Yoga Asanas To Control Your Snoring : பலருக்கு, குறட்டை பிரச்சனை என்பது தீர்க்க முடியாததாக இருக்கிறது. இதனை, எப்படி குறைக்க வேண்டுமென தெரியுமா?
Yoga Asanas To Control Your Snoring : இரவில் நிம்மதியாக உறங்க, நாமும் நம்மை சுற்றி இருப்பவர்களும் கொஞ்சம் அமைதியாக உறங்க வேண்டியது அவசியம். பெரும்பாலும், ஆண்கள்தான் இந்த குறட்டை பிரச்சனையால் அதிகளவில் பாதிக்கப்படுவதாக கூறப்படுகிறது. இதை குறைக்க, சில உடற்பயிற்சிகளும் யோகாசனங்களும் உதவும். அவை என்னென்ன தெரியுமா?
புஜங்காசனா ஆசனத்தை, கோப்ரா போஸ் என ஆங்கிலத்தில் குறிப்பிடுவர். எப்படி செய்ய வேண்டும்? முதலில் குப்புற படுத்து நன்றாக மூச்சை இழுத்து விட வேண்டும். கால்களை நன்றாக நீட்டி, முகத்தை மேற்புறமாக தூக்க வேண்டும். இப்படியே 20-30 வினாடிகள் நிற்க வேண்டும்.
சிம்ஹாசனா பயிற்சி செய்முறை: மூச்சுப்பயிற்சி செய்ய அமர்வது போல முதலில் அமர வேண்டும். பின்பு கைகளை விரித்து வைத்து நாக்கை எவ்வளவு முடியுமோ அவ்வளவு வெளியே தள்ள வேண்டும் வாயை நன்றாக திறந்து ‘ஹா’ என மூச்சு விட வேண்டும். இப்படியே 5-10 முறை செய்ய வேண்டும்.
பிராமரி பிராணாயமம் ஆசனம் செய்வது எப்படி? முதலில் தரையில் அமர வேண்டும். கட்டை விரலால் கண்களை மூடி, கொஞ்சமாக அழுத்த வேண்டும் மூக்கால் மூச்சை இழுத்து விட வேண்டும். இப்படி 5-7 முறை செய்ய வேண்டும்.
உஜ்ஜய் ப்ராணாயாமம் எப்படி செய்வது? தரையில் அமர்ந்து, கைகளை முன்னாள் கூப்பி மூக்கால் மட்டும் மூச்சை இழுத்து விட வேண்டும். இப்படி 5-10 முறை செய்ய வேண்டும்.
தனுராசனா எப்படி செய்வது? முதலில் குப்புற படுத்து நன்றாக மூச்சை இழுத்து விட வேண்டும். கால்களை கைகளால் பிடித்து 15-20 விநாடிகள் அப்படியே தாக்கு பிடிக்க வேண்டும்.
சேது பந்தாசனா எப்படி செய்வது? இதனை ஆங்கிலத்தில் ப்ரிட்ஜ் போஸ் என்பர். முதலில் சாதாரணமாக தரையில் படுத்து கால்களை மடக்க வேண்டும். இரு கைகளையும் இரு புறமும் வைத்து, நேராக பார்த்து இடுப்பை மேற்புறம் தூக்க வேண்டும். இப்படி 20-30 வினாடிகள் நிற்க வேண்டும்.
நாடி சோதனா ப்ராணாயமம் செய்வது எப்படி? நேராக அமர்ந்து கண்களை மூடி மூச்சை நன்றாக இழுத்து விட்டு, உடலை ரிலாக்ஸ் செய்ய வேண்டும். ஒரு நாசியால் மூச்சை இழுத்து, இன்னொரு நாசியால் மூச்சை வெளியேற்ற வேண்டும். இப்படி, 5-10 முறை செய்ய வேண்டும்.
