ஊழியர்களின் வருங்கால வைப்பு நிதி அமைப்பு (EPFO) இபிஎஸ் அதிக ஓய்வூதியத் திட்டத்தின் கீழ் விண்ணப்பத்தவர்களின் ஊதிய விவரங்களைச் செயலாக்கி பதிவேற்றம் செய்வதற்கான காலக்கெடுவை வேலையில் அமர்த்திய நிறுவனம் அல்லது முதலாளிகளுக்கு நீட்டித்துள்ளது.
பல முறை காலக்கெடு நீட்டிக்கப்பட்ட போதிலும், அதிக ஓய்வூதியம் பெறுவதற்கான விருப்பத்தேர்வுகள் அல்லது கூட்டு விருப்பங்களை சரிபார்ப்பதற்கான 3.1 லட்சத்திற்கும் அதிகமான விண்ணப்பங்கள் இன்னும் நிறுவனங்கள் அல்லது முதலாளிகளிடம் நிலுவையில் இருப்பதை கருத்தில் கொண்டு இந்த நடவடிக்கை எடுக்கப்பட்டுள்ளது.
EPS Higher Pension: கடந்த ஆகஸ்ட் 31, 2014 அன்று அல்லது அதற்கு முன் EPF உறுப்பினராக இருந்த அல்லது அந்தத் தேதிக்குள் ஓய்வு பெற்ற ஒரு நபர், நிர்ணயிக்கப்பட்ட வரம்பை விட அவர்களின் உண்மையான அடிப்படை ஊதியத்தின் அடிப்படையில், அதிக ஓயவூதியம் பெற ஊழியர்களின் ஓய்வூதியத் திட்டத்தின் (EPS) கீழ் விண்ணப்பம் செய்யலாம் என்ற அறிவிப்பு வெளியானதை அடுத்து, இதற்காக லட்சக்கணக்கானோர் விண்ணப்பித்தனர்.
ஊழியர்களின் வருங்கால வைப்பு நிதி அமைப்பு (EPFO) மீண்டும் ஜனவரி 31, 2025க்குள் அதிக இபிஎஸ் ஓய்வூதியத் திட்டத்தின் கீழ் விண்ணப்பதாரர்களின் ஊதிய விவரங்களைச் செயலாக்கி பதிவேற்றம் செய்வதற்கான காலக்கெடுவை முதலாளிகளுக்கு நீட்டித்துள்ளது.
பல முறை காலக்கெடு நீட்டிக்கப்பட்ட போதிலும், விருப்பத்தேர்வுகள் அல்லது கூட்டு விருப்பங்களை சரிபார்ப்பதற்கான 3.1 லட்சத்திற்கும் அதிகமான விண்ணப்பங்கள் இன்னும் முதலாளிகளிடம் நிலுவையில் இருப்பதைக் காண முடிந்தது, முதலாளிகள் மற்றும் முதலாளிகள் சங்கங்களிடமிருந்து பல பிரதிநிதித்துவங்கள் பெறப்பட்டுள்ளன என்று EPFO வெளியீடு கூறியது. விண்ணப்பதாரர் ஓய்வூதியதாரர்களின் ஊதிய விவரங்களை பதிவேற்றம் செய்வதற்கான கால அவகாசம் மேலும் நீட்டிக்கப்பட்டுள்ளது.
ஓய்வூதிய விண்ணப்ப நிலையை கண்காணிக்க, உங்கள் உயர் இபிஎஸ் ஓய்வூதிய விண்ணப்பத்தின் நிலையைக் கண்காணிக்க https://unifiedportal-mem.epfindia.gov.in/memberInterfacePohw/ என்ற தளத்தில் EPFO உறுப்பினர் சேவா போர்ட்டலைப் பார்வையிடவும்.
உங்கள் அடையாளத்தை உறுதி செய்ய உங்கள் ஆதார் எண், பயோமெட்ரிக் மற்றும்/அல்லது ஒரு முறை பின் (OTP) தரவை அணுக அனுமதிப்பதன் மூலம் ஆதார் அடிப்படையிலான அங்கீகாரத்திற்கான ஒப்புதலை வழங்க பெட்டியைத் தேர்வு செய்து,: ‘Get OTP’ என்பதைக் கிளிக் செய்யவும்.
