Best Broadband Plans: கொரோனா தொற்றால் விதிக்கப்பட்ட ஊரடங்கு காரணமாக நீண்ட காலமாக மக்கள் தங்கள் வீடுகளிலிருந்து வேலை செய்து வருகின்றனர். இந்த சூழ்நிலையில், இணைய வசதி தொடர்பான பல சிக்கல்களை பலர் எதிர்கொள்ள வேண்டியிருக்கிறது. வரம்பற்ற இணைய வசதியை வழங்கும் பல பிராட்பேண்ட் திட்டங்கள் (Broadband Plan) சந்தையில் உள்ளன.
உங்களுக்கும் அதிக தரவு மலிவு விலையில் தேவைப்பட்டால், இந்த பதிவு உங்களுக்கு உதவியாக இருக்கலாம். 100Mbps வேகத்துடன் கூடிய சிறந்த வரம்பற்ற பிராட்பேண்ட் திட்டங்களைப் பற்றி இங்கே காணலாம். இவற்றின் கட்டணங்களும் அதிகம் இல்லை என்பது குறிப்பிடத்தக்கது.
டாடா ஸ்கை பல நகரங்களில் பிராட்பேண்ட் சேவையை வழங்குகிறது. இதில் 6 மாத திட்டத்தை வாங்கினால், டாடா ஸ்கை 100Mbps பிராட்பேண்ட் திட்டத்திற்கு மாதம் ரூ .750 செலவாகும். ரூ .4,500 க்கு 6 மாத திட்டம் கிடைக்கும். அதே நேரத்தில், டாடா ஸ்கை நிறுவனத்திடமிருந்து 30 நாள் திட்டத்தை வாங்க விரும்பினால், அதற்கு ரூ .850 செலவாகும். (Photo: Gadgets.com)
ரிலையன்ஸ் ஜியோ (Reliance Jio) ரூ .699 விலையில் ஜியோ ஃபைபர் பிராட்பேண்ட் திட்டத்தை வழங்குகிறது. இது ஒரு மாதாந்திர பேக் ஆகும். இதில் 100Mbps இன் இணைய வேகம், வரம்பற்ற தரவு மற்றும் குரல் அழைப்பு ஆகியவை கிடைக்கின்றன. திட்டத்தில் மாதத்திற்கான தரவு வரம்பு 3,300 ஜிபி ஆக உள்ளது. இது குடும்பத்தில் உள்ள அனைவரும் உபயோகித்தாலும் எளிதில் தீராது என்பது கவனிக்கத்தக்கது. வரம்பை அடைந்த பிறகும் இணையம் தொடர்ந்து இயங்கும், ஆனால் வேகம் சற்று குறைவாக இருக்கும்.
பிரபலமான இணைய சேவை வழங்குநரான எக்ஸிடெலின் (Excitel) ரூ .699 மாத திட்டத்தில் 100 எம்.பி.பி.எஸ் வேகத்துடன் வரம்பற்ற தரவு வழங்கப்பட்டுள்ளது. இதன் சிறப்பு என்னவென்றால், நீங்கள் இந்த திட்டத்தை ஒரு வருடத்திற்கு எடுத்துக் கொண்டால், நீங்கள் ஒரு மாதத்திற்கு ரூ .939 மட்டுமே செலுத்த வேண்டி இருக்கும். ஒரு வருடத்திற்கான திட்டத்தின் விலை ரூ .4,799 ஆகும். ஒவ்வொரு மாதமும் ரூ .699 செலுத்தினால், 12 மாதங்களுக்கான கட்டணம் ரூ .8,388 ஆகிறது.
Airtel Xstream-மின் பிராட்பேண்ட் திட்டத்தின் விலை மாதத்திற்கு ரூ .799 ஆகும். ஜியோ ஃபைபரைப் போலவே, 100Mbps இன் இணைய வேகமும் வரம்பற்ற தரவுகளுடன் இதிலும் கிடைக்கின்றன. இந்த திட்டத்துடன் Airtel Xstream பாக்ஸ் இலவசமாக வழங்கப்படுகிறது, இதன் மூலம் நீங்கள் டிவி சேனல்களை இலவசமாக அனுபவிக்க முடியும். இதனுடன், நீங்கள் ஏர்டெல் எக்ஸ்ட்ரீம் செயலியின் மூலம் OTT உள்ளடக்கத்தையும் பார்க்க முடியும். வரம்பற்ற அழைப்பும் இந்த திட்டத்தில் கொடுக்கப்பட்டுள்ளது.
