Second Hand Cars: கொரோனா தொற்றுநோய் பெரும்பாலான மக்களின் பொருளாதார நிலையை மோசமாக்கியுள்ளது. இத்தகைய சூழ்நிலையில், செகண்ட் ஹேண்ட் கார்கள் மக்களின் கவனத்தை ஈர்த்துள்ளன. தற்போது, கிட்டத்தட்ட அனைத்து வங்கிகளும் செகண்ட் ஹேண்ட் கார்களை வாங்கவும் கடன் வசதியை (2nd Hand Car Loan) வழங்குகின்றன.
செகண்ட் ஹேண்ட் காருக்கு கடன் வாங்கும்போது சில விஷயங்களை மனதில் கொள்ள வேண்டும். தற்போது, பெரும்பாலான வங்கிகள் செகண்ட் ஹேண்ட் கார்களுக்கு ரூ .5 லட்சம் வரை கடன் வழங்குகின்றன. பெரும்பாலான வங்கிகளின் கடன்கள் மூன்று முதல் ஐந்து ஆண்டுகள் வரையிலான காலத்துக்கு இருக்கும். எனினும், சில வங்கிகள் கடனை திருப்பிச் செலுத்த ஏழு ஆண்டுகள் வரை கால அவகாசம் அளிக்கின்றன.
கனரா வங்கி அனைத்து வங்கிகளையும் விட மலிவான செகண்ட் ஹேண்ட் கார் கடனை வழங்குகிறது பொதுத் துறை கனரா வங்கி வட்டி விகிதத்தின் அடிப்படையில் மிகவும் கவர்ச்சிகரமான சலுகைகளை வழங்குகிறது. இங்கு 7.30 சதவீத வட்டியில், செகண்ட் ஹேண்ட் காருக்கு ஐந்து லட்சம் வரை கடன் பெறலாம். இந்த கடனுக்கு பேங்க் ஆஃப் இந்தியா 7.45 சதவிகித வட்டியை வசூலிக்கிறது.
பஞ்சாப் நேஷனல் வங்கி செகண்ட் ஹேண்ட் கார் கடனை 8.30 சதவிகித வட்டியில் வழங்குகிறது. நீங்கள் இந்த கடனை எஸ்பிஐ-ல் பெற விரும்பினால், அதற்கு 9.20 சதவிகித வட்டி கட்ட வேண்டும்.
தனியார் வங்கிகளில், ஐசிஐசிஐ வங்கி மிகக் குறைந்த வட்டி விகிதத்தைக் கொண்டுள்ளது. செகண்ட் ஹேண்ட் காருக்கு, 12 சதவீத வட்டி விகிதத்தில், ஐந்து லட்சம் வரை இந்த வங்கி உங்களுக்கு கடன் வழங்குகிறது.
எச்டிஎப்சி வங்கி மற்றும் ஆக்சிஸ் வங்கி முறையே 13.75 சதவீதம் மற்றும் 14.55 சதவீதம் வட்டி விகிதத்தில் கடன் அளிக்கின்றன.