‘Track Status of EPS Higher Pension Applications’ என்ற விருப்பத்தைக் கிளிக் செய்து, அடுத்த பக்கத்தில், தேவையான விவரங்களை உள்ளிடவும்: ஒப்புகை எண், UAN (யுனிவர்சல் கணக்கு எண்) (தற்போது பணிபுரியும் நபர்களுக்கு), PPO (ஓய்வூதியம் செலுத்தும் ஆணை) எண் (EPS ஓய்வூதியம் பெறுபவர்களுக்கு),கேப்ட்சா குறியீடு ஆகியவற்றை உள்ளிடவும்.
உங்கள் ஆதாருடன் இணைக்கப்பட்ட மொபைல் எண்ணில் ஒரு முறை கடவுச்சொல்லை (OTP) பெறுவீர்கள். உங்கள் ஓய்வூதிய விண்ணப்பத்தின் நிலையைக் கண்காணிக்க இந்த OTP ஐ உள்ளிடவும். இதன் மூலம், உங்கள் உயர் இபிஎஸ் ஓய்வூதிய விண்ணப்பத்தின் முன்னேற்றத்தை நீங்கள் எளிதாகக் கண்காணிக்கலாம்.
அதிக சம்பளத்தில் ஓய்வூதியம் பெற விண்ணப்பிக்கப்பட்ட விண்ணப்பங்களில், நிலுவையில் உள்ள 3 லட்சத்து 10 ஆயிரம் விண்ணப்பங்கள் தொடர்பான சம்பளம் மற்றும் இதர தகவல்களை பதிவேற்றம் செய்வதற்கான காலக்கெடுவை ஊழியர்களின் வருங்கால வைப்பு நிதி அமைப்பு (EPFO) மீண்டும் நீட்டித்துள்ளது.
தகவலைப் பதிவேற்றம் செய்ய நிறுவனம் மற்றும் முதலாளிகளுக்கு ஜனவரி 31, 2025 வரை இப்போது வாய்ப்பு வழங்கப்பட்டுள்ளது. இதற்கான ஆன்லைன் வசதியை EPFO வழங்கியுள்ளது. இதற்கான நடவடிக்கை 2023 பிப்ரவரி, 26 ம் தேதி அன்று தொடங்கப்பட்ட நிலையில், 2023 மே 3ம் தேதி என காலக்கெடு நிர்ணயிக்கப்பட்டது.
காலக்கெடுவை நீட்டிக்க ஊழியர்களிடமிருந்து கோரிக்கை வந்த நிலையில், தகுதியான ஓய்வூதியதாரர்கள் அல்லது உறுப்பினர்கள் விண்ணப்பிக்க 2023 ஜூன் 26ம் தேதி வரை அவகாசம் வழங்கப்பட்டது. பின்னர், மேலும் 15 நாட்கள் அவகாசம் வழங்கப்பட்டு, விண்ணப்பங்களைச் சமர்ப்பிப்பதற்கான காலக்கெடு 2023 ஜூலை 11 ஆம் தேதி என நிர்ணயிக்கப்பட்டது.
2023 ஜூலை 11 ஆம் தேதி 17 லட்சத்து 49 ஆயிரம் ஓய்வூதியதாரர்கள் அல்லது உறுப்பினர்களின் விண்ணப்பங்கள் பெறப்பட்ட நிலையில், ஊதிய விவரங்களை பதிவேற்றம் செய்ய கூடுதல் அவகாசம் வழங்குமாறு நிறுவனங்கள் முதலாளிகள் சங்கங்களிடமிருந்து கோரிக்கை வந்ததாகவும், அதன் அடிப்படையில், முதலில் 2023 செப்டம்பர் 30 வரையும், பின்னர் 31 டிசம்பர் 2023 வரையும், பின்னர் 31 மே 2024 வரையும் நேரம் வழங்கப்பட்டது என்றும் அமைச்சகம் தெரிவித்தது.
இருப்பினும், 3 லட்சத்து 10 ஆயிரத்துக்கும் மேற்பட்ட விருப்பத்தேர்வுகள் அல்லது கூட்டு விருப்பங்களுக்கான விண்ணப்பங்களை முதலாளிகளால் சரிபார்க்க முடியவில்லை என்று அமைச்சகம் தெரிவித்துள்ளது. எனவே காலக்கெடுவை நீட்டிக்க வேண்டும் என்ற கோரிக்கைகளை கருத்தில் கொண்டு, இப்போது 'கடைசி' வாய்ப்பு ஜனவரி 31, 2025 வரை வழங்கப்படுகிறது.
