இங்கு கொடுக்கப்பட்டுள்ள செயல்முறையை 21 நாட்கள் பின்பற்றுவதால் உடல் எடை குறைவது மட்டுமில்லாமல் முடி வளர்ச்சி, தோல் பளபளப்பு, உடல் ஆரோக்கியம் போன்றவை ஏற்படும்.
உடல் எடை குறைப்பில் டயட் முறையில் பலரும் இப்போது பயன்படுத்துவது இன்டெர்மிட்டன்ட் டயட் முறை தான். இந்த முறையில் நீங்கள் 8 மணி நேரத்திற்கு தொடர்ந்து சாப்பிட்டு விட்டு, பின்னர் 16 மணி நேரம் எதையும் சாப்பிடாமல் இருக்க வேண்டும். இந்த முறை உடல் எடையை குறைக்க உதவுகிறது.
தினமும் குறைந்தது அரை மணி நேரமாவது நடைப்பயிற்சி, யோகா, மூச்சுப்பயிற்சி, ஸ்கிப்பிங், சைக்கிள் ஓட்டுவது, சூம்பா போன்ற ஏதாவது பயிற்சியை செய்யலாம்.
ஜங்க் உணவுகள் எண்ணெயில் வறுத்த பொறித்த உணவுகள், செயற்கையாக அதிகம் இனிப்பு சுவையூட்டப்பட்ட உணவுகள், பீட்சா, பர்கர், கேக், சாக்லேட்டுகள் போன்றவற்றை தவிர்க்க வேண்டும்.
தினமும் நீங்கள் தூங்குவதற்கு சில மணி நேரங்களுக்கு முன்னர் உங்கள் உங்கள் மொபைல் போனை ஆஃப் செய்ய வேண்டும், சமூக ஊடகங்கள் எதையும் பயன்படுத்த கூடாது.
தினசரி ஒரு நபர் 7 முதல் 8 மணி நேரம் கண்டிப்பாக உறங்க வேண்டும், அதேபோல காலையில் 8 மணிக்கு முன்னதாக எழுந்துவிட வேண்டும்.
உடலுக்கு போதுமான நீரை தினமும் பருக வேண்டும், பழசாறுகளில் செயற்கையாக இனிப்பு சேர்த்து பருகுவது, சோடா போன்றவற்றை பருகுவதை தவிர்க்க வேண்டும்.
