காலையில் எழுந்ததும் டீ அல்லது காபி குடித்தால்தான் பலருக்கும் அன்றைய பொழுது நன்றாக இருக்கும். ஆனால் இவற்றை தினசரி குடிப்பதால் உடலுக்கு கேடு ஏற்படுகிறது.
காலையில் டீ, காபி குடிப்பது ஆரோக்கியத்திற்கு மிகவும் தீங்கு விளைவிக்கிறது. எனவே, அதற்கு பதில் தினமும் மூலிகை டீ குடித்து வந்தால் பல்வேறு நன்மைகள் கிடைக்கிறது.
ஒரு சிலருக்கு டீ, காபி குடிக்காமல் இருந்தால் தலைவலி வரும். ஆனால் இது பல வழிகளில் ஆரோக்கியத்தை பாதிக்கிறது. எனவே மூலிகை டீ குடிக்க அறிவுறுத்தப்படுகிறது.
பொதுவாக மூலிகை தேநீர் ஆரோக்கியத்திற்கு மிகவும் நல்லது என்று கூறப்படுகிறது. பால் மூலம் தயார் ஆகும் டீ அல்லது காபியை விட மூலிகை டீ குடிப்பதால் பல நன்மைகள் கிடைக்கும்.
ஜின்ஸெங் டீ: இந்த டீ வகை கொஞ்சம் கசப்பாக இருக்கலாம், ஆனால் இது ஆரோக்கியத்திற்கு மிகவும் நல்லது. தினசரி இந்த டீயை குடித்து வந்தால் பல்வேறு உடல்நல பிரச்சனைகள் நீங்கும்.
மட்சா டீ: இது ஆன்டி-ஆக்ஸிடன்ட்கள் நிறைந்த ஒரு வகை கிரீன் டீ ஆகும். இது நாள் முழுவதும் உங்கள் உடலை சுறுசுறுப்பாக வைத்திருக்க உதவும். இது உங்கள் உடலையும் மனதையும் அமைதியாக வைத்திருக்க உதவுகிறது.
புதினா டீ: புதினா டீ குடிப்பதால் உடலுக்கு புத்துணர்ச்சி ஏற்படுகிறது. இது தலைவலி மற்றும் செரிமான பிரச்சனைகளை சரி செய்கிறது.
