வெங்கட் பிரபு இயக்கத்தில் ‘தளபதி 68’ படத்தின் படப்பிடிப்பு நடைப்பெற்று வருகிறது. இதன் தலைப்பு குறித்த தகவல் ஒன்று கசிந்துள்ளது.
தளபதி 68:
‘லியாே’ படத்தில் நடித்து கொண்டிருக்கும் போதே, நடிகர் விஜய் கமிட்டான படம், ‘தளபதி 68’. 20 வருடங்களுக்கும் மேலாக திரையுலகில் உள்ள வெங்கட் பிரபுவும், தமிழ் திரையுலகின் முன்னணி நடிகர்களுள் ஒருவராக வலம் வரும் விஜய்யும் முதன்முதலாக கைக்காேர்க்கும் படம் இது. லியோ படம் வெளியான உடனேயே தளபதி 68 படத்தின் பணிகள் ஆரம்பிக்கப்பட்டு விட்டன.
தளபதி 68 படத்தின் முதற்கட்ட பணிகள் அமெரிக்காவில் தொடங்கியது. அங்குள்ள ஒரு பிரபல திரைப்பட பல்கலைக்கழகத்தில் விஜய், சில லுக் டெஸ்டிற்கு ஆட்படுத்தப்பட்டார். இதையடுத்து, சென்னை வந்த அவர் சில நாட்களுக்கு முன்னர் படப்பிடிப்பிற்காக வெளிநாட்டிற்கு சென்று வந்தார்.
படத்தின் டைட்டில்..
விஜய்யின் 68வது படத்திற்கு இன்னும் பெயர் சூட்டப்படாததால் அனைவரும் அதனை ‘தளபதி 68’ என்றே குறிப்பிட்டு வருகின்றனர். இப்படத்திற்கு ஆங்கிலத்தில்தான் தலைப்பு வைக்கப்பட உள்ளதாக முன்னதாகவே தகவல்கள் வெளியானது. ‘பசில்’ அல்லது ‘பாஸ்’ என்பதுதான் தலைப்பாக இருக்கும் என கூறப்பட்டது.
இந்த தகவல்கள் வெளியானவுடன் தளபதி 68 படத்தின் தயாரிப்பாளர் அர்ச்சனா கல்பாத்தி தனது ட்விட்டர் எக்ஸ் தளத்தில் ஒரு பதிவினை வெளியிட்டார். அந்த பதிவில், தான் அனைத்து அப்டேட்டுகளையும் பார்த்ததாகவும். அனைவரது அன்பிற்கும் நன்றி எனவும் தெரிவித்திருந்தார். மேலும், வெங்கட் இப்படத்திற்காக பெரிய ப்ளானை வைத்திருப்பதாகவும் படத்தின் பெயர் பாஸ் அல்லது பசில் இரண்டுமே இல்லை என்றும் குறிப்பிட்டிருந்தார்.
மேலும் படிக்க | அட்லீ to ஆரவ்: 2023ல் பெற்றோர்களான கோலிவுட் செலிபிரிட்டிகள்!
இதுதான் படத்தின் பெயர்..
அர்ச்சனா கல்பாத்தி சில நாட்களுக்கு முன்னர் வெளியிட்ட பதிவில் ரசிகர்கள் யூகித்த இரண்டு தலைப்புகளுமே இல்லை என்று கூறிவிட்டார். தற்போது சினிமா வட்டாரங்களில் புதிய தகவல் ஒன்று வெளியாகியுள்ளது. அதில், தளபதி 68 படத்தின் பெயர், ‘G.O.A.T’ என கூறப்படுகிறது. இதற்கு அர்த்தம் Greatest Of All Times. ‘அனைத்திலும் சிறந்து விளங்குபவர்’ என்பதே இதற்கு அர்த்தமாகும். இதுதான் படத்தின் இறுதி டைட்டிலாக வைக்கப்பட்டுள்ளதாக கூறப்படுகிறது. இது குறித்த அதிகாரப்பூர்வ அறிவிப்பிற்காக ரசிகர்கள் காத்துக்கொண்டுள்ளனர்.
டைம் ட்ராவல் படமா..?
விஜய் நடித்து வரும் அவரது 68 வது படம், ஒரு டைம் ட்ராவல் படமாக இருக்கும் என கூறப்படுகிறது. 2021ஆம் ஆண்டு சிம்புவிற்கு கம்-பேக் படமாக அமைந்த ‘மாநாடு’ டைம்-டிராவல் சயின்ஸ்-ஃபிக்ஷன் படமாக இருந்தது. அதே போல, விஜய்யின் 68 படமும் டைம் டிராவல் படமாக இருக்கலாம் எனவும், மாநாடு படம் போன்ற கான்செப்டை கொண்டிருக்கலாம் என்றும் தகவல்கள் வெளியாகியுள்ளது.
விஜய்யின் கடைசி படம்..
நடிகர் விஜய் விரைவில் சினிமாவை விட்டுவிட்டு அரசியலுக்குள் களமிறங்க உள்ளதாக கூறப்படுகிறது. தளபதி 68 படத்திற்கு பிறகு அவர் ஷங்கருடன் ஒரு படத்தில் இணைவதாகவும் அது ஒரு அரசியல் படமாக இருக்கும் என்றும் கூறப்படுகிறது. இந்த படத்தை அடுத்து இவர் அட்லீயுடன் படத்தில் இணைவதாக ஒரு புறம் கூறப்பட்டாலும், இன்னொரு புறம் ஷங்கரின் படம்தான் விஜய்க்கு கடைசி படமாக இருக்கும் என தகவல்கள் கசிந்துள்ளது. நடிகர் விஜய் ஏற்கனவே கட்சியை ஆரம்பிக்கும் பணியில் இறங்கி விட்டதாகவும் வரும் தமிழ்நாடு தேர்தலில் களமிறங்குவார் என்றும் கூறப்படுகிறது.
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
