மகிழ் திருமேனி இயக்கத்தில் அஜித் நடிக்கும் 62-வது படமான 'விடாமுயற்சி' படத்தின் படப்பிடிப்பு எப்போது தொடங்கும் என்பது பற்றிய செய்திகள் வெளியாகியுள்ளது.
மகிழ் திருமேனி இயக்கத்தில் அஜித்குமார் நடிக்கும் புதிய படத்திற்கு 'விடாமுயற்சி' என்று தலைப்பு வைக்கப்பட்டுள்ளது. இப்படத்தை லைகா புரொடக்ஷன்ஸ் நிறுவனம் தயாரிக்கிறது.
அஜித் தற்போது நேபாளம் மற்றும் பூடான் ஆகிய நாடுகளுக்கு பைக்கில் சுற்றுப்பயணம் மேற்கொண்டுள்ள நிலையில், அவர் மே இரண்டாம் வாரத்தில் வீடு திரும்புவார் என்றும் மே-22ம் தேதியன்று படப்பிடிப்பு தொடங்கப்படும் என்று செய்திகள் வெளியாகியுள்ளது.
விடாமுயற்சி படத்தின் படப்பிடிப்பு கிட்டத்தட்ட 70 நாட்கள் நடைபெறும் என்றும், இப்படத்திற்கு அஜித் ஜூன் மாதத்தில் 40 நாட்களுக்கு கால்ஷீட் ஒதுக்கியிருப்பதாகவும் கூறப்படுகிறது.
ஏகே 62 என்று தற்காலிகமாக பெயரிடப்பட்டு இருந்த இந்த படத்திற்கு மே 1ம் தேதியன்று 'விடாமுயற்சி' என்று அதிகாரபூர்வ தலைப்பு அறிவிக்கப்பட்டது. ஆரம்பத்தில் இப்படத்தை விக்னேஷ் சிவன் இயக்குவதாக இருந்த நிலையில், அதில் மாற்றம் செய்யப்பட்டு இயக்குனராக மகிழ் திருமேனி உறுதிசெய்யப்பட்டார்.
இப்படம் அதிக பட்ஜெட்டில் எடுக்கப்படும் சிறந்த ஆக்ஷன் எண்டெர்டெயினர் படமாக இருக்கும் என்று கூறப்படுகிறது. மேலும் இப்படத்திற்கு அனிரூத் இசையமைக்க, நீரவ் ஷா ஒளிப்பதிவு செய்கிறார்.
