கிரி திறமையால் முன்னர் பலரை மகிழ்வித்து வந்த இவர், தற்போது தனது நடிப்பு திறமையால் அனைவரையும் கவர்ந்து வருகிறார்.
மணிகண்டனின் நடிப்பில் தற்போது லவ்வர் என்ற படம் வெளியாகியுள்ளது. இந்த படம், இளசுகள் மத்தியில் நல்ல வரவேற்பினை பெற்று வெற்றிகரமாக திரையரங்குகளில் ஓடி வருகிறது.
மணிகண்டன் ஹீரோவாக நடிக்க ஆரம்பிப்பதற்கு முன்னர் இவர் பல படங்களில் முக்கிய துணை கதாப்பாத்திரமாக நடித்துள்ளார். குறிப்பாக காலா, சில்லுக்கருப்பட்டி உள்ளிட்ட படங்களில் இவரது நடிப்பு பலரை ஈர்த்தது.
லவ்வர் படத்தில் மணிகண்டன், டாக்ஸிக் லவ்வர் பாயாக நடித்துள்ளார். இவரது நடிப்பிற்கு தற்போது பாராட்டு குவிந்து வருகிறது.
மணிகண்டன் தற்போது தமிழ் திரையுலகின் வளர்ந்து வரும் ஹீரோவாக இருக்கிறார். இவர், தமிழ் சினிமாவின் எதிர்கால ஹீரோக்களுள் ஒருவராக இருக்கிறார்.
மணிகண்டன் ஹீரோவாக நடித்த குட் நைட் படம் கடந்த ஆண்டு நல்ல வசூலை பெற்று வெற்றி அடைந்தது. இதுவரை இவர் புதுமுக இயக்குநர்களின் படங்களில் ஹீரோவாக நடித்து வந்தார். ஆனால் தற்போது ஒரு பெரிய இயக்குநரின் படத்தில் ஹீரோவாக நடிக்கிறார்.
அந்த இயக்குநர் வேறு யாருமில்லை, பா.ரஞ்சித்தான். இவர் இயக்கிய காலா படத்தில் மணிகண்டன் ரஜினிக்கு மகனாக நடித்திருக்கிறார். இதையடுத்து அவர் இயக்கும் அடுத்த படத்தில் ஹீரோவாக நடிப்பதாக தகவல்கள் வெளியாகியுள்ளது.
