சூர்யா நடிப்பில் நீண்ட நாட்களுக்கு பிறகு திரையரங்கில் வெளியான படம் கங்குவா. இந்த படத்தில் சூர்யா இரட்டை வேடங்களிலும், திசா பட்டானி, கருணாஸ், கேஎஸ் ரவிக்குமார், கார்த்தி ஆகியோர் நடித்து இருந்தனர். சிறுத்தை சிவா இயக்கத்தில் மிகப்பெரிய எதிர்பார்ப்புகளுக்கு மத்தியில் வெளியான கங்குவா படம் மிகப்பெரிய தோல்வி அடைந்தது. ஸ்டுடியோ கிரீன் சார்பில் ஞானவேல் ராஜா தயாரித்திருந்த இப்படம் 400 கோடி பட்ஜெட்டில் உருவானது. இரண்டு பக்கங்களாக எடுக்கப்பட்டுள்ள இப்படம் 2000 கோடி வசூல் செய்யும் என்று தயாரிப்பாளர் படத்தில் முன்னோட்ட விழாவில் பேசியிருந்தார். ஆனால் படம் நன்றாக இல்லாத காரணத்தினால் பலரும் படத்தை விமர்சித்தனர். இதனால் கங்குவா படக்குழு மிகப்பெரிய வருத்தத்தில் உள்ளது.
மேலும் படிக்க | தங்கலான் 2ஆம் பாகம் உருவாகிறது: நடிகர் விக்ரம் அறிவிப்பு
தற்போது சூர்யா ஆர்ஜே பாலாஜி இயக்கத்தில் தனது 45 வது படத்தில் நடித்து வருகிறார். பொள்ளாச்சி மற்றும் கோயம்புத்தூர் சுற்று வட்டார பகுதியில் படத்தின் படப்பிடிப்பு நடைபெற்று வருகிறது. முதலில் இந்த படத்திற்கு ஏஆர் ரகுமான் இசையமைக்க இருந்தார். இதற்கான அதிகாரப்பூர்வ அறிவிப்பும் வெளியானது. ஆனால் தற்போது சூர்யா 45 வது படத்திலிருந்து ஏஆர் ரகுமான் விலகி உள்ளதாகவும், புதிய இசையமைப்பாளராக சாய்அபியங்கரன் இணைந்துள்ளார் என்றும் படக்குழு தெரிவித்துள்ளது. இந்நிலையில், ஏஆர் ரகுமான் படத்தில் இருந்து வெளியேறியதற்கான காரணம் தற்போது வெளியாகி உள்ளது. சூர்யா 45வது படத்தை அடுத்த ஆண்டு செப்டம்பர் மாதம் வெளியிட படக்குழு திட்டமிட்டு வருகின்றனர்.
Happy and excited to welcome the young sensation @SaiAbhyankkar onboard for #Suriya45 pic.twitter.com/bHCPCa3ufv
— RJ Balaji (@RJ_Balaji) December 9, 2024
சமீபத்தில் விவாகரத்து பெற்ற ஏஆர் ரகுமான் அடுத்த இரண்டு அல்லது மூன்று மாதங்களில் படம் வெளியானால் மட்டுமே இசை அமைத்து தருவேன் என்றும் அடுத்த ஆண்டு அல்லது 2026-ல் வெளியாகும் படங்களுக்கு பாடல்களை தர எனக்கு ஆறு மாத காலம் அவகாசம் வேண்டும் எனவும் கேட்டுக் கொண்டுள்ளார். ஆனால் படப்பிடிப்பு நடத்த உடனடியாக பாடல்கள் தேவைப்பட்ட நிலையில் பட குழு இசையமைப்பாளரை மாற்றி உள்ளனர். கட்சி சேரா பாடலின் மூலம் அனைவரையும் திரும்பி பார்க்க வைத்த சாய்அபியங்கரன் இந்த படத்தின் இணைந்துள்ளார். தற்போது பொள்ளாச்சியில் பரபரப்பாக நடைபெற்று வரும் இந்த படத்தின் முதல் கட்ட படப்பிடிப்பு இந்த மாதம் 23ஆம் தேதி முடிவடைகிறது.
மறுபுறம் சூர்யாவின் 44வது படம் ரிலீஸ்க்கு தயாராகி வருகிறது. இந்த படத்தை கார்த்திக் சுப்புராஜ் இயக்கியுள்ளார். கேங்ஸ்ட்டர் பின்னணியில் உருவாகியுள்ள இப்படத்திற்கு இன்னும் தலைப்பு வைக்கவில்லை. சூர்யாவின் ரசிகர்கள் தற்போது இந்த படத்தை தான் நம்பி உள்ளனர். பொங்கலுக்கு படம் வெளியாகும் என்று எதிர்பார்க்கப்பட்ட நிலையில், மார்ச் மாதம் தள்ளிப்போக வாய்ப்புள்ளது.
மேலும் படிக்க | தங்கலான் போன்ற படம் எடுக்க தைரியம் வேணும்... - நடிகர் விக்ரம்
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..
முகநூல் - @ZEETamilNews
ட்விட்டர் - @ZeeTamilNews
டெலிக்ராம் - https://t.me/ZeeTamilNews
வாட்ஸ்-அப் - https://whatsapp.com/channel/0029Va5XFvI90x2plF9cKY1r
அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ
